للغَيم قدرها

الجزء 19

مَاطحتِ ولا اطُيحِ وامشي برهاوهَ.
حَصتي بحَلكِ الاسَباعِ اخذهاَخاوهُ🦅⭐

للغيم قدرها ⭐🦅

للكاتبة :- زهرة آل جبر 🤍
___________________

غيــــــــم ...

كل ما امشي يرجع يجرني اقوى
غيم ، كافي تلح عليك الله كافي وخر من طريقي خل اروح متت بعد ما اكدر
غيث ،  جرني حيل كض اجتافي  باثنين ادي خله عينه بعيني وحجه
_غيم اهلج ما ماتوا
غيم ،  حسيت صوت وشوشه صار بعقلي من كمية الضغط والخربطة الاني بيها
_ ش شنو شتحجي انت تريد تخبنلي ساعة تكلي ماتوا ساعة تكلي ما ماتوا
احجي گوه من البجي عيوني حمر وجسمي كله يرجف من القهر والعلاج الشربته
ما كدرت ابقى واكفة حسيت رجليه صاروا خيوط وبس ارجف وكعت بالكاع دنكت ابجي بانهيار

غيث كعد كدامي رفع راسي بيده
دفعت ايده حيل
غيم ، باوعتله خازرته بحده ونبرة غضب
_ بعد اذا مديت ايدك عليه اكسرها
غيث ، سوي التردينه بس كافي بجي
غيم ، اهلي وين وشبيهم احجي خل افتهم احجي مووگلبي انتهى انت شنو من بشر
غيث ، كلشي ما بيهم بخير وكاعدين باحسن مكان واحسن منطقة اعتبريهم مسافرين يغيرون جو
غيم ، مسافرين ؟؟ انتَ صاحي اهلي حركوا البيت عليهم شلون طلعوا ومنين وليش الكامرات ما شافتهم ومنو ساعدهم
غيث ، حيييل كل هذا اجاوب علي
غيم ، ليش هيج تسوي ؟ ليش كل هذا البرود واني گلبي محترك شمسويتك بشنو اماذيتك ليش هيج تعذبني باعز ماعندي
غيث ، اني اعذبج ؟
غيم ، بس فهمني اهلي وين صدك مابيهم شي لا تجذب عليه والله اتمنى اموت ولا يستمر هذا العذاب كل ما اغمض عيني اتخيل اهلي النار تاكل بيهم رااح اموت
غيث ، اهدي والله ما مجذب عليج اني ما جنت مقرر اكلج بس من شفت هيج حالتج وصحتج ادهورت ما كدرت حاولت اسكت واضم عليج بس دموعج خناجر بگلبي

غيم ، اريد احاجيهم
بقى صفن بوجهي
غيم، هاا ؟
غيث ، بسيطة بس شوي تتاخرين اخابر صديقي يروحلهم بهل ليل حتى فشلة
غيم ، ما يهمني اهم شي اسمع صوتهم
خابر صديقة كاله نص ساعة واخابركم
غيث ، امشي خل نرجع للبيت بين ما يوصل
غيم ، ما اتحرك منا والله الا اسمع صوتهم
غيث ، لج بابا نص ساعة نبقى كاعدين بالشارع انوب فارغ اليفوت عباله جني ماكو بشر صاحي يتربع بالشارع بهل ليل
غيم ، عادي
غيث ، شنو عود تعاندين انتِ ما شوفين حالتج شصاير بيها ترا بيد وحدة اشيلج واشمرج بالصندوگ اخلص من صوتج (عود يشاقة )

غيم ، اي جاكي شان

غيث ، يعني تتحديني مو الله اكول حرام اشيلها الا بالعباس جان من زمان سويتها

غيم ، وين صار هذا
غيث ، الولد كال نص ساعة انتِ دقيقة ما صبرتي
ولجج باردة وعلي راح اجمد
غيم ، هاي السيارة واكعد
غيث ، زين ليش ما تكعدين بالسيارة
غيم ،ما اثق بيك تسوق بسرعة واني اريد اروح للفندق
غيث ، ههه لج بابا بالعباس ما ترحين الاي فندق ما اتسمى زلمة وشاربي عليها اذا ما كسرتج اذا وصلتي لفندق
غيم ، وانت شعليك
غيث ، انتِ ما يفيد وياج الحجي دنك راد يشيلني صدك من كل عقله شو تعالي
غيم ، لا لا وخر خلص اني اكوم بس احلف ما تحرك السيارة
غيث ، والله هاهي شبيج
غيم ، رحت كعدت كدام
غيث ، اني راح انام ع الكشن الوره لحد ما يخابر نعسان حيل
قفل السيارة وخله السويج بجيبة ونام
بقيت منتظرته يخابر. عبرت نص ساعة وهو ماكو كلش خفت يطلع جذابة
دك الموبايل وغيث نايم ما يدري بالدنيا مبين باقي بدون نوم اجيت اخذ الموبايل من سترته كض ايدي حيل حسيتها نكسرت فتح عيونه بسرعة
غيم ، اخخ ايدي شببيك
غيث ، عاف ايدي وجاوب
الوو ها وصلت. يلا انطينينا
انطاني الموبايل كضيته ايدي ترجف بس اريد اسمع صوته
غيم ، الوو
وائل ، ها بنيتي حبيبتي شلونج
غيم ،ب بابا بس هاي الكلمة حجيتها وبعد ما كدرت متت من البجي
حنين ، يمه حبيبتي لا تبجين يروح امج مابينه شي والله احنى بخير
غيم ، يمه عليج الله بيكم شي احد اذاكم
واىل ، بابا كلشي ما بينه والله كاعدين هنا بخير ومرتاحين
حنين ، يمه ديربالج ع روحج لا تقهرين بنفسج
غيث ، خالة وعلي ترا تشرب حبوب تريد تكتل روحها
وائل ، غييم ليش هيج بابا
غيم ، لا والله مو هيج السالفة
حنين ، يمه فدوة لا تاذين نفسج احلفيلي
غيم ، هاهي والله
وائل ، بابا ابقي ابيت ابو غيث وديربالج ع نفسج
غيث ، باوعلي وابتسم عود انتصر
غيم ، بابا بس ..
غيث ، خذه الموبايل من ايدي يلا عمي اخذوا راحتكم
وائل ، الله وياك وليدي بنتي امانة بركبتك لحد ما ارجع ديربالك عليها
غيث ، بعيوني والله قبل لا توصيني
مع السلامة
وائل ، الله وياك
سد المكالمة ورجع كعد بمكانه ها هسه نرجع للبيت لو بعد تردين ترحين للفنادق
غيم ، باوعت علي وسكتت
غيث ، صدك لو كال ابو المثل
غيم ، شكال
غيث ، كال عاقب غيم بفصل شهرين
غيم ، عادي افصل بعد ما عندي شي اخاف علي
غيث ، ليش شجان عندج
غيم ، ديون بس الحمدلله وفيتهن قبل يومين
غيث ، شكد صارلج توفين بيهن
غيم ، والله اهواي
غيث ، والله هسه مال دجاجة شوية ونتربع بالشارع وناكل
غيم ،ههه
غيث ، اي اضحكي راحت الطنكورة
غيم ، مو طنكورة بالعباس احتركت روحي
غيث ، هسه الحمدلله اطمنتي عليهم.
غيم ، ايي والله
غيث ، زين اكلج بعدني عدوج لا
غيم ، عدوي ؟؟
غيث ، ايي مو كتليتيلي اني بعد اكبر عدو الك
غيم ، يا هههه
غيث ، والله فد وحدة انتِ مال اموتج خنك
غيم. سيدي شعندك ويه الخنك
غيث ، اني احب اخنك اليعاندني علمود لا يعيد غلطته
غيم ،هاي اذا طلع عايش ما ناسية شلون خنكتني
غيث ، يبوو انتِ ما تنسين كتلج جنت عبالي ارهابي
غيم ، اني كلت خلص راح اموت ما صدكت من عفتني
غيث ، ثاني مرة اموتج ولا يهمج
غيم ، ههه