للغَيم قدرها

الجزء 20

للغيم قدرها ⭐🦅

  للكاتبة :- زهرة آل جبر  🤍
___________________

غيــــــــث ...

كعدت ثاني يوم لكيت عوض يفتر بالاستقبال جنه فارة همزين قافل الباب شفت الساعة ب 8  اجه عوض يزحف بسرعة من شافني كعدت صعد ع صدري وضل يشرمخ بوجهي بدي عود يلعب
غيث ، بابا وخر شككت وجهي
ولا جنه بس يلعب
شوو تعال اليوم الا اكلك بقيت العب ويا ادغدغه واعضه وهو بس يضحك
غيث ، اني  ما اقبل ع غيم تعضك واني كلت خدودك  يلا كوم زلمتي خل نشوف المصايب المنتظرتني والله بس انتَ الواحد يرتاح يمك
نسيت غيم نايمة بغرفتي كلش طارت من بالي رحت دخلت للغرفة شفتها نايمة غافية ما تدري بالدنيا بسرعة خليت عوض ع الجرباية وطلعت  بس نزلت صارت  بوجهي غسق
غسق , صباح الخير عموو
غيث ، هلا عفته وطلعت ع غرفة ابوي لكيته نايم كعدته كوه
سعد ، هاا يابة شوكت اجيت
غيث ،البارحة بليل
سعد ،  لعد امك وين
غيث ، مو انت موصيها ع شغلة يم عمتي
سعد ،  ايي نسيت من الدوخة البراسي
غيم شلونها خطية هل بنية
غيث ، جبتها وياي
سعد ، هاا
غيث ،اي والله تكول اذا ابقى يم اخواني يكتلوهم  صايرة بيها خوفة حتى يمنه ما قبلت تبقى جبتها سحل
سعد ، ما كتلها
غيث ، اشرت الابوية عود اسكت من غسق  عرفت بكلشي
سعد ، اهوو نسيت والله
غيث ، ما لازم تنسى يابة
سعد ، امشينه خل نتريك
طلعنه للمطبخ لكيت الشيطانة مسوية ريوك
غسق ، يلا عمو اتفضلوا
سعد ، شكرا بنيتي.   لعد وين غيم خل تجي تتريك
غيث ، نايمة يابة
غسق ، وجها صار اصفر. غيم  اجت
غيث ، اي اجت وين تردينها تروح ان شاء الله
غسق ، لا مو هيج قصدي
غيث ، كلشي لا تقصدين وشتحجي عليج لا تردين ترا متحاميتلج كلش
غسق. واني شعلية شنو ذنبي
غيث ،  باوعتلها بطرف عيني    بگلبي ودلي اموتها ادري كلش زين هي السبب الرئيسي بس لازم اسكت حتى الگف الساعدوها
غسق ، صار عمو
تريكت وامي دخلت بعد ما كملنه بدقايق

احلام ، السلام عليكم
سعد ، وعليكم السلام
احلام ، تريكتوا
غسق ، اي خالة اسويلج ريوك
احلام ، لا تريكت وطلعت  ... غيم وين
غيث ، نايمة 
غسق ، الفراش بالاستقبال فارغ
غيث ، مو بالاستقبال نايمة بغرفتي
غسق وجها ضل ينطي الوان 
احلام ، هذا فراشك بالاستقبال
غيث ، اي اني وعوض نمنه بالاستقبال
سعد ، يابة شعجب اليوم ما عندك دوام
غيث ، لا خذت اجازة تعبت البارحة كلش متاخرين وصلنه للبيت
______________&&&________________
غيم ...
جنت نايمة غافية كلش بعد تعب يوم طويل فزيت احس ثكل فوك صدري شي صغير يتحرك ع وجهي
فتحتت عيوني لكيت عيون عوض لازكات بعيوني و يعض بخشمي
غيم ، ههه ولك شسوي ليش تعضني  شبگته وبقيت العب ويا  انوب كمت عدلت حجابي شلت عوض و طلعت شفت غيث كاعد بالصالة

غيم، صباح الخير
غيث ، يا صباح كولي ظهر الخير
غيم، ليش بيش الساعة
غيث ،ب 2 الظهر
غيم ، لا والله صدك تحجي
غيث ، اي والله
غيم ، وعوض باقي بدون اكل من الصبح ؟؟
غيث ، ليش يابة  وكلته ورجعته يمج
غيم ، انتَ ؟؟.
غيث ، لا امي
غيم ، رجعت خالتي وينها
غيث ، خذت غسق للدكتور محروكة ايدها متدري الحية تكدر تغير جلدها
غيم ، زينة وين
غيث ، بالدوام.
غيم ،  سيدي خلي عوض يمك بس اغسل وجهي
غيث ، شعلية ابني لو ابنج
غيم ، خذته مشيت خطوة
غيث ، تعالي تعالي انطينيا
رحت غسلت وسويت جاي
غيث ، گلي بيض ما احب الجبن ولا تكولين منو عازمك عجبني اتريك مرة لخ
غيم ، حاضر سيدي
سويت جاي ردت اسوي البيض
غيث ، اوكفي اوكفي تذكرتج البيض السويتي ذيج المرة مينبلع اني اسوي
غيم ، گلت بكلبي ديلا فكه بعد احسن
كعدنه ناكل ودخلت خالتي ويه الحية كمت ردت اكتلها وغيث جر ايدي حيل لزكها بالطاولة
غيم ، عوف ايدي
غسق ، غيم والله اني معليه شنو ذنبي ليش هيج حاقدين عليه
غيم ، انتِ السبب اليوم اموتج سيدي عوف ايدي
غيث ، صاح عليها امشي جوه
غيم ، عوفني وين ترح مني اموتها يعني اموتها
غيث ، اكعديي دفعني حيل ع الكرسي
غيم ، روح عليها بدل ما جايني تصيح عليه ولو تجر بيه ودفع  ليش هيج ادافعلها فهمني
غيث ، ولج ما مدافعلها افهمي افهمي
احلام ، غيث. لا تصيح عليها وخر شبيك تخبلت
غيم ، لا بلا عوفي خالة خل افتهم شبي
غيث ، باعي رايح للاستقبال والله اذا سمعت صوتج ابليج بلوه
غيم ، والله ما اعوفها ما اعوفها شتريد تسوي سوي ردت اروح للغرفة عليه جرني من ايدي حيل طلعني من المطبخ ودفعني بالاستقبال قفل الباب وخله المفتاح بجيبة كض الموبايل وكعد
غيم ، يعني لشوكت تبقى حابسني هي هاي الامانة ما شاء الله تعرف تصون
غيث ، لو تكبرين عقلج تعرفين اني ليش اتصرف هيج
غيم ، ما اكبره يلا انت فهمني
غيث ، تعالي اكعدي
غيم ، ما اكعد احجي
غيث ، غيم حيل جاي اطولين السانج وساكتلج اهوااي سكتتلج وعبرت من زمااان
احترمي نفسج وطبقي كلامي
غيم ، ما مجبورة اطبق كلامك خارج الدوام
غيث ، تعااالي اكعدي
غيم ، لا اصيح ما اشتغل عندك
غيث ، طبج طوب انتِ الخسرانه ردت اشوفج شي مهم
غيم ، شنو بلا
غيث ، اكعدي بالاول
غيم ، تمام ادنه خل اكعد
غيث ، ادنيت تعالي
غيم ، كعدت شفت النزلوا من دراجة  ملثمين انطوها شي وطلعوا بسرعة 
غيث ، باعي جانوا يجون ويحجون وياها وانتم نايمين
غيم ، والمطلوب مني شنو  اسكتلها مثلا ؟؟
غيث ، بحكم شغلج تعرفين هذول مستحيل نوصلهم الا من غسق مثل ما غسق حركت گلبج همه هم  شاركوا والهم دور جبير معقولة تعوفين اثنين علمود اتاذين وحده هذا تصرف بس الغشيم يتصرفه