للغَيم قدرها

الجزء 25

لآ تعش في آلماضي لكن تَعلم منهُ دائمًا . 🪐🤍

للغيم قدرها 🦅♥️

للكاتبة :- زهرة آل جبر 🪽🛡️

____________________

1:30 Bm

جان يوم متعب نفسيا عليه بدون نوم واكل بس سهر وتعب. بس جنت واكفه ع حيلي لحد ما اجاني اتصال من غيث رحت لمكتبه بوقته انصدمت بشي الي وكع حيلي كله

خذت تحية و دخلت جان واحد كاعد مقابل غيث يگلب بملفات
غيم،. نعم سيدي
من حجيت الجان كاعد رفع راسه بسرعة وبصدمة واني من شفته انصدمت اكثر منه هذا مروان شجابة
بقى صافن عليه والصدمة واضحة ع عيونه وكل ملامحة وحتى اني جان واضح عليه الصدمة والارتباك
غيث ، غييم غييم مو جاي احاجيج
غيم،. نعم سيدي.
غيث. ،انطيني الملف شبيج
غيم،. انطيته ملف ورقي وايدي ترجف
غيث ، ليش مستنسخته
غيم ، هاا
غيث ، اشرلي ع مروان. المقدم مروان راح يكون مسؤول ع قضية ....
مقدم مروان هذه الملازم غيم هي راح تساعدك بكلشي تحتاجه بالمراقبة والتجسس الالكتروني شاطرة بشغلها وتكدر تعتمد عليها

مروان ، ابتسم بصدمة وانتصار. يشرفني اشتغل وياها
غيم ، سيدي اكدر اطلع
غيث ، اتفضلي
طلعت بوجهي للحمامات غسلت وجهي بمي بارد بس اريد الارتباك يروح مني
غيم ، هذا شجابة وين جان ليش شافني ما جان المفروض يشوفني بقيت اغسل وجهي لحد ما حسيت نفسي هديت عدلت حجابي وطلعت رحت للحديقة شوية و سمعت صوت وراي التفت بسرعة

مروان ، وين جنتي تدرين شكد دورت عليج
غيم ، روح منا
مروان ، اروح ؟؟ اكو اهوااي كلام لازم اسمعه منج منتظرة من 4 سنين
غيم ، كلشي ما تسمع مني
مروان ، خل نكعد بمكان ونحجي مشتاقلج گلبي طاك عليج
غيم،. مروان روح منا لا احد يشوفك
مروان ، خل الدنيا كلها تشوفني ما يهمني غيرج ليش هيج عيونج تعبانة حبيبتي بنيت گلبي ليش هيج شكلج ذبلان
غيم ، مرواان
مروان ، ها ياروح مروان
غيم ، مروان البنية الصغيرة الضعيفة ماتت لا تحاول نجرد محاولة وياي اندمك
مروان، اني ما اريد شي منج بس تكونين زوجتي
غيم، كتلك من قبل وارجع اكول ما اريدك
مروان ، لليش
غيم، انت واحد شراب عرك وابو نسوان كل سالفة مو زينة بيك
مروان ، وعيونج اعوف كلشي الخاطرج
غيم،. الربك ما عفتهن تعوفهني الي روح منا
مروان ، اكدر مثل ما كدرتي تتحولين من مبتز لضابط يحارب الابتزاز
غيم،. تهددني ؟؟
مروان ، حاليا لاا
غيم ، شتريد تسوي سوي ما تهز مني شعراية
مروان ، تدرين شكد دورت عليج وشكد تعبت تدرين اني اتصوبت بالمهمة الطلعت بيها وبقيت شهرين مقعد ع الكرسي وكل تفكيري بيج جبرت نفسي اكوم حتى اوصلج ما عفت مكان ما دورت بي انطيت فلوس ورشاوي بس حتى ينطوني موقعج
غيم،. مو جديدة عليك كلشي حرام انت ماشي بي بقت ع الرشاوي
مروان ، كل هذا سويته لخاطرج
غيم،. تحبني
مروان ، مو بس احبج كل دنيتي انتِ
غيم، عوفني
مروان ، شنوو
غيم ، اذا صدك تحبني عوفني كمل حياتك بعيد عني
مروان ، بعد كل السويته حتى اوصلج اطلبين مني اعوفج
تدرين اني اراقبج من انحرك بيت اهلج اراقب كل تحركاتج بس جنت منتظر فرصة واول ما صحتلي فرصة خذت الفضية علمود اكون يمج
غيم ، شلون تستوعب فهمني
مروان ، غيم لو واحد غيري هيج تغدرين بي وتشردين منه بعد ما جنتوا مخططين موعد الخطوبة ما جان سكتلج قدري شكد احبج وضحيت لخاطرج
غيم ، لا انت ولا تضحياتك تسون ذرة
مروان ، العميد غيث فريستج الجديدة مو ؟؟ هم راح تضحكين علي وتاخذين مصلحتج واطفرين
غيم ، احترم نفسك لك
مروان ، اذا ما سمعتي الكلام احجي كلشي للعميد غيث واعرف انتِ عايشة ويا بنفس البيت
غيم ، شتريد تحجي احجي ما تهمني لا انت ولا العميد غيث
مروان ، طلع موبايله من جيبة كل كلامج مسجل عندج اسبوع اذا ما اجيتيني برجليج للمحكة نعقد اقري ع نفسج السلام حتى عوض احرمج منه