للغَيم قدرها

الجزء الحادي عشر

I love you ❤️‍🩹🫂

للغيم قدرها ⭐🦅

للكاتبة :- زهرة آل جبر 🤍
___________________

غيــــــــم ...

نظرتله  بصدمة وحيرة  وكل تفكيري شلون اامن ع اهلي وبيتي وبي وحده تاجرة مخدرات ؟؟

غيث ، هاا شكلتي
غيم ، شتامر سيدي اني حاضرة
غيث ، اني اقترحت عليهم نخليهن يمج لان انتم ماعندكم احد وابوج زلمة جبير كتلهم البنية جيرانة واعرف ابوها نكدر انامن ع البنات يمهم اني ما اكدر اخليهم يمي بسرعة يطلعوني مو زين و نيتي قذرة

غيم ، صح سيدي
غيث ، كال للعسكري جيبهن ،، غيم ابد لا تجيبين طاري عوض كدامهن سالتهن اذا جان اكو احد وياهن اطفال لو اكبار واكدوا جانن لوحدهن حتى البنية البلغت سالتها الوحدها وكالت محد جان موجود انتِ بحثتي
غيم ، نعم سيدي ما كو. احد مبلغ ع عوض
غيث ، حتى السالتهم نفس الكلام ما بقى عدنه غير المصاب المنهم نعرف ابن منو
غيم ، سيدي اذا ... بعدني ممكملة اندك الباب دخلوا بنات صغار بالعمر كلش انقهرت عليهم
غيث ، تعالوا بابا اكعدوا هذه الضابط غيم راح تاخذكم يمها لحد ما انحل الموضوع ان شاء الله اسبوع وكلشي ينحل

غسق ، ان شاء الله
غيم ، جانت غسق هي الوحيدة التحجي وترد البنات هذنيج ساكتات ومبين الخوف والندم بعيونهن

غيث ، يلا غيم اخذي البنات خل يكعدون و يرتاحون بالبيت

غيم ، حاضر سيدي خذت تحية وطلعت همزين خابرت ابوي و جابلي السيارة من الفيترجي
صعدنه بالسيارة كلت خل اسولف وياهن علمود لا يحسون نفسهن غريبات
غيم ، بنات شسمكم شبيجن جامدات اعتبرني صديقتجن اختجن

غسق _ اني اسمي غسق عمري 15 طالبة ثاني متوسط

__ اني رسل عمري 14 هم ثاني متوسط
__ اني اسراء عمري 14 ثاني متوسط

غيم _ هادئات رسل واسراء دائما لو مستحيات

غسق ، لا يتعايرن
غيم ، ليش هيج تكولين
غسق ، عود عاقلات وما يحجن
غيم ، لا طبيعي الانسان ميحجي كدام احد ميعرفه ان شاء الله نتعرف ع بعض ونكون احسن من الاخوات
جان موبايلي وجنطتي من جهة غسق لان هي كعدت ليكدام. اجتني رسالة بسرعة مدت راسها
غسق ، العميد غيث دزلج رسالة
غيم ، شفت الرسالة كاتب ( غيم خابرت ابوج و وضحتله كلشي وكلت الاهلي واهلج لحد يجيب طاري عوض )
غيم. تمام سيدي ورجعت الموبايل بمكانه
غسق ، هذا نفسه الكالج نبقى يمج مو
غيم ، اي هو
غسق ، هو متزوج ، مرتبط
غيم ، اني شمدريني حبيبتي ميصير هيج تسالين
غسق ، لا بس ما معقولة واحد بجماله وبعمره ما مرتبط او متزوج
غيم ، ما ادري وبعد لا تسالين هيج اسئلة
غسق ، اوك اني اعرف بطريقتي
رسل ، غسق انتِ ما اتوبين من سوالفج لشوكت تبقين ملطلطة