للغَيم قدرها

الجزء السادس عشر

كالروح انا من نالني نال السبع معجزات ✨❤️‍🩹

للغيم قدرها  ⭐🦅

للكاتبة :- زهرة آل جبر

_________

غيــــــث ...

6:00 Am

كعدت ع صوت المنبه تريكت وطلعت للدوام

اليوم ماكو قضاية فد شي قليل انتيجت ع الكرسي ورجليها ع المكتب اشرب جكاير واحجي ويه روحي

غيث ، ايي واخيراا الناس بدا يصير عندها وعي تجاه الابتزاز لو بس البنات يعوفن الثقة الزايدة بشباه الزلم والله حرام ينكال علي زلمة اليهدد بنت وثقت بي بس هي هم صوجها كسرة ثقة ابوها وما فكرت راح تنكسر ثقتها
اجت كم قضية اشتغلتهم ويه ولد ضابط مثل اختصاص غيم كمل قضيتين وطلع
رجعت لنفس الوضعية ادخن واحجي ويه روحي
غيث ، عجيب هذا الولد شكد هادء عبالي الهكرية كلهم عقولهم طافرة مثل غيم
اتذكرت اني معاقبها شغلت الكامرات شفتها شلون ملتهيه بيهن خربت من الضحك حل تستاهل علمود بعد تعرف توزن كلامها من تحجي ولا تلوي حواجبها عليه
بعدها بساعات اندك الباب
غيث ، تفضل
غيم ، خذت تحية و حجت. سيدي اريد اجازة اريد اطلع
غيث ، ماكو ارجعي الشغلج
غيم ، سيدي والله ضرورية كلش لازم اطلع
غيث ، ليش وين ان شاء الله
غيم ، سيدي بس انطيني اجازة لازم اطلع والله
غيث ، خل افكر
احب استفزها من تعصب تلوي حواجبها تطلع جنها الاميرة فانيليانا الصغيرونة
ما سيطرة ع ضحكت انتبهت للاسف
غيم ، سيدي صار ساعة واكفه وانت بس مبتسم لازم اطلع والله ضروري منتظرني بره
غيث ، منو المنتظرتج
غيم ، ها محد
غيث ، انطيتها اجازة وطلعت كمت وكفت يم الجامه بقيت منظرها تطلع اريد اشوف منو المنتظرها

ياريتني لا انتظرتها تطلع ولا شفتها جان ولد واكف بره من شافته راحت بسرعة وحضنته بلهفة حسيت گلبي صار الف قطعة واني اباوع عليها شلون حضنته وهذا السافل كٓيف شالها من الكاع بدي نزلت بسرعة ردت اكسره هو وياها ما لحكت عليهم

حاولت ابقى كاعد لحد ما ينتهي الدوام ماكدرت ضاج خلكي متت كوة صبرت روحي لحد ما انتهى الدوام

رجعت للبيت صارت بوجهي امي
احلام ، ها يمه الله يساعدك
غيث ، رديت عليها وطلعت لغرفتي اجت امي وراي
احلام ، اصبلك غداء
غيث ، لا يمه شبعان
احلام ، شبيك وليدي ليش صوتك مختنك
غيث ، ما بيه شي شوية تعبان من الشغل
احلام ، اخذ راحتك
طلعت امي طبعها متلح ع الضايج تعوفه يرتاح الا تحاجي وهذا اكثر شي احبه بيها
ردت انام ماكدرت
غيث ، صوجي والله صوجي شلون اطاوع گلبي واحبج شلون اخخخ لو اكضج الا اكطعج الف قطعة

طلعت بره للحديقة ما كدرت انام احس روحي مخنوك اريد اكسر كلشي كدامي بس لا اذا اكسر اكسرها هي