مثل نار بنص مدينة مابينت مهموم 🖤✨
بارد بالوجه وانا احترك سكته 🔥
للغيم قدرها 🥷⭐🦅
للكاتبة :- زهرة آل جبر ♥️🪐
______________________________
غَيــــــم ...
امصدك كلشي جان تمثيل
امصدك اني استغليته وجنت اجذب علي
امصدك اني جنت احب مروان وتركته
بلحظة غضب جريت الجهاز وبدون ما افكر اتخذت قرار صعـب بدون ما احسب احساب للعواقب الحتصير ...
طلعت اسم مروان قررت اتصل علي وانهي كلشي
انقطعة سلسلة افكاري بدكت الباب التفتت بسرعة
_ منوو؟!
_اني يمه تعالي ابوج يريدج
افتهمت ابوي يريد يسالني اذا موافقة ع مروان
حجيت بصوت مخنوگ ، هسه دقيقة يمه
خذت نفس وبجيت ماكدرت اسيطر ع نفسي
شوية طفت نار الغضب استوعبت اني شردت اسوي لو ناهية كلشي جان عشت بالسجن كل الباقي من عمري
وزينة زينة شيصيرلها اذا مروان نشر كلشي
تحسرت بنفس طلعت ويه كل ضيمي رحت الابوي كاعد بالصالة
شافني نزلت ابتسم واشري ع القنفه _تعالي باباتي اكعدي يمي
كعدت يمه اباوع علي وساكته
_ بابا الولد الاجه خطبج سالت علي
اهله ميتين وكاعد الوحدة الناس يكولون مابي شر ع احد وما اله علاقة بالناس سالت علي بالعشيرة يمدحولي بابو وبي
حتى الناس الاجو هم سالت عليهم عمامه لو لا من بعد ما عرفت ماعنده اهل وهم طلعوا عمامه وخوش اوادم
بداخلي حجيت بقهر ، ماتدري بالمضموم بابا هذا واحد جذاب اليشوفه يكول ملاك منزل من السماء وبس تتقرب علي تعرف الشيطان الساكنه
_ها بابا شكلتي ؟؟!
صارت بعيني زينة وشلون حريتي ع محك تنهدت بقهر جاوبت_ التشوفه بابا
ابتسم وحجه _ بنيتي اني اشوفه زلمة معدل وما ناقصة شي كلشي واكف ع كلمة منج تدرين بيه عمري ما جبرت بنية ع شي يروح ابوج
_ موافقة بابا
باس راسي وحجه _ خوش يروح ابوج
عفته وكمت الغرفتي كالعادة كل ما اتاذى اتمدد ع الجرباية اضل ابجي لحد ما اغفه
فزيت بنص اليل
تقريبا ...
1:45Am
اشعارات ب 10 رسايل من مروان
_ شلونج يروحي يفؤادي يكرز
خابرت ابوج وكال موافقين شوكت ما تجون هلا بيكم
عمري باجر من الصبح يمج
أنت تقرأ
للغَيم قدرها
Adventureحين تجد نفسك واقع بين خيارين الفقر ام الحرب في العشرينات ستجد نفسم وسط قرار لم يكن بالحسان فماذا ستقرر هذا ما سنعرفها
