للغَيم قدرها

الجزء 32

للغيم قدرها ⭐🥷

للكاتبة :- زهرة آل جبر

______________

غَيـــــــم ...

اشرت لتكسي وكف الولد اول ما فتحت باب التكسي حسيت انجريت من ايدي حيل
وانسد باب السيارة كل قوته .

التفتت بسرعة شفته مروان عينه صايرة زركة و وجه مبين علي مكتول كتله تسوه عمره
ابتسمت ابتسامه طرفية بخبث

غيم ، خيير
جرني من ايدي للرصيف الثاني ، امششي لج
_ عوووف ايدي
شبيك تخبلت
دنك عليه وحجه بحده ، اليوم جاي اخطبج ونهاية الاسبوع اعقد حرف واحد منج افضحج وافضح هذيج ال....
_ شتحجي انت مو البارحة اتفقنه تنطيني اسبوع

يباوع بعيوني ومالي الغضب _ هذا الحجي قبل لا ادزين غيث عليه

عگت حواجبي متفاجاة من كلامه يعني غيث هو المسوي هيج بي يعني الدم الجان بوجه وبدي لغيث هذا دم مروان والله عاشت ايدك يستاهل هل عار

صااح ، هااا شو صفنتي

_ اني ما دازته شنو هو طفل وادزه شو انت ما تعرف تحجي

دنك عليه عصر ايدي من زندي حيلل ، لا تجاوزين لا اطيح حضج اهوااااي سكتتلج

_ عوووف ايدي

نكث ايدي حيل همس باذاني حضري روحج اليوم ما اريد تاخير ومشى

_ الله لا يوفقك شكد اكرهكك امداك وامداني غميته ورجعت لسيارتي طبعا هو ما شافني لو شايفني بس الله يخلصني

رجعت كوه اسوق من الفلاونزة احجي ويه روحي

_ خاب انتِ هم حاسبه روحج مره ومحسوبه ع النسوان شو هذني بالقصص التقراهن غسق ينظفن قصر وكلشي ما بيهن اني نظفتلي 50 متر وياي زينة تمرضت اسبوع لا انوب خابصتني محد يكدري
خاب من اهمداج صفنت هسه بلا اني ويامن جاي احجي شخطتي يغيم ايييه و كعتي ومحد سمى عليج

وصلت للبيت تغديت ونمت

3:30 Bm

فزيت العصر خابرت زينة
هيج وقت تكون لوحدها

_ ها غيم

_ زينة غيث شلون صار

_ شوية احسن رجعوا للبيت قبل كم ساعة

انصدمت شنو قبل كم ساعة يعني بات بالمستشفى

_ لييش بات بالمستشفى ؟؟؟