لَم أكن أعلم أن ألطريق بهذهِ ألصعوبة لـٰكن مُتاكد أني أقوىٰ 🦅⭐
للغيم قدرها 🔥
للكاتبة :- زهرة آل جبر 🤍
_______________&
غيــــــــث ...
بسبب ثكل الشغل والقضاية والمشاكل العندي صرت ما اكدر اسيطر ع اعصابي ما انتبهت ع نفسي وعليت صوتي ع غيم ابوي صاحني للاستقبال نحجي لوحدنه
سعد ، تعال اكعد
غيث ، ها يابه
سعد ، شبيك ليش ضايج
غيث ، هيج يابة شوية ثكل شغل
سعد ، وغيم شنو ذنبها تطلع ثكل الشغل بيها وهيج تصيح عليها
غيث ، يابه هي مهملة مهملة
سعد ، يابة مو مهملة قدر ظرفها البنية نفسيتها
مدمرة ع اهلها و تجي انت تزودها
غيث ، ع شنو نفسيتها مدمرة اهله كلشي مابيهم بعد شكو
سعد ، انت شتحجي ترا غيم متعلمه ع حنان اهله يدارونها عبالك طفلة جانت اذا انجرح اصبعها ابوها يحضنه ويضمد بي واذا تمرضت امها تسهر وياها ليل والنهار وفجاة كل هذا يختفي يجي كدامها اسلوبك وصياحك
غيث ، ادري غلطت بس شسوي هيه اروح احضنها ياريت والله
سعد ، ولك ابوك كاعد ما تستحي
غيث ، يابة والعباس احبها والحسين احبها
واذا شفت ادموعها اموت من القهر يس لازم تتحمل لحد ما نعرف البقية
سعد ، هسه شنو تعوفها تنام زعلانة
غيث ، لا طبعا عندي شغل بره اكمله واجي اصالحها
سعد ، الشغل اهم منها
غيث ، لا اكيد بس هسه بعدها عصبية خل تهداء شوية واكيد زينة يمها تخرب عليه الاول والتالي
سعد ، خوش اني اروح انام
غيث ، نوم الهنا ابو غيث
سعد ، اويلي ع غيث
طلع ابوي واني طلعت كملت الشغلة العندي رجعت للبيت تقريب ب12ونص
صعدت للغرفة دكيت الباب محد يرد
غيث ، دفعت الباب شوية انفتح
ايي خوش ولا جنها هم نامت بدون لا تقفل الباب
باوعت ع الغرفة محد موجود طار نص حيلي
_ بس لا سوتها هل خبله وراحت لفندق بهل ليل رحت لغرفة زينة مقفولة يعني نايمة وغرفة امي طلعت للحمامات هم ماكو
__ وين راحت هاي
رحت للحديقة لكيتها كاعدها رجع حيلي من شفتها
شفتها تمسح وجها بس دايره وجها
_اكيد تبجي جبتلها كلنكس دارت عليه شكلها من تبجي يصير يجنن صح ما اريدها تبجي بس والله اصير كلش حلوه
___________&
غيم ...
جان يحجي وعيونه شرار يحجي بنبرة عمره ما حاجاني بيها حيل انقهرت
عفتهم وصعدت صارت تقريبا ب 12 بليل وما كدرت اغفى طلعت لحديقة البيت كعدت بيها لوحدي هدوء جدا مريح بس من كعدت اتذكر اهلي وحنيتهم عليه وشلون هسه باقية لوحدي وحتى غيث تغير عليه واسلوبة صار حقير وزينة يادوب تفرغ من الشغل الحكومي تروح ع الاهلي حيلل حسيت بخنكه بصدري بجيت من كل گلبي حسيت شوية خف الثكل الخانكني
شفت كلنكس متقدملي درت وجهي شفته غيث
بسرعة مسحت دموعي و وكفت
هو كعد ع الكرسي المقابيلي
غيث ، تنهد اكعدي اكعدي
غيم ، اريد اروح انام
غيث ، لا تجذبين ادري بيج ما نعسانة
غيم ، لا نعسانة اصلا انت شمدريك
غيث ، من تنعسين عيونج يغمضن اما هسه ما شاء الله جنهن عيون غزال
غيم ، لا غلطان نعسانة
غيث ، اكعدي واحجي
غيم ، كعدت بس سكتت
غيث ،احجي ليش تبجين
غيم ،( حجيت بس صوت) مخنوك اشتاقيت الاهلي
غيث ، وتشتاقيلهم هسه بهل ليل
غيم ، ردت اكلك بس انت مدري شبيك
غيث ، شبيه
غيم ، بس احجي تضل تصيح
غيث ، اني اصيح وعليمن عليج شبيه تخبلت
غيم ، ما سيطرت ع دموعي اي تصيح عليه و تجرني حيل وتاذي ايدي وتدفعني كل قوتك مستقوي عليه الظاهر نسيت انت ما الك اي حق تتحكم بيه كل اليربطنه سوه هو شغل لا اكثر
واخر شي خذيت عوض مني
غيث ، اني استقوي عليج ولج والله استقوي ع الدنيا كلها وما استقوي عليج اني يمج الين شلون تحجين هيج
غيم ، سيدي شبيك شجاي تحجي ردت اكوم جر ايدي
_لا تجرني لا اطخ ايدي ششجااك
غيث ، غيم ادري ضجتي لان عليت صوتي بس والله السالفة مو يمج ولا بس عليج اني عندي سالفة قالقتني وكلامكم سببلي ضغط ما انتبهت ع نفسي من عليت صوتي
غيم ، عادي مو مشكلة سيدي
غيث ، غيم
غيم ، نعم سيدي
غيث ، لا تكليلي سيدي احنى بالبيت مو بالدوام
غيم ، حتى لو سيدي احسن
اباوع علي عيونه راخيات بطريقة غريبة خفت منه انوب كل ما اريد اكو يجر ايدي ابد مو طبعه يطخني المرة الوحيد من صار حادث اهلي
غيم ، تصبح ع خير حجيت بسرعة ومشيت كل سرعتي للغرفة قفلتها ونمت
أنت تقرأ
للغَيم قدرها
Adventureحين تجد نفسك واقع بين خيارين الفقر ام الحرب في العشرينات ستجد نفسم وسط قرار لم يكن بالحسان فماذا ستقرر هذا ما سنعرفها
