للغَيم قدرها

الجزء الخامس عشر

الانسحاب من الفوضێ راحة لا مثيلَ لها ٴ⁽̯🍂♡،˝

للغيم قدرها ⭐🦅

للكاتبة :- زهرة آل جبر 🪐✨

____________

غَيـــــــــم

شوية واجا غيث سمعت صوت سيارته واخيرا راح اعرف يارب يطلع ما مخطوف ويبقى يمي گلبي ضل يدك سريييع

اول ما دخل كمت بسرعة واني شايلة عوض
دخل للصالة وجه مبين ضايج حسيت نفسي انگطع
كعد ع الكرسي الكدامنه

غيث، انطينيا
غيم، س سيدي ما مخطوف مو ؟
غيث، كتلج انطينا
خذاه من ايدي وحضنه حيل
احلام ، يمه شكالك مخطوف الطفل ؟
غيث، اي
غيم ، حسيت خسرت ابني ما كدرت اسيطر ع دموعي كمت بسىرعة رحت للمطبخ بسرعة خالتي صاحتني رفعت ايدي عود هسه اجي ما كدرت احجي لان حسيت بغصة وكفت وحدي ومتت من البجي

غيث ، تعالي لج شبيج
زينة ، غيث احجي عاد وفضنه ليش تحرك بگلوبنه
اجا للمطبخ وراي وشايل عوض بسرعة مسحت دموعي بس صوتي وعيوني مبينات باجية

غيث ، هاي شبيج تبجين كل عقلج
غيم ، ما باجية
غيث، لا ابد بس عيونج حمر مخليتلهن حمرة
غيم، س سيدي فدوه احجي عاد. بالعباس فتيت گلبي
غيث ، والله جنت اضحك عليج ما توقعتج تبجين
اكعدي واخذي عوض باعي شلون يشمر روحه عليج
خذت عوض حضنته حيل
كعد كدامي وحجه __
غيث ، الارهابي الجان وياهم كال
عوض ابن واحد جيرانهم ماعنده احد بس هو وزوجته وحالته المادية كلش تعبانة لا يسال عليهم اخوان ولا خوات من الطرفين الارهابي عارض علي يجي يشتغل ويا بالمخد،،رات وهو رافض لان سالفة جبيرة وحرام رغم اهوااي مرات عرض علي يبيع وياهم جان يرفض بس بيوم صار وقت ولادة المراة ورجلها كلشي ما يملك ماخذها للمستشفى ما مسويلها عملية الا يستلمون الفلوس ما ضل عنده حل وجاي يشوف مرته تموت كدامه ولازم عملية متصل ع الارهابي كاله يجيبله فلوس بمقابل يبيع وياهم ويسدده وفعلا راح وانطى الفلوس لكن بسبب التاخير المراة ماتت والطفل كوة نقذوه ابو ما بقى عنده حل وكام يماطل وطلع حجج علمود لا يبيع وياهم بس جبروه وحسب كلامه جان جايب. ابنه علمود ياخذ ويشرد خارج العراق بعد ما يبيع اخر بضاعة لان كمل دينة. وجمع مبلغ يعيشه مدة بس انكتل وهذا الطفل بقى يتيم .

غيم، سيدي يعني خلص راح تعوفه
غيث ، اي خلص اني فكرت اهواي الله عوضه بام مثلج تحبه وحنينة علي مو من حقي احرمه من عوض الله
غيم ، من كد الفرحة حضنت عوض حييل
غيث ، هوب هوب راح تكسرين ضلوعه
غيم ، لا هاهي اسم الله علي
خالتي وزينة جانن واكفات
احلام ، يمه الحمدلله والله فكرة ياخذونه مني اموت من القهر
غيث ، ها يمه شني نسيتيني
احلام ، حضنت غيث لا يمه انت الكل بالكل
غيث ، خوش لعد صبيلي اكل متت من الجوع
غيم ، سيدي
غيث ، ها
غيم ، هذا شلون حجه يعني هيج بسهولة اعترف ع نفسه انو هو يبيع وهو قانع الولد ومستغل ضعفة المادي
غيث ، شدكولين هو ممكن يحجي لوحده
غيم ، لا
غيث، ابتسم تعرفين الارهابي شلون اني اداري
غيم، باوعت علي وتذكرت شلون عذبني بالتحقيق
سيدي راح اخذ عوض وياي باجر ارجعه
غيث ، لا عوفي
غيم ، سيدي رجااا
زينة ، غيث معليك ناخذه
غيث، وانتِ شكو حاطه روحج
زينة ، يا اخي ما اكدر افارگها ههه ولا تجي بليل ابات يم غيم
غيث ، غيم
غيم ، نعم سيدي
غيث ، حاجيتي غسق
غيم ، لا سيدي بعدني
غيث ، شمنتظرة
غيم ،سيدي هسه احاجيها
غيث ، خوش ولا تنسين لوحدج اكعدي وياها
غيم، حاضر سيدي
احلام ، غيم لا ترحين ابقي تغدي هنا سويت دولمة وانتِ تحبيها
غيم ، خالة ع غير مرة ان شاء الله هسه ما اكدر اتاخر خاف عمتي تسويلي مجلس تحقيق
احلام ، عمتج شوكت اجتكم ؟؟
غيم ، مو عمتي اخت ابوي عمتي ام رجلي
غيث جان يشرب مي غص
احلام ، يمه اسم الله شبيك ضلت ادك ع ظهره
غيث ، ما بيه شي
احلام ، شسالفة اشرب ع كيفك
صبت لغيث اكل وكاتلي اي غيم منو عمتج ام رجلج شوكت تزوجتي واحنى مندري ههه
غيم ، غسق ما يلحگنها سبعين عمه
احلام ، هههه والله عليج سوالف ،، تعالي اكلي بين ما زينة تحضر نفسها وملابس عوض
زينة ، اني ما اعرف شيحتاج عوض غيم كومي انتِ
غيم ، ردت اكوم وخالتي حجت
احلام ، اكعدي خالة اني رايحة
بقينه بس اني وغيث وعوض مخلي ع رجلي
غيث ، زلمتي افتح حلكك اكل دولمة
غيم ، سيدي بعده ما يكدر ياكل ما عنده اسنان
غيث ، ياكل ما علي شي
غيم ،خله بحكله اكل ويسد بحلك الطفل خطية هو كوه بلعها هي صح قليل بس خفت يغص
غيث ، باعي مو كتلج احنى ما نعرف عمره يمكن سنة يمكن رايح يصير سنة شمدريج مو الا اشهر
غيم ، والله ما ادري زين خل اشربه مي خاف عطش
ضلينه نوكله دولمة ونشربه مي اجت خالتي شافتنه
احلام ، ياا يمه شجاي تسون بالطفل
غيم ، خالة اكل دولمة
احلام ، جيبي شاكل كل عقلكم يمه تاخمين الطفل
غيث ، لا يمه ما علي شربنا مي علمود لا يحس بطعم الدولمة
احلام ، والله اذا صار بالطفل شي يا ويلكم
غيث ،باووع عليه وضحك