للغَيم قدرها

الجزء 22

حتى الوردة البيضاء      لها ضلٔ اسود &

للغيم قدرها ⭐🦅

للكاتبة :- زهرة آل جبر🤍
___________________

غيــــــــم ...

وصلنه للمول اشتريت ملابس وكل احتياجاتي جنت اخر راتب ما ساحبته باقي همزين طبعا كل الاشتريته اسود لابسته گوه عليه

كملنه ردت ادفع حسابي
احلام ، يمه شكد الحساب
_ حجية (.....) كلهن
غيم ، خالة اني ادفع حسابي
احلام ، غيث انطاني فلوس واصلا اني هم عندي
غيم ، خالة رجاا اني راتبي بعدني ما ماخذه منه شي عندي والله
احلام ، يمه فدوه اروحلج ماشفتي شكد صار عصبي بالسيارة لا تزودينها اسكتي
غيم. ، بس ما ... بعدني ما مكمله دفعتله الحساب
زينة وغسق راحن لغيث قبلنه بالسيارة

طلعنن واحنى نمشي اقنعه انطيها الفلوس بدون متكله بس ماقبلت صعدنه بالسيارة
غيث ، ليش تاخرتن
احلام ، يمه ما اكدر امشي سريع رجليه وهاي سيارتك عالية بعد ما اصعد بيها
غيث ، اكعدي وره اذا ما تكدرين يمه
احلام ، تعال انزل ساعدني
خطية رجليها كلش تعبانات هي جبيرة وحتى ما مشت اهواي بقت كاعدة بس هي متتحمل

غيث ، غسق تعالي. اكعدي ليكدام ماكو مكان وره
غسق وماكيفت طارت وكعدت يمه
غيم ، احجي بكلبي عود يقهرني والله ولا يهمني شعليه بي طبه مرض ايعع اصلا اني شعندي احجي هيج
زينة ، هههه شبيييج
غيم ، شكو ؟
زينة ، لعبة نفسج من الطريق
غيم ، لا والله من اسباب ثانية
زينة ، ههههه
احلام ، شني تصالحتن
غيم ، خالة احنى ما نزعل اصلا
زينة ، ايي مجرد نقاشات بسيطة
اني سويت روحي نعسانه ونمت ع جتف زينة علمود لا يكعد يحقق وياي خل يستلم زينة رزايل
وصلنه نزلت خالتي وغسق اسمعهن
خالتي نزلها غيث كلت اسوي روحي نايمة ومن يروح اشرد للغرفة
غيم ، حجيت بصوت ناصي زينة اخوج راح
زينة ، ايي
غيم ، دخل للاستقبال اريد اركض للغرفة ؟؟
فتحت عين وحده ع كيف اتاكد لان زينة ساكته فتحت وشفته فاتح الباب الجانت كاعدة يمه خالتي ومخنزر عليه بينه وبينه اقل الشبر
غيم ، يمهههههه بس حسيت كلبي وكف من صدك شكله يخوف ولازك وجه بيه
غيث ، ومــرض
غيم ، يمه گلبي بعدني ما رايحة الصدمة وزينة الحقيرة ركضت وكعت ع الكشن لان جنت ذابه كل حيلي عليها
غيث ، انتبه ع نفسه صار كلش قريب عليه وخر بسرعة
انزلي وبوجهج للاستقبال اجيب زينة واجي
غيم ، حاضر سيدي
نزلت رحت للاستقبال لكيت عمي كاعد
غيم ، السلام عليكم
سعد ، وعليكم السلام. هلا بنيتي شوكت اجيتو
غيم ، هسه وصلنه
سعد ، ها لعد وين الجماعة
غيم ، جوه
سعد ، غيث موجود لو وصلجن وطلع
غيم ، لا موجود راح يجيب زينة من غرفتها ويجي
سعد ، ههههه يجيب زينة ؟ الظاهر مسوياتلجن مشكلة
غيم ، لا والله هو افتهم غلط
دخل غيث كاض زينة من شعرها ورافعه جنها عصفور بدي شكله يخرب ضحك بس ما جار شعرها هو ما اياذيها يموت عليها
غيث ، امشي اكعدي
زينة اجت كعدت يمي
غيث ، ايي احجن ست غيم شنو الكاتلج عوفي وما عفتي
غيم ، محد ب....
غيث ، غيييم احجي لا تفورين دمي
سعد ، شسالفة يابة شبيك
غيث ، يابا اسمحلي زينة احجي انتِ
زينة ، باوعت عليه
ماكو شي تعاركنه ع فلم كتلها عوفي بعدين نباوعه سوه و هي عاندت الا تباوعه
غيث ، يعني لازم اصدك
باوع عليه شافني ضجت كلش
غيث ، غيم الاسبوع الجاي اداومين ماكو اجازة اعتبريها انلغت وزينة حسابج عندي
غيم ، حاضر سيدي