أنت داري ودياري

بارت 6

صحيت سلمى وقررت تصحي البنات عشان يطلعون يفطرون
سلمى: يبنات قومووو خلونا نطلع نفطر
غلا: تكفين مو وقتك مافيني انا
سلمى: اقول قومي يلا بنات
صبا بعصبيه: سلمى اطلعي برا نبي ننام
قامت سلمى: بكفيكم وطلعت عند اهلها
الجد علي: ياهلا بببنتي
سلمى: هلابك ابوي
سليمان: الله جابك عندنا جدول اليوم
سلمى بحماس وصراخ: وشهوووو
نايف بعصبيه: انطميي بالمجلس خوي
سلمى: طيب وشهو الجدول؟
سليمان: نبي نطلع مخيم
سلمى : اي تكفون والله طفش
الجده نوره: طفش وهي امس طالعه
سلمى: ذاك امس انتهى لازم ننظر لليوم
الجد علي بضحك: صادقه
الجده نوره: اي اضحك مو مخربها الا انت
قامت سلمى: رجعنا لنفس الموال بروح اسويلي اكل احد يبي؟
الكل: لا
نزل ياسر وهو معصبب وواضح عليه الضيق
نايف: ولد وشفيك؟
ياسر بعصبيه: اقولك بعدين
سليمان: اي جدي خلاص نحجز؟
الجد علي: اي
قام سليمان وسلم على راس جده وطلع لتميم
تميم: ها احجز؟
سليمان: اي اي
تميم: وحجزنا الله يجعله يوم حلو
سليمان :عاد جيب اهلك
تميم: ابشررر يلا بروح اقولهم
سليمان: في امان الله
رجعت سلمى الغرفه وصارخت: بنات قومو ورانا مخيم قومووو بنمشي الظهر والحين الساعه ٩ قوموووووو
قامو البنات وهم منزعجين من سلمى وصراخها
سلمى: صلو الفجر وتعالو تحت بس ترا العيال موجودين
جود: طيب طيب بس اطلعي
سلمى: يلا
خلصو البنات من الصلاه وتجهزو ونزلو تحت
صبا: سلام عليكم
الكل: وعليكم السلام
الجد علي: بدري قمتم غريبه
جود: والله سلمى ياجد
الجد علي ضحك وهو فهم ان سلمى ازعجتهم
الجده نوره: لانا يابنتي فيك شي عيونك تعبانه
الكل ناظر لانا الا ياسر ماكان مهتم فيها
لانا : لا ياجده بس عشان النوم
الجده نوره: تسهرون وتتعبون الله يهديكم يلا قومو تجهزو عشان الظهر نحرك من هنا
قام الكل وتجهزو وطبخو أكل عشان ياخذونه هناك
غلا بصراخ: الرز بينحرق ياسلمى
سلمى بعصبيه: لاتنافخين لااصفقك
الجده نوره: بس انتي وهي انطمو
دخل نايف: وش فيكم ليش اصواتكم عاليه؟
الجده نوره: ذول البنتين ازعجوني
نايف: خلاص يمه هدي انتي وشغلهم عندي
سلمى: ياي خفت مرا
نايف بعصبيه: خلاص ياسلمى اعقلي
سلمى وهي شالت بخاطرها ليش نايف يعصب عليها قدام البنات طلعت وراحت لغرفتها ونايف حس على نفسه انه معصب عليها الايام ذي وعرف ان سلمى اخذت بخاطرها وزفر بضيق وطلع
غلا: خلاص جده بروح اتجهز ياسر يقول الكل يطلع
الجده نوره: تمام يبنتي
راحت غلا عند اختها: ميلا
ميلا: شتبغين
غلا: يقول ياسر بتركبين مع ابوي ولامعنا؟
ميلا: مين انتو؟
غلا: انا وسعود وسلطان
ميلا: لافكوني مع ابوي
غلا: بكفيك يلا ننزل
نزل الكل وصار وقت يتقسمون بالسيارات
الجد علي والجده نوره وسلمى وداليا ومي مع نايف
وجابر وزوجته لمى وبنتهم ميلا
مسعود وزوجته فاطمه وشجون وسامر
وراكان وزوجته اسماء
ويحيى وزوجته سعاد وفوز وفوزيه
وفراس وفارس وسالم
وسليمان وجود ولانا ويارا وسلطان ولد راكان
وياسر وسعود وغلا وسلطان
وسُكره وبنتها صبا>زوج سُكره مسافر وهي تسوق
تحرك الكل متوجهين للمخيم
لانا: ياسليمان بلا هبل شغل اليسا
ياسر: لا والف لاا مابشغل الا محمد عبده
جود بمزح: ترا غلا تحب اليسا
سليمان : اجل تم
ضحك الكل عليه وصارو يغنون ويطقطقون
في سيارة نايف
الجد علي: ياولد قولهم نوقف بالمحطه وكلهم ياخذون الي يبون
نايف: ابشر ودق عليهم وقالهم
في المحطه نزل الكل يشتري الي يبي
لانا: سامر تعال معانا
سامر: فكوني منكم مزعجين
جود: يلا بس محد يبيك اصلا
سامر: الاتموتون فيني
سليمان: اقول تقلع قبل اصفقك
ياسر: سلوم
ألتفت له سليمان:هلا
ياسر: تميم وينه؟
سليمان: وصل يقول
فز قلب يارا وتمنت انها ماجت
ياسر: كويس يلا ياغلا
أبتسم سليمان وهو يناظر في غلا وطلع متوجه للسياره ويفكر فيها
مرت لانا من عند ياسر ولا ناظرت فيه عكس ياسر الي كانت عيونه عليها
خلص الكل من البقاله والمحطه وتحركو متوجهين للمخيم الي اخذوه يومين
واخيرا وصل الكل المخيم الي بعيد شووي من جده
""""""""""""""""""
تعريف بسيط لعائلة تميم/
أبو تميم : محمد
أم تميم: عايشه
عندهم ولدين وبنت
ولدهم الكبير/ فيصل
ولدهم الثاني/ تميم
وبنتهم/وسن
""""""""""""""""""
أبو تميم محمد: يامرحبا بالخوي
الجد علي: ياهلابك ياهلابك
سلم الكل على بعض ودخلو الحريم قسمهم والرجال قسمهم
الجده نوره: وينك ياعايشه مختفيه من زمان
عايشه: والله اشغال الدنيا ومن يوم تميم توظف بتبوك وفيصل مبتعث مع طلال معاد احد يوديني ويجيبني
الجده نوره: الحمدلله نقلو بس
الكل : الحمدلله
عايشه: كيفك يايارا وكيف امك مانقلتو من ابها؟
يارا: الحمدلله لاوالله امي تحب ابها على خبرك
عايشه : مالها جيه هنا؟
يارا: والله مدري مشغوله مع ابوي
طبعا ام تميم كانو جيران اهل يارا في ابها
لانا لاحظت الضيق على يارا: اقولكم نطلع نمشي؟
البنات: يلا وكل وحده لبست عبايتها وطلعو يمشون والجو كان غيوم
عند الرجال نايف وياسر كان على الجوال
الجد علي: طلعنا نغير جو وراكم على الجوال انت وهو
نايف: خلاص بتركه
ياسر: حتى انا
الجد علي: يكون احسن
سليمان: ياهو الوضع طفش طلع
تميم بضحك: وربي الطفش ورانا ورانا
نايف: قومو نمشي
العيال: يلا
وطلعو وشافو البنات وكانت يارا تجري ولانا تقول: يارا وقفي ابي جوالي
ناظر تميم ليارا واخيرا عرفها هي نفسها الي بالمطار فز قلبه وتذكر ان ليان بعد ماتركته اعترفت له انها كانت مرسوله من يارا بس هي كذبت
يارا شافته يناظرها وخافت يعرفها : لنو بدخل
لانا: حتى انا معك وتوجهو لداخل المخيم
يارا: شفيك
لانا: ياسر موجود
يارا: مااعتذر لك؟
لانا: مين انا عشان يعتذر لي
يارا: معندك فضول تعرفين حبيبته؟
لانا: الا
داليا من وراهم : انا اعرف
لانا: تكفين ابي اشوفها
داليا: من حسن حظك حسابها عام وتنزل شكلها
يارا: شلون ياسر بياخذ وحده تكشف؟
داليا: اي يقول ماهمته العادات اهم شي رهف
لانا: اها اسمها رهف بعد
دخلت داليا الانستا وورتهم حساب رهف وكانت منزله نفسها وهي لابسه فستان احمر وكاتبه رايحه ملكة صحبتي عقبال تحضرون لي
لانا بغيره: حلوه والله
يارا: وش فايدة الجمال وهي عارضه نفسها للكل؟
داليا: منجد هو اوك بكيفها تكشف بس ماتوصل لدرجة تقابل ياسر
فزت لانا: يقابلها؟
يارا بعدم استيعاب: شلون شلون
داليا: والله وشفتو يوم رحنا المول؟ قابلها وكانت منزله هي
لانا بغصه: خلاص خلاص بقوم اشرب مويه
داليا وهي حزينه عليها لكن كانت تبيها تعرف عشان ياتوقف الحب ذا ياتحارب عشان تكسبه
""""""""""""""""
خرجت لانا وهي مخنوقه كيف الشخص الي تحبه ميت في غيرها ويقابل غيرها كانت تحس انها تهين نفسها بالحب ذا كانت تحس انه مايستاهلها بس يحن قلبها له وترجع تبيه أكثر من قبل كانت تمشي بدون اي فكره تمشي وقلبها ينحرق وتنزل دموعها لعل تخفف النار الي بقلبها كانت في حاله غريبه تبكي بلا صوت تنحرق بلا نار ابتعدت بكثير عن المخيم وجلست على التراب تبكي حُبها تبكي من قوة وجعها تحس خلاص أن ياسر فعلا ماهو لها وانها تمسكت في أرض مو ارضها هي تتمنى وغيرها يحصد هالامنيات طلعت جوالها وقررت تكتب مشاعرها  زي ماتعودت كل مرا
"""
"أتحبها؟"
احقا تحُبها؟احقا كل مشاعرك لها هل اخترت حُبها على حُبي مالذي وجدته بها مالذي ميزها عني؟ارجوك اخبرني ماذنب قلبي ماذنب حُب قلبي إليك احبك واحببتها تمناك وتمنيتها يريدك وتريدها مالذي يجذبك لها مالذي يفرق بحبها اوربك تحلف ان حُبها اكثر من حُبي؟مُحال هذا مُحال لاحُب مثل حبي اليك لاشخص يستطيع حملك بداخله مثلي لااحد سيقدر تلك المشاعر لسنين طويله مثلي لااحد وقع بك مثلما وقعت انا لذالك ارجوك عُد وفكر في الامر كثيرا لاتختار قلبا على قلبي لاتحطم قلبي ارجوك كن واعي وشاهد حُبي"
"""""
وقفلت جوالها وجلست تبكي وتدعي ربها
بالمخيم كانت جود تدور على لانا لكن للاسف ماحصلتها وداليا ويارا خافو انها سوت بنفسها شي طلعت جود وتصرخ: سليماننن
فز سليمان: وشبك
جود ببدموع: لانا مو فيه
سليمان: كيف مو فيه؟
جود: دورت عليها بالمخيم ماحصلتها ابدا والبنات شافوها طالعه
سليمان: وين راحتت وينننن يعيال تعالو
ياسر: شفيك
سليمان: اختي لانا ماهي موجوده هنا شكلها ضاعت
سالم: كيفففف تضيع
سعود: هدو ياجماعة الخير يبنات احد يعرف ليش طلعت؟
داليا: كانت متضايقه وطلعت
سليمان: من وش تضايقت؟
يارا: صار شي بيننا وبين صحباتنا
نايف: طيب امشو ندور عليها
ياسر: يلا نتفرق كل واحد يروح من مكان والي يحصلها يدق
الكل: تم
سليمان وهو خايف على اخته وعارف انها لو تضايقت تبعد عن الكل عشان ماتحب تضعف قدام احد اخذ جواله ودق عليها لكن للاسف مقفل جلس يدور وهو خايف عليها
عند لانا أنتبهت انها تأخرت جت تاخذ جوالها تدق على اخوانها بس للاسف كان شحنه واحد وطفى وكانت تفكر وش تسوي قامت تدور لطريق المخيم ولاعرفت
عند ياسر كان يمشي وشاف شخص واقف من بعيد وتوجه له : لو سمحت
الشخص: اهلا
ياسر: شفت بنت تمشي من هنا؟
الشخص: اي توجهت من هناك
ياسر: تمام مشكور وتوجه مثل ماقال
عند لانا هجم عليها كلاب وهي عندها فوبيا منهم جلست تصارخ وتبكي شافها ياسر وتوجه لها : تعالييي وراي
لانا اول ماسمعت صوته حست بالامان وتوجهت وراه وتمسكت فيه: تكفى ياياسر بوجهك انا تكفى
ياسر: معليك وحاول يطرد الكلاب لكن هجمت عليهم مسك ياسر يد لانا وركض فيها ولانا تصارخ وابتعدو عنها وجلس ياسر ميت ضحك اما عند لانا ميته احراج منه: مايضحك ترا
رفع ياسر نظره لها: خلاص تعبت اجلسي
لانا وهي خايفه من الظلام لانه المغرب اذن : لاتكفى ظلام
ياسر: اما تخافين
لانا: اي فوبيا تكفى ياسر وفجاه سمعت صوت كلب ونطت جلست جنب ياسر ومسكت يده: تكفى تكفى بموتتت خوف
ياسر حس بشعور غريب وعاجبه قربها منه: يلا قومي نروح للمخيم
انتبهت على نفسها لانا وبعدت: يلا
ياسر: أسف لانا
لانا: على وش؟
ياسر: ذاك اليوم مع مي
لانا: معليه عادي
ياسر: رضيتي؟
لانا: ليش مين انا عشان اهتم لزعل كذا بيننا شي؟
ياسر الي استغرب وقال: لا ابد عيال عم ولااكثر
لانا بضيق: اي
ووصلو للمخيم ودق ياسر على العيال وركض سليمان وحضن لانا: وين رحتي خوفتينا عليك ليش كذا
لانا: اسفه سلوممم معاد بكررها
سالم: لو كررتيها بنكسر راسك
لانا بضحك: معليك ودخلت للبنات وكلهم حضنوها
سليمان: وشفيها عبايتها مليانه تراب؟
ياسر بضحك: اختكم تحفه والله الكلاب كانو وراها وخلتني اجري معاها
سليمان بضحك: عاد فوبيا عندها
نايف بنذاله: يسلام
راكان: بعد افكارك ذي ولاتفكر
سلطان: عاد نايف نذل
ضحك الكل عليه وراحو يصلون المغرب والعشاء وتعشو ونامو الكبار وبقي العيال والبنات وهم متفقين يشبون نار ويجلسون معبعض جلس الكل قبال بعض البنات بحجابهم والعيال قدامهم
نايف: اي وش عندكم سوالف؟
ياسر: نلعب لعبه؟
سليمان: وش هي؟
ياسر: أسئله
الكل: يلا
ياسر يلا نايف اختار احد واسئله وهكذا
نايف ناظر للكل وقرر يختار: لانا
لانا: سم
نايف: مين الشخص الي ممكن تحسين بالامان معه بعد اهلك؟
لانا انقلب وجها وقررت تجاوب بصراحه: ياسر
فز قلب ياسر وناظر فيها وهو مصدوم وسلمى وغلا صارخو: واايييييي
نايف ضحك: ليش
لانا: اللعبه سؤال واحد ولا
سليمان بضحك: الا بس بتجاوبيني ليش ياسر
لانا بضحك: اموت على الغيوررر انا
سليمان: جاوبي بس
جود: لامالكم دخل كملو لعب
سالم: المحامي وصل
ياسر بضحك: خلاص انت وهو يلا دوري بختارر تميم
تميم: هلا هلا
ياسر: مين اول حب لك؟
انقلب وجه تميم وناظر في يارا ويارا عرفت انه عرفها ونزلت عيونها عنه
تميم: شخص مايستاهل حبي لذالك مابذكرها
ياسر بتفهم: تم يلا سليمان
سليمان: لانا
ضحكت لانا: هلا حبيبي
سليمان: ليش ياسر الامان بعدنا
لانا: مدري لان من وانا صغيره اذ صار لي مواقف تخوفني كان هو ينقذني زي اليوم رفع نظره ياسر لها وابتسم
سليمان: مالت عليه انا بنقذك مو هو
لانا: انت حبيبي
ياسر: بس بس دورك ياسلمى
سلمى غمزت لغلا: سليمان
سلميان: اشبعي فضولك
سلمى: تحب وحده؟ واذ تحب من العائله ولاصديقه من برا
ضحكك نايف: مليون سؤال في سؤال واحد
سلمى ناظرت فيه : لاتتكلم بس
نايف: ابشري
سليمان بضحك: اي احب ومن العائله
سلمى صارخت: ميننننننن
سليمان غمز : تعرفينها قريب
غلا وهي مو مرتاحه مين اليي يحبها مين
فز الكل يوم طلع الجد علي: نامو لابارك الله فيكم قام الكل وتوجهو للنوم الي نام مبسوط والي نام متضايق والي نام وهو يفكر في شخص
""""""""""""""""""

عاد كتبت هالبارت بسرعه وقلت انزله بدري ترقبو البارت الجاي بيولع❤️‍🔥
وطبعا كل الكتابات الي تنذكر بالروايه من كتاباتي