أنت داري ودياري

بارت20

قراءة مُمتعه حبايبي❤️

وبعد ضحك ومزح بين العيال أذن المغرب وتوجهو كلهم يصلون كان الامام الجد علي وخلفه كل الرجال وكان منظرهم حلو جداً صورتهم لانا ورجعت تصلي بعد الصلاه قال الجد علي: يانايف ياولدي عندي طلب تلبي؟
فز نايف: والله أن تبشر لو تبي عيوني أمرني بس وش طلبك؟
أبتسم الجد علي: أبي شاهي على الجمر من يدك أحبه منك تعرف تسويه
نايف: أبشري يالغالي الان يجيك أحلى شاهي جمر وتوجه لخيمة الحريم وقال بصوت عالي: ياسلمى تعالي عند سلمى الي سمعته قامت وهي تتلحطم وطلعت له : شتبي؟ نايف وهو رافع حواجبه : شبلاك تتحلطمين؟
سلمى: يخي تعبت كل ماجلست امي تناديني اسوي قهوه والحين انت
نايف: طيب ادخلي جيبي لي براد شاهي وسكر ولبتن وحبق
سلمى: ووش رايك امي وزوجات اخواني وعيالهم وبصراخ كم معي يد؟
نايف بنرفزه: صوتك قصريه تفهمين؟ وبسرعه جيبيهم ابوي يبها سلمى شمقت له ودخلت تجيب الاغراض وشافتها وسن وساعدتها وتوجهو لنايف الي يغني : أحبك لو أنك في ديار الخطر وقطع عليه سلمى : خذ ياابو حب ألتفت نايف وهو ناوي يهاوشها بس شاف معها بنت وعرف انها وسن وابتسم وقال: اي بالله أبو حب دام عندي هالزين أستغربت سلمى منه اما وسن عرفت انها المقصوده أبتسمت ودخلت وعند نايف رجع للرجال وهو مروق
ذياب : وش الابتسامات ذي وش السر هاا ويغمز له ناظر فيه نايف وجلس يضحك: مالك دخل حتى في سعادتي تحارشني انت؟ أبتسم ذياب: اي ياخوي سعادتنا معبعض وأبتسم له نايف وهو يحبه حب لان ذياب غير معه كان ياسر يناظر وهو يحترق لان نايف عنده غير ولايحب احد يقرب منه فز نايف يسوي الشاهي ويغني وكل العيال معاه وبصوت واحد:
" على الموعد اللي بيننا جيت لك ملهوف
أسابق عقارب ساعتك قبل موعدنا
وأنا داري إن قلبك على شوفتي مشغوف
لو إنّه يجور الوقت فينا ويتعبنا
تحديت جور الوقت يا ضامر السرجوف
لو إن اللقاء شح الزمن به وعاندنا
وإذا الله كتب لك عمر بإذن الولي بتشوف
وتدري بوفاي بوقت عيّ لا يسعدنا
أحبك لو إنك في ديار الخطر والخوف
لو إن الزمان الشين ودّه يخالفنا
سطى حبك بقلبي وحاف الجوارح حوف
يا ليت المواصل بيننا كان حايفنا
ولا ودي أجرح خاطرك مثل ما إنت تروف
بحالي وتدرى أعياننا من مدامعنا
تصبرت وأنا أدري الصبر علة المشعوف
ومل الصبر منا وحن ما تململنا
لكن الأمل لازال لو باعدتنا ظروف
ما مات الأمل من بيننا لو تباعدنا "
وسكتو وبعدهم الشيبان الي يقولون : الله عليكم الله فنانين ضحكو العيال وهم يشوفونهم يتعلمون مصطلحات جديده عشانهم ناظر نايف في ياسر وأبتسم وقال: ياسر تعال ساعدني قام ياسر له ووقف جنبه وهو يسمعه يقول: تراك غير يبعدي لاتغار من الي حولي مهما صار محد بمكانتك يوصل والله أبتسم ياسر وهو يسمع كلامه: والله أنك حبيبي صدق مو عمي انت اخ والله وقطع عليهم ذياب: عشتو وش الرومانسيه ذي وضحكو عليه وهو يخرب كل شي
عند البنات الي سمعو العيال يغنون قررو يجيبون مسجل وشغلو نفس الشيله ويغنون معاها قامت لانا وقطعت عليهم : بنات شرايكم خطوه جنوبيه؟
فزت يارا: قدامم يلا وقامو كل البنات يرقصون مع الكلمات الي تقول :
" تقول الله يطعني
و اقول الله يسبق بي
جنوبي نثر همه على غيمة جنوبيه "
وفزو العيال صفين ويرقصون مع حماس الشياب وعند البنات نفسهم صفين وعلى حماس الامهات تحمست وسن ورقصت بالوسط وكانت تنثر شعرها على صراخ البنات والجده نوره تناظر فيها وهي عاجبتها وكانت وسن ترقص والبنات يصارخون وهم متحمسين وجلسو على هالحال لما تعبو
سلمى بضحك: اهخ وسن والله فنانه شفت امي مبهوره فيك أبتسمت وسن
وهي تحس بتموت من الخجل يوم عرفت ضحكو البنات عليها وقامو يتمشون وعند الرجال الي يشربون شاهي نايف ويمدحونه وأبتسم نايف وهو يقول: بالعافيه عليكم يارجال وقال للعيال خلونا نمشي شوي وقامو كلهم وشافو البنات من بعيد وميتين ضحك عليهم وهم يشوفون جود تصارخ رعب وسلمى وراها بالجراده وشافتهم جود وفزت وراء نايف: تكفى يانيف انا وراك تكفى بعدها وجت سلمى تركض ووقفها نايف: بوجهي ماتقدرين
سلمى: بعد يخي خل أبعد عنها الدلع هي ولانا فز ياسر وسحب لانا وراه وناظر لسلمى: والله ماتقدرين تقربين منها شبر واحد تفهمين ولا بعدي يلا
سلمى بتأفف: تخربون اللحظات انتو وتركت الجراده وجلست تضحك أما فهد تعجب منها اول مرا يحصل بنت ماتخاف من هالحشرات وضحك عليها
وكملو يمشون وعند وسن قالت: يخي ودنا في خيول زي المره الي قبل
نايف: تبشرون بكرا ناخذكم الاسطبل وكل وحده تحتار خيل لها أبتسمت وسن وهي متحمسه اما عند سلمى ناظرت في داليا الي ناظرتها وضحكو ألتفت لهم نايف: ممكن نعرف وش يضحك ياخوات؟
داليا: ابد سلامتك شي بيني وبين سلمو مالك دخل
نايف: طيب طيب يادليي انتظري بس ضحكت عليه داليا وهي وسلمى كانو يضحكون ان نايف مارفض طلب وسن وايقنوان اخوهم واقع بالحب وانبسطو وعند ياسر فهم عليهم وضحك معهم بصوت عالي وناظر له نايف: وشبلاك انت الثاني ؟ ياسر بصوت خافت: الاخ واقع بالحب من ورانا هاا
ضحك نايف: اهخ ياياسر لااحد يمسكني والله أحبها أبتسم له ياسر وهو مبسوط على أن نايف قدر يحب مره ثانيه وعارف انه يستاهل الافضل
وبعد فتره وهم يمشون رجعو للجد الي ينادي عليهم يطبخون العشاء فز راكان: العشاء اليوم علي بخليكم تذوقون أحلى كبسة لحم ولا ياجد؟
الجد علي: والله انك صادق عاد أكل راكان مايجي زيه قومو ساعدوه فزو العيال وكل واحد أستلم شغله يسويها الي يقطع اللحم والي يقطع البصل والي يجهز القدر وكل ذا يصير بروح حلوه بينهم وكان الجد علي يناظر فيهم ومبتسم وهو ماأحب عليه في الدنيا ذي الا عيالها وأحفاده عند تميم راح يغسل اللحم وصادف يارا قدامه : ياهلا بالقلب ياهلا بزوجتي المستقبليه
فزت يارا وناظرت فيه وهي ميته من الخجل : تميم لاأحد يسمعك ويصدق
تميم بضحك: خل يسمعون بعدين صدق يابنت سعد تجهزي مابتروحين مني وضحكت يارا ورجعت للبنات اما تميم جلس يضحك عليها ورجع للعيال وبدا راكان يطبخ الاكل والعيال يساعدونه جاهم سامر : الله بابا بيسويه
راكان أبتسم : شرايك بس من زمان ماذوقتكم ضحك سامر الي قال: صدق من يوم جيت على الدنيا مرتين بس وضحك عليه الكل عند البنات توجهت لهم فاطمه: لانا ماكلمتي صحباتك يجون؟ لو خليتيهم يجون ماقصرو معنا
سلمى: صدق عاد انا حبيت روز نفس جوي تكفين كلميهم يجون الان
لانا: أجل تم بكلمهم الان وكلمتهم ووافقو بعد معاناه من لانا ويارا وتوجهت لانا لعند الرجال ونادت سليمان الي فز لها : شفيك فيك شي؟
أبتسمت لانا: لا بس بقولكم ترا صحباتي بيجون العشاء حطو لهم فيه
سليمان: أبشر كم عددهم؟ قطع عليهم راكان: من هم؟ لايكون بتطلبون اكل؟
لانا بضحك: مجانين حنا نفوت أكلك؟ لا بس صحباتي بيجون وقلت تحطون لهم في العشاء أبتسم راكان وكنه يبي يعرف لو هي معهم : مين هم؟
لانا: شروق وروز وديما بس ديما مو أكيد تجي عشان اهلها الباقي أكيد
راكان الي أبتسم يوم سمع أسمها ورجع للعيال ولانا رجعت للبنات الي يتجهزون وبعد مرور نص ساعه وقفت سياره ونزلو منها شروق وروز وتوجه الكل يسلم عليهم وبعد السؤال عن الاحوال اخذتتهم لانا : وين ديما؟
روز: اهخ يقهري يبنات اهلها مرا متشددين ابوها وامها عادي بس اخوها
يارا: عاد اخوها الكريه ذا من زمان اذكر كان يقولل حنا خربانات
شروق: والله هو الخربان بس خلوني ساكته لاناخذه محتوى اليله ذي
سلمى: ياهلا ومرحبا روز والله عاد حبيتك جوي في كل شي احسن من ذول
غلا شهقت: جحدتنا الحيوانه على طول شايفه ياوجد؟
وجد: ماتستحي صدق خليك منها انا وانتي نكفي
سلمى بضحك: انتم الاساس لاتخافون بس روز عجبتني
روز الي غمزت: لسى ماشفتي شي بكون الاساس بدالهم بعد
غلا: روز قومي تقلعي خير ناويه مكاننا؟
روز: لازم نضمن المكانه ولا؟ وضحك الكل عليهم وعند راكان الي جهز الاكل اخذ اكل الحريم وتوجه لهم: ياولد طريق فزو البنات يتغطون وناظرت يارا في روز الي مسكتها ترجف وضحكت عليها دخل راكان واعطاهم الاكل ووقعت عينه على روز أبتسم وقال: يالله حييهم بالعافيه عليكم مقدماً وكل ذا كان مقصده لروز الي فز قلبها وهي ماتدري هو يقصدها ولا
فاطمه: يعافيك ياولدي مشكور ورجع راكان للرجال الي جلسو على العشاء والكل أكل وخلص ونظفو كل شي وتوجهو الامهات للنوم والبنات اخذو الحطب وولعو النار ويسون شاهي قالت لانا: شرايكم في الاكل؟
روز مبهوره: فنان وربي كنتي تمدحين طبخه بس ماتوقعت كذا
سلمى: مرا ركون اكله يجنننن مراا
جود بضحك: يحلو بابا لسى ماذقتم الباستا حقته تجنن يبنات
وجد: الله يعرف ابي يخي
لانا: ابشرو نتجمع عند جود يوم كذا ونقوله يسوي لنا بس يارئيسة أعماله هو فاضي الاسبوع ذا؟
ضحكت روز: لاوالله كله أجتماعات للاسف
سلمى: الا صدق كيف الشغل معه صعب؟
روز: بالعكس أكثر واحد متساهل في الشركه هو عكس الباقين
داليا: دائما أقوله راكان غير عنهم سهل مرا ويحب يسهل عليك
سلمى: أتخيل لو روز مع أبوي تنجن وربي
روز بضحك: أسكتي فيه مره راكان رسلني له وربي صعب مرا
سلمى بضحك: أدري به أبوي وقطع عليهم مي الي فزت وراحت تستفرغ"الله يكرمكم" ورجعت لهم وهي تعبانه مرا فزت غلا وتلثمت وتوجهت للعيال الي جالسين حول النار وقالت: سلطان ياأخوي ناظرو كل العيال لها وأحترق قلب سليمان وهو يشوفها بالثمه فز سلطان وسحبها : مجنونه بالثمه تجين؟ غلا بعصبيه: خلك مني زوجتك تعبانه رح شفها
سلطان الي فز وسمعهم طلال وفز معه وتوجهو لمي الي تغطو البنات وسمحو لهم سلطان مسك يدها بحنيه: حبيبتي يامي تبين المشفى؟
مي: لاوالله معليك وجع بسيط ويخف نفس أمس كذا وقلت لعمتي تقول طبيعي بس قوموني بنام وأستندت على سلطان وطلال الي فرش لها سلطان شوي بعيد عنهم وأنسدح جنبها وهي بحضنه أبتسم عليهم طلال وتركهم وبعد شوية سوالف الكل قام للنوم وعند شروق: يبنات يخوف كيف ننام كذا؟
جود: معليه تتعودين معهم زي ماتعودنا
سلمى: مره. الي يسمعك يقول تعودتي
جود: سلمى أمسي وتركيني قطع عليهم ياسر الي جاء وينادي في لانا
لانا: هلا شفيك؟ مسك ياسر يدها وأخذها لعند السياره وفتح لها صندوق السياره وكان فارش مفرشين وقال: نومنا هنا يحب مابخليك معهم أبتسمت لانا ورجعت تاخذ أغراضها وقالت للبنات وتوجهت لياسر الي ينتظرها
جود: صدق الحُب أفعال عشانها تخاف أخذها معه
سلمى: الله يخليهم لبعض صدق يجننون كل يوم يبهروني
روز بتنهيده: عقبالنا نحصل الي يحبنا زي حب ياسر للانا
الكُل: أمين يارب وكل وحده فرشت فرشتها ونامت وعند العيال مثلهم وعند أبطالنا كلام ثاني كل واحد راح مفرشه وكانو يناظرون للسماء الي كلها نجووم والقمر يعتليها مد يده ياسر وشبك أصابعه في أصابع لانا وناظر فيها بكُل حُب وقال: مايمنع اليله تكون ليلة أعتراف؟ فز قلب لانا وهي ماتدري وش بيقول لها تنهدت وقالت: مايمنع أبدا قول الي عندك وانا بقول الي عندي
ياسر الي تنهد وقال: من يوم نقلتو لجده كان يجيني شعور أذ شفتك أذ سالتي وقتها شعور وش بقولك مدري  لكن لو سالتي الان شعور وش بقولك شعور حُب وأرتياح لو كنت أدري أن حُبك كذا خليتك أول أحباب ياسر لكن مايمنع كل الي قبلك كانو عابرين أنتي أول أحباب ياسر والله معك عرفت ياسر الصح
فز قلب لانا الي تلخبط شعورها تحس الكلام كله راح اللحظه الي كانت تنتظرها من سنين صارت اليله ذي وبدون اي مقدمات كانت تناظر فيه بصمت عميق كانت عيونها تتكلم بدل عنها أبتسم ياسر وقال: وش عندك؟
لانا تنهدت: مدري ياياسر مدري فز ياسر وعدل جلسته وحس أنها لسى ماحبته وأستعجل تنهد وقال: مو مبادل الى الان؟ شكلي مانجحت بقلبك
لانا الي أبتسمت : لاوالله نجحت فيه من سنين طويله من يوم احبابك حولك
ياسر بعدم فهم: كيف من متى يعني؟
لانا: من يوم عمري 13سنه وأنت حبيبها من كل ذيك السنين ياياسر كنت أتمناك وأدعي بك ربي وحده الي يعرف كم ليله بكيت من وراك وكم ضميت أسمك في دعواتي وكم كتاب كتبت عنك فيه انت كنت أول أمنياتي وأخرها
أنا كنت أبيك بالحلال ولاعمري فكرت فيك بالحرام كنت اخاف عليك من كل شي ومن كل شخص كنت اغار بهدوء وصمت بس عيوني فضحتني أبتسم ياسر بذهول وهو مصدوم كيف كانت تحبه كل ذي السنين ولا جت له ولا كانت تبيه بالحرام كان مذهول ان شخص يحمل له كل المشاعر ذي تنهد وقال بكُل حُب وحنيه:
" لو دريت أنك اللي ينتظرني خلف أبواب الزمان
كنت شلت سنيني اللي عشتها قبلك وجيت لك كُلي "
وقام لعندها وحضنها حضن شد عليها فيه بادلته لانا الحضن وبداخلها سعيده مرا أبتعد عنها وكان قريب منها ويتأمل عيونها وهي كذالك ناظر لمبسمها وأرسل قبلته الي كانت كلها حُب وهالمره سمحت له لانا بعد عنها وكانت عيونهم تحكي كل مشاعرهم أبتسم ياسر وقال: ننام يحبيبتي؟
لانا: ننام بس بشرط وااحد
ياسر: الي هو؟
لانا: نومتي اليله ذي بحضنك ضحك ياسر وفتح يدينه لها وفزت لانا له ونامت وهو يمسح على شعرها ومتعجب من كمية المشاعر الي لها
""""""""""""""
في يوم جديد قام الكُل وكانو البنات يسوون في الفطور وجت لهم لانا الي الكل لاحظ أن وجهها تفتح وكله مليان حُب وأمتنان للدنيا أبتسمت سلمى: شكل البارح صار علوم يالنو؟
لانا بعدم فهم: متى ومن مين؟
روز بضحك: بينك وبين ياسر ولا؟
سلمى الي صرخت: ويقولون ليش احب روز شوفو فاهمتني على طول
روز: افا عليك وحُب متبادل يقلبي
لانا بضحك: اتركوني بحالي بروح عند مي ولبست نقابها وضحكو عليها البنات وتوجهت لانا لمي الي واقفه مع سلطان : صباح الخير
مي: صباح النور قلبي
سلطان: صباح النور اقولك لانا تكفين انتبهي لها بروح مع ياسر نجيب اغراض وكذا
لانا: معليك لاتوصي بعيوني مي والله أبتسم لها سلطان اما مي حضنت لانا وهمست: ترا واضح من عيونك السعاده فرحيني اذ به شي؟ لانا بنفس الهمس بحكيك كل شي بس اصبري خلي سلطانك يروح وبعدت عنها وقطع عليهم ياسر الي جاء وناظر للانا وأبتسم ورجعت ناظر لسلطان: يلا ياابو ياسر؟ أبتسم سلطان وقال: والله اذ هو ولد ياسر يعني ياسر ويلا مشينا
ياسر ناظر للانا: لانا تبين شي؟
لانا: اي وقربت منه تهمس ابي اشياء تفرحني أبتسم ياسر وأشر على عيونه وراح هو وسلطان اما عند مي ولانا جلسو في مكان شوي بعيد وبدت لانا تقول كل شي لمي الي صرخت: اخيراااا صار الحُب المنتظر تكفين
لانا: أهخ والله اني سععيده جداً جداً
مي بنذاله: يعني بيجي حفيد جديد؟
لانا الي انحرجت: انقلعي يامي مو كذا وضحكت عليها مي وتوجهو للبنات

" أستغفرالله العظم "