أنت داري ودياري

بارت 24

في يوم جديد وبالتحديد بيت بطلتنا لانا كلمت صحباتها يجون لكن اعتذرو ومارح يجيها الا روز ويارا قامت بكل نشاط ترتب البيت وقررت تطلب اغراض السهره لكن للاسف ماحصلت احد يقبل طلبها وجلست محتاره وش تسوي وقررت هي تروح للبقاله لبست عبايتها وطلعت وقابلت سعود في وجهها أنتبه عليها سعود وقال: شفيك لانا وين رايحه تحتاجين شي ؟
لانا وهي مستحيه: بروح البقاله اجيب لي كم غرض هز راسه سعود بمعنى لا : انا عندك ليش ماتكلميني اجيبهم لك لانا : لاوالله مابتعبك معي كل مره
سعود أبتسم: انتي زوجة اغلى اخواني وموصيني عليك مابترك رسلي الاغراض لغلا ترسلهم لي ماابي اسمع اعتراض ابتسمت له لانا وشكرته ورجعت لبيتها بعد ماكتبت اغراضها لغلا الي رسلتهم لسعود اما سعود توجه للبقاله وهو مقرر مايخلي لانا في كل فتره يبعد ياسر عنها خلص الاغراض واعطاهم لغلا الي طلعت بيت اخوها واعطت لانا الاغراض وقبل تطلع قالت لانا: غلو روز ويارا بيجوني تجين بعد ونسهر؟ غلا: لاوالله بروح لسلمى كلمتني امس اذ رجعت بدري ابشري وطلعت اما لانا جهزت نفسها وتنتظر البنات وقررت تتابع مسلسلها على بال يجون لانها تعرفهم يطولون
""""""""""""""""""""
في بيت الجد علي كانت سلمى تسوي حلا وهي تغني بكل روقان دخل عليها نايف وصرخ من وراها صرخت سلمى : حيواااان حيوااان وضحك عليها نايف وطلع وهو مقرر يروح لسليمان ويروحون البحر يغيرون جو شوي
"""""""""""""""""""
في بيت جابر قسم راكان كانت جود جالسه لحالها بعد ماابوها راح دوامه واخوانها طلعو سمحت لدموعها تنزل وهي تحترق كيف بتعيش بالوحده ذي رغم ان امها ماكانت تعطيها وجه بس كانت تحس بوجود احد معاها اما الان هي طفله صغيره تحملت مسؤلية البيت كله تنهدت وهي مو عارفه وش تسوي في الحال ذا قررت تنزل لبيت جدها تغير نفسيتها شوي ولبست لبسها ونزلت تحت وحصلتهم متجمعين بالصاله سلمت عليهم وجلست وهي متضايقه مره انتبه عليها سليمان وقال لها : تبين اوديك عند لانا تجلسين هناك؟ جود باأبتسامه متصنعه : لا والله مقدر وراي فطور وغداء وعشاء
شجون بمزح: اوف صرتي ام من بدري انخنقت جود من كلمتها وهي كانت نية شجون مزح لكن ماتدري بالكلمه ذي فتحت جروح جود كلها شهقت شهقه الكل فز لها حضنها سليمان الي كان حاس في حالها وانفجرت تبكي بقهر وحزن على الحال الي هي فيه كانت تبكي مّر الي عاشته كانت تذكر تعامل امها معاها وكيف انها تحب اخوانها عليها كانت تبكي بقهر في حضن سليمان الي يمسح على راسها بحنيه ويحسسها انه معاها ووراها وبعد ماهدت شوي انحرجت منهم وطلعت للبيت اما جدتها كانت حزينه على وضعها وقررت هي تزوج راكان اما سليمان قال لنايف يجي ياخذه من شركتهم وهو مقرر يقول لراكان كل شي عشان هو الي يتزوج فعلا
""""""""""""""""
في شركة العائله بالتحديد مكتب راكان الي كان ماسك راسه من الصداع الي جاه من بعد تعب اليوم دخلت عليه روز وبيدها مويه وعلاج ومدت يدها له وبكل حنيه: خذ لك علاج وبعدها ريح نفسك عشان ماتتعب اكثر ابتسم راكان لها ولحنيتها واخذ العلاج وقرر ينسدح شوي لكن قطع عليه سليمان الي دخل عليه وسلم وبعد سوالف قرر سليمان يحكي له عن جود : بقولك شي بس ماتتكلم مع جود عنه اوعدني راكان بخوف : اوعدك بس شفيها وش صار؟
سليمان تنهد: اليوم نزلت لنا وكانت مره متضايقه وكنت بوديها عند لانا لكن مارضيت تقول وراها عشاء وغداء وبعدين شجون قالت بمزح انه صرتي ام من بدري وانهارت بكاء في حضني ياراكان تبي نصيحتي وانا اخوك ؟ تزوج يااخوي تزوج جود تحس بالوحده مره جود ماهي بخير لاتخليها تضيع عند راكان كان يفكر بقهر وحزن على بنته الي حتى هو ماانتبه لها ولا حس بشعورها طفله صغيره تتحمل مسؤلية كل شي أكيد بيتعبها الموضوع وقرر يخلي امه تدور له بنت الحلال وعند سليمان نزل لنايف الي وصل وتوجهو للبحر وهم مبسوطين يضحكون وراح سليمان يشري قهوه له ولنايف وعند نايف كان جالسه وهو يهوجس وقطع عليه صوت بنت من وراه : نايف؟
فز نايف: نعم اختي شبغيتي؟ البنت : بسالك عن ياسر وينه معاد اشوفه هنا؟
نايف وهو شاك فيها : وليش تسالين عن شخص متزوج وثاني شي مين انتي؟ ووش تبين في ياسر؟ البنت بتنهيده: رهف انا بس تكفى اسمعني
نايف بنرفزه: رهف خلاص انتهى كل شي بينك وبين ياسر كان ماضي وخلاص ليش تدورين اخباره وانتي متزوجه؟ رهف بعصبيه : افهمني يانايف افهمني انت ماتخطيتها تبيني اتخطى ياسر وهو حُبي الاول؟ شلون
نايف بضيق من طاري ذيك قرر يتركها لكن استوقفه كلمتها: تراني تطلقت
ألتفت لها وهو حس بضيق من الي بيصير: طيب وش المطلوب؟ افرح لك؟
رهف: بس ابيك تقول لياسر لانك تعرف فرصه بتجيه مااتوقع يتركها وتركت نايف الي ضاق به الكون وهو عارف ومتاكد لو يدري ياسر ممكن يرجع لها تعوذ من الشيطان وقرر مايقول لحد لكن مايدري عن خبث رهف الي كلمت صحبتها ترسل لياسر الي ماكان يستلم رسايل احد لانه مستلم عند سليمان رجع لنايف وهو ملاحظ انه مو على بعضه وقرر يخليه على راحته
""""""""""""""""
في بيت لانا اخيرا جو يارا وروز وبعد السلام وسؤال عن الحال قدمت لانا الضيافه لهم وجلسو يسولفون وكانت روز متوتره وخايفه على راكان الي تركته وهو تعبان لاحظت عليها لانا وقالت: روزي شفيك مو على بعضك؟
روز بتنهيده: ابد والله اشغال الدنيا شاغلتني الا كيفك وكيف ياسر ماكلمك؟
لانا: الحمدلله والله أما ياسر لاوالله ماكلمني رسايلي ماتوصله ابدا واضح مستلم والتفت ليارا: وانتي ياالمخطوبه للحين معلقه الولد ماعطيتيه خبر؟
يارا بضحك: لا ابوي بيكلمهم اليوم اهخ بنات مو مصدقه اخير تميم لي
روز: اي والله اخيرا ونفتك من ازعاجك وهرجك فيه وضحكت لانا عليها وكملو ليلتهم الحلوه على ضحك وفضفضه وطبخو معبعض وانتهت ليلتهم الجميله الي محد كان داري وش وراها من مصايب وحزن .........
"""""""""""""""""'
عند ابو يارا دق على ابو تميم وبلغه ان بنته موافقه على ولده وكان مبسوط جداً ونزل وقال لتميم عن الخبر الي فرح قلبه وكان منتظر للحظه ذي من زمااان
""""""""""""""""
في يوم جديد وبالتحديد بيت جابر كانت الساعه ٢ الفجر قام جابر وهو مستغرب ان لمى ماهي جنبه نايمه وكانت متوجه يشغل الانوار لكن صدمت رجله بمجسم ثقيل وشغل النور والصدمه كانت لمى على الارض والدم حولها صرخ جابر صرخه هزت البيت كله وهو يقول : لمى لااااااااااا
عند سعود الي توه راجع البيت فز من صراخ ابوه ودخل الغرفه وانصدم من المنظر الي قدامه امه طايحه حولها دم وابوه ماسك راسها في ثواني كل قوة سعود انهارت اما عند غلا الي فزت من صراخ ابوها وكانت تمشي ورجلها ماتقدر تشيلها كانت مستثقله كل خطوه وهي متيقنه انها بتشوف شي يصدمها من صراخ ابوها كانت ماتبي تسمع ولاتعرف مين الي صار فيه شي لكن وقفت وهي تسمع سعود يصرخ بصوت امه فزت وركضت تصرخ بالممر : سلطان ياسلطان تكفى لحقنا سلطان فز سلطان ومي ولانا الي سمعوها ونزلو لها وكانت غلا ترجف وتبكي بشكل هستري مسكها سلطان وهو يبيها تنطق اما لانا وقفت فيها الدنيا وتمسك قلبها وهي تحس ياسر فيه شي لكن تبخرت افكارها وهم يسمعون سعود يصرخ بااسم امه ودخلو وانصعقو من المنظر الي قدامهم صرخ سلطان : يمه لا تكفين يمه ياسعود دق على الاسعاف ياسعوددد فزت لانا ودقت على الاسعاف وبعد دقايق نقلوها للمشفى وكانت حالتها حرجه وفي ممرات المستشفى كان صراخ غلا وبكاء جابر وسعود وسلطان كانت لانا ترجف وهي تفكر في ياسر شلون وكيف يوصلون الخبر له ماهي الا دقايق انتشر خبر لمى عند الاقارب وتجمعو في المستشفى بعد مُده دخلت ام لمى وهي تصارخ باأسم بنتها وحولها بناتها يهدونها كان منظر يقطع القلب كان سعود منهار في حضن سليمان الي يحاول يهديه لكن بدون فايده بعد فتره طلع الدكتور لهم ومعه داليا الي وجهها مقلوب وقال: وين زوجها؟ فز جابر له : انا انا يادكتور تكفى طمني تكفى الدكتور نزل راسه : زوجتك عندها نزيف حاد وخلوكم جاهزين بالساعات الجايه لكل شي معليش
جابر بصدمه : نزيف نزيف لا لا لمى مابتتركني لا يبه تكفى شوفهم يبه اما سعود فز لداليا : تكفين ياعمه تكفين امي لاتروح تكفين ياعمه تكفين ماابي افقدها تكفين وحضن داليا وهو يصرخ اما سلطان ألتفت للشخص الي يقويه وتوجه لها وحضنها بكل قوه وكانت مي تمسح على ظهره بكل حنيه وتطمنه
بعد فتره نقلو لمى بالعنايه. المركزه وكانت حالتها حرجه جداً وكل حالة عيالها ترثى لها وعند نايف والجد علي وسليمان كلمو عمل ياسر وقالو لهم ان مابيجي الصباح الا وياسر عندهم ان شاءالله وكانو متوترين كيف يقولون له لانهم يعرفون ياسر اكثر شخص متعلق في امه ومايتحمل شي يصيبها
"""""""""""""""""
في منطقه بعيده مقطوع عنها النت كان ياسر جالسه ومعه صاحبه محمد الي يحبه من اعماق قلبه كان يسولف لكن يحس بضيق فضيع وفز يوم سمع الرئيس ينادي باأسمه توجه لهم ودخلوه للغرفه وهو قلبه قابضه ومتاكد ان فيه شي تقدم الرئيس له وقال: كل شي قضاء وقدر ياياسر وكل الاقدار مكتوبه من ربي صح؟ ياسر بخوف : اي والنعم بربي فيه شي؟ اهلي فيهم شي؟ الرئيس : امك بالمشفى تعبانه لكن بتصير بخير لاتستسلم لان نبيك تتوجه للمطار ومعك محمد فز ياسر : لا تكفى قول غيرها لاتكفى وبصراخ امييييييي وبعدها توجه للمطار ومعه خويه محمد الي مسانده بكل شي وخايف عليه واخيرا بعد ساعات وصلو لجده واستقبلهم الجد علي ونايف ركض ياسر للجد علي وضمه: تكفى ياجد تكفى لاتكسرون ظهري امي شفيها؟ الجد عليى بتنهيده: اول شي اذكر الله امك فيها نزيف حاد وهي بالعنايه لكن كلنا ندعي لها وواثقين بربي كان ياسر متجمد وهو يسمع كلام جده امه نزيف حاد يعني ممكن يفقدها في اي وقت وبلحظه كلها ضعف نزلت دموعه بحرقه على امه الي ممكن تروح في ثواني من حياته فز له الجد وهو يقومه واخذوه للمشفى وماهي الا دقايق ودخل ياسر وهو يقول: تكفى ياأبوي لاتكسرون ظهري باأمي تكفى ياسعود تكفى ياسلطان امي لاتروح مني وببكاء تكفون تكفون فزت لانا وهي تشوفه يبكي بحضن ابوه الي فز لها وانهارو كلهم كان ودها تروح له بس ماتقدر تعرف حزنه صعب ومايشاركه اي احد ركضت غلا لياسر الي ضمها وهي تبكي بكل حرقه : اهخ ياياسر كانت تبي تشوفك كانت تبيك اهخ ياياسر اهخ شد عليها ياسر وهو كاتم نفسه عشان غلا وعشان ابوه وبعد فتره دخلو عندها وهي ماتدري عنهم وقال جابر بضعف: تتركيني هنا يارفيقة دربي؟ تتركيني بعد كل هالسنوات تتركين حبيبك بدون حبيبته؟ وجلس يبكي عليها اما عياليه كانو يسمعون كلامهم وداخلهم يتقطع على حالهم كيف كيف وقطع عليهم دخول سلمان الي منهار وضم اخوانه وهو يبكي امه الي ماشبع منها مهما صار
خرج ياسر من غرفة امه وكان يدور لها بعيونه واخيراً شافها شاف الشخص الوحيد الي بيخفف حزنه شاف الشخص الي محتاجه توجه لها ووقف قدامها كانت لانا تناظر في الارض وشافت ظل شخص واقف قدامها رفعت عيونها ووقعت بعيون ياسر الي يناظرها بنظرة محتاج فتحت يدينها وضمها وبكاء في حضنها وهي شاده عليه وتاكد له انها جنبه كان مثل الطفل يبكي بحضن لانا كان محتاج حضنها عشان يرتاح كان يقول: امي يالانا امي لااحد يكسرني فيها يالانا مقدر بدونها خذو روحي بس لاتاخذونها لاتاخذونها كانت لانا شاده على ظهره وقلبها يتقطع وهي تشوف حالتها وعارفه كيف متعلق في امه
""""""""""""""""""
بعد اسبوع كانت لمى في المشفى لكن ماصحيت للحين وعياليها كل يوم يزورونها ويتطمنو عليها في بيت لانا وياسر كان ياسر جالس في الصاله ومعه غلا الي ماتركوها لحالها رفع نظره لجوال لانا الي يدق وناظر لها وهي ترد لكن استوقفه رجفتها وعيونها الي ملتها دموع فز وفزت غلا وهم منتظرينها تتكلم اما لانا كانت متجمده من الي تسمعه ناظرت لهم وهي تبكي وقالت بكل ضعف وهي ماسكه قلبها : جدتي ماتت ماتت جدتي ام امي راحت راحت ياياسر فز لها ياسر وهو يضمها : لاحول ولاقوة الا بالله الله يرحمها يارب الله يرحمها قومي تجهزي بوديك عند اهلك امك تحتاجك وقامت لانا وهي تبكي وتوجهت لبيت اهلها الي توجهو لبيت جدتها وكان حالهم كله حزن وضيق كانت فاطمه منهاره على امها الي راحت وخواتها حولها منهارين وكانت لانا مع امها هي وشجون وجود معهم وعدت اول ثلاثه ايام كانت فيها لانا توقف مع امها وتكلم ياسر تساله عن امه وتوقف معه كان معندها وقت تنهار فيه دخلت غرفة جدتها وشافت اغراضها واخر ملابسها الي كانت فوقها كانت علاقة لانا في جدتها حلوه وقويه ماكانت ترضى عليها بحاجه وكانت هي الوحيده الي تعرف عن حب لانا لياسر من زمان جلست على سجادة جدتها وسمحت لدموعها تنزل تذكرت يوم """
دخلت لانا على جدتها وهي توها خلصت صلاه وقالت لها بحنيه: شفيك يابنتي؟ لانا بضيق: اهخ ياجده ياسر طلع يحب ويكلمها ياجده ويشوفها بعد ابتسمت الجده وقالت لها تعالي على فخذي واسمعيني وراحت لها لانا وهي تسمع كلام جدتها الي قالت: انا احساسي مايخيب وانا اقولك انتي لياسر تطمني ظنك ربي بيعلقك ويحببك بشخص ماهو من نصيبك؟ لاوالله ربي كريم ربي سمع للي حمده وشكره مارح يسمع للي يبكي ويشكي له؟ ربي رحيم لطيف بعباده بيستجيب لو بعد حين قوي ظنك وثقتك بربي واوثقي
ابتسمت لانا وباست راس جدتها الي تحبها اكثر من اي شي """
مسحت دموعها وقامت وهي تقول: الله يرحمك يااغلى من فقدت الله يرحمك ياحبيبة قلب لانا وصندوق اسرارها اهخ ياجده رحتي قبل احكيك عن المواقف الحلوه رحتي وتركتيني لحالي اهخ ياجده اهخ وقطع عليها اتصال سليمان وهو يقولها يلا اطلعي
""""""""
في المستشفى كانو ياسر وسعود وغلا جالسين حول امهم ويسولفون عندها كانت لمى تسمعهم وصحيت وابتسمت وهي قالت للدكتوره ماتقول لهم انها صحيت من امس وقالت: وراكم تسولفون فوق راسي ازعجتوني مافيه احترام؟ فزو عيالها بصراخ ويحضنونها اما ياسر انهار في حضن امه وهي تسمح على شعره: يسوري من متى صرت حساس افا وين راحت قوتك وضحكو العيال عليه وهو يمسح بدموعه ودقو على ابوهم وسلطان وسلمان الي جو على طول وهم مبسوطين وعند جابر جاب معه حلاوه كبيره ووزعها في المشفى كله ودخل وهو يركض يحضن حبيبته وزوجته وام عياله اما العيال طلعو وتركوهم لحالهم وبعد فتره كلهم كانو جالسين حولها وهي تضحك ومبسوطه وصارحوها بتعبها وكانت متقبلته وداليا طمنتهم وقالت يقدرون يخرجون خلاص وانتشر الخبر ان لمى صارت بخير والكل انبسط لها وماوقف جوالها من الاتصالات وقفلت وهي تقول: راسي صدع بعدين عيال زوجاتكم وينهم؟ سلطان: مي تعبانه شوي وبالبيت وشفت لانا بعد اليوم رجعت البيت لمى وهي ترفع حاجبها: لايكون تزاعلتو وين كانت؟
ياسر: لايمه ام فاطمه الله يرحمها ماتت وكانت مع امها لمى بحزن: لاحول ولاقوة الا بالله يعمري عليها فاطمه الله يصبرها ويرحم امها يارب ياكريم
الكل اللهم امين وقام جابر: يلا جهزو امكم وخلونا نمشي نرتاح ابوي مسوي عزيمه بكرا بمناسبة سلامتك ابتسمت لمى وهي تحب اهل زوجها مره وتشوفهم نفس اهلها ورجعو اخيراً للبيت ودخلت مي سلمت على لمى وبعدها دخلت لانا وهي حالها متغير وعيونها محمره رفعت نظرها وبصوت خفيف : الحمدلله على السلامه عمتي ناظرت لها لمى: الله يسلمك والله يرحم جدتك يارب لانا بهمس امين وجلست وهي تحسها تعبانه ومرهقه ودها تختفي من بينهم كانت تشوفهم يضحكون ويسولفون وهي ودها تهرب ودها تقولهم ترا فقدت جدتي اتركوني بحالي لكن مابيدها حيله تنهدت وهي تشوف حتى ياسر ماهو معاها صح انها امه لكن هي وقفت معه هي تحتاجه الان ناظرت فيهم بصمت وهدوء غريب لكن داخلها صراخ داخلها بكاء حابسته داخلها هموم ماهي بعمرها رفعت نظرها لعمتها سُكره وصبا الي جو على طول يتحمدون بالسلامه وكلهم جالسين كانت تشوف ضحكات صبا مع ياسر وكيف ان لمى عادي معجبها الوضع كان داخلها يحترق تحس الدنيا تضغط عليها قررت تروح لانها لو جلست بتنهار قامت وقالت: الحمدلله على السلامه مره ثانيه ياعمه واعذريني تعبانه بطلع للبيت ارتاح شوي وانام
لمى : الله معك ياقلبي ومعذوره بس بسالك كيف امك؟ لانا بهدوء: نقول ان شاءالله بخير وطلعت وهي كارهتهم كلهم وودها تبعد عنهم كان ياسر جالس وماسك يد امه وقاله سعود: روح لزوجتك شوفها شفيها ياسر وهو خايف : لا مابترك امي كنت بفقدها مابتركها لو ثانيه وحده ابتسمت له امه وهي تمسك يده اما صبا قالت: منجد امه اهم والله ناظرت لها غلا وهي مستحقرتها اوك كانت تحبها لكن زودتها مره عند لانا طلعت لغرفتها وتوضت وتوجهت للقبله تصلي الوتر وتدعي لجدتها وان ربي يجبر بقلبهم كانت تبكي بحرقه وقدامها صور جدتها كانت تبكي قهر حركات ياسر الي عجزت تعرف له كانت تبكي وتحس قوتها خلاص معاد تتحمل لحاجه ثانيه ولاتبي شي قطع عليها صوت مفتاح وعرفت ان ياسر جاء قامت ومسحت وجها ورتبت المكان عند ياسر دخل واستغرب الهدوء وتوقع انها نامت جلس بالصاله ورفع نظره وشافها طالعه بشرشف الصلاه وواضح كانت تبكي تنهد وهو ماوده يتكلم معاها مايعرف السبب لكن مايبي وارتاح يوم شافها دخلت الغرفه تنام اما هو فتح جواله وشاف حساب مجهول مرسل له في الانستا فتح الرساله وشاف مكتوب ياسر؟ رد وقال اي مين؟ بثواني جاه الرد بصوره فتحها وانصعق من الي شافه كانت وثيقة طلاق كان يرجف شاف اسمها بعد مانسى وجودها او بالاصح تناسها كان يرجف وكتب مين؟ جاه الرد صوت للزوجها الي كان متزوجها يقول يعلم الله ياياسر اني كنت احبها وكنت ابيها لكن شفتها ماتبيني شفتها تبيك كانت في كل ليلة تهجوس فيك تنادي باأسمك ماعمري شفت رهف تحب احد كثرك كنت احسبك مجرد علاقه عابره لكن لاوالله رهف تبيك رهف تحتاجك لاتتركها قفل جواله وهو يرجف كيف يصير كذا كيف كان يحس قلبه اشتاق لها جداً كان يحس الدنيا ضاغطه عليه والبيت مايتحمله وهو فيه ريحة عطره وعطر لانا اخذ مفتاحه وطلع من البيت كله وكانت رجله ضاغطه عليه بعد مانزل الجبس يحس بوجع توجه لسيارته وراح للبحر بالتحديد مكانه هو ورهف كان جالس وسمح لدموعه تنزل لكن قطع عليه صوت البنت الي تقول ماعاش من نزل دموعك حبيبي فز ياسر وألتفت لها اي هي حبه الاول وكان داخله يقول وحشني صوتك ياغلاي ناظر لها بكل حزن وخيبه منها وقال بصوت مهزوز: دامك تحبيبني ليش تكسريني؟ رهف بعدم استيعاب : نايف قالك عن طلاقي؟ ياسر بضيق ان نايف يدري ولا قاله قال: مايهم من قال الي يهم ليش جيتي بعد مافات الاوان؟ رهف بدموع : لان عارفه لسى فيه أمل عارفه اني لسى بقلبك مهما كسرتك لي مكان عارفه محد وصل مثل حبي بقلبك عارفه تكفى خلني اقولك اسبابي تكفى لاتتركني مرتين ياسر بصراخ: انتي الي تركتيني انتي تركتي الشخص الي يفديك بعمره انتي تخليتي عننا وبضعف انتي تخليتي عن حبنا رهف ببكاء: ياسر تكفى والله لي اعذاري والله ظروفي اقوى مني مقدرت
ياسر: مافيه ظروف تمنع المحبوب من محبوبه الظروف ماهي عذر ماهي عذر انتي كسرتيني انتي خوفتيني من الحب مااكذب عليك انتي اول من حبيته وبعدك قفلت باب الحب لانك علمتيني اقوى درس وتركها وهي تبكي بندم وقهر اما ياسر كان يمشي ودموعه تنزل ويحس نفسه مخنوق ويقول بنفسه والله أنا بدونك مو بخير والله ودخل سيارته وسمح لنفسه ينهار دخل المخفيه في الصور وشاف كل ذكرياته مع رهف الي كذب على الكل وقال انه حذفها كان يناظر في مكالماتهم وكلامهم معبعض كان يشوف كيف حبهم كان ووعودهم واحلامهم معبعض قفل جواله ومسح دموعه وتوجه لبيت صاحبه محمد ونام عنده وهو تارك وراه وحده تنتظره يكون معاها تارك زوجته الي وقفت معه في كل شي ولاتركته لحاله لو يوم واحد
"""""""""""""
في يوم جديد صحيت لانا واستغربت ياسر واضح مارجع مسكت قلبها وهي تحسها ضايقه تعوذت من الشيطان وراحت تصلي وتفطر وتمر الساعات وياسر مارجع وهي مستغربه اما عند ياسر الي صحي وقال لنايف يتقابلون في البحر وصل نايف وشاف ياسر وواضح معصب تقدم له ياسر وقال: تخبي علي يانايف؟ تخبي علي ليشش نايف بعدم فهم : وش خبيت انا؟
ياسر بضحكة سخريه : طلاق رهف مخبيه علي ليش ؟ نايف : وليش اقوله لشخص متزوج وش بتستفيد؟ وناظر له انت كيف عرفت لايكون شفتها؟
ياسر بعصبيه: اي شفتها وحضنتها ووقطع عليه كف نايف وبصراخ: تستهبل انت ماصنت زوجتك؟ ياسر بضحك: انت شدخلك هاا شدخلك؟
وهم عليه وتضاربو وفرقو بينهم ناس وقال ياسر بعصبيه: لااعاد اشوفك
نايف: بتشوفيني لو توجع بنت اخوي تفهمم ياياسر والله العلم يوصل ابوك
ياسر: خله يوصل وشوف وش يصير يانايف وراح وترك وراه نايف الي من عصبيته كان بيدق على لانا بس هون في اخر الثواني واستغفر ربه وعند ياسر وصل للبيت ودخل سلم على امه وتطمن عليها وطلع لبيته وشاف لانا قدامه طنشها وجلس بدون اي كلمه توجهر له لانا : ممكن افهم انت شفيك؟
ياسر بنرفزه: لاتتكلمين معي كذا بعدين مافيني شي وش تشوفين فيني؟
لانا بعصبيه: تستهبل انت قالب علي وتقول مافيك شي ؟ ووين كنت البارح مارجعت هنا ياسر بعصبيه مالها داعي: مالك دخل انت محد يسالني ويني انا محد يتحكم فيني تفهمين؟ لانا : لا انا لي حق اتحكم فيك انا زوجتك تفهم ولا
ياسر بصراخ: ابعدي عن وجهي يالانا ابعدي ولو مابيصير شي طيب قامت لانا للغرفه وهي ترجف وتهدي نفسها وقررت تطنش وتعديها ممكن العمل ضاغط عليه وكانت تتجهز عشان عزيمة جدها وبعد ماخلصت طلعت وشافته كاشخ ناظر لها وطلع من البيت قبلها وطلعت وراه وكانت تمشي وتحط نفسها وحيده والكل شافهم واستغرب حالهم توجهت مي للانا وحضنتها : كيفك يقلبي؟ لانا باأبتسامه متصنعه: الحمدلله بخير ومسكت راسها تحس بدوخه فضيعه وركبت السياره وقطع عليها صوت ياسر : اركبي مع سلطان انا بيجي معي خويي ناظرت فيه كيف يكلمها كذا قدام اهله كلهم نزلت من السياره وهي راجعه البيت لحقها جابر الي قال: وين يالانا
لانا بااحترام عمها : ياعم اذ زوجي مابيوصلني بكلم اخواني سلطان ماهو مسؤال عني جابر وهو متعجب كيف هالبنت فاهمه وواثق انها بتغير ياسر تركها براحتها وطلع بعصبيه لسلطان: وين الخبل ذا راح؟ سلطان هز راسه بمعنى مدري وركبو سياراتهم وقالت مي: اخوك كريه ماهو مقدر النعمه
سلطان باأبتسامه: صادقه ياسر يبي له درس زي درسي ناظرت له مي وهي تضحك عليه وعند بطلتنا كانت ترجف ورسلت لسليمان يجي ياخذها بدون يقول لحد من اهله واخيرا وصل سليمان وسالها عن ياسر وكانت لانا ماتبي تسبب مشكله من لا شي وقالت انه خويه يبيه ضروري استغرب سليمان وقرر يعدي الامر بمزاجه واخيرا الكل تجمع ببيت الجد دخل سليمان وسلم على الكل وشاف ياسر وتاكد ان فيه مشكله وجلس قدامه بالضبط وكان يناظر فيه وهو على جواله لكن قطع عليه سؤال مسعود: وين كنت ياسليمان؟
سليمان وهو يناظر في ياسر: رحت اجيب لانا رفع نظره ياسر وهو مستغرب يحسبها جت مع سلطان وناظر لعمه الي قال : وانت ياياسر شصاير ماجبتها ليش؟ جاء يتكلم قطع عليه سليمان: لنو تقول كان مشغول ماتبي تثقل عليه انصدم ياسر ماعلمته غريبه ناظر لسعود وهو يقول بهمس اعرف قيمتها يخي ضحك ياسر وقال : ان شاءالله بس صارت علوم لازم اقولك بعد المغرب نروح الاسطبل؟ هز سعود راسه وسكتو وهم يسمعون كلامهم اما عند الحريم الكل كان موجود الا فاطمه وبنتها شجون وجود الي لسى مارجعو من بيت الجده كانت لانا ماهي حولهم وتحس ضيق الدنيا فيها انتبهت سلمى لها وقالت بهمس مايسمعه الا غلا: شفيها لانا مو على بعضها؟
غلا : اي تخيلي وقالت لها الي صار بينها وبين ياسر سلمى وهي مصدومه ليش يقلب فجاه كذا وناظرت لغلا: لايكون؟ غلا: للاسف نفس تفكيري يارهف رجعت ياحب صبا سلمى بستغراب عن صبا وكلمت غلا كلامها لو تشوفين حركات صبا لياسر تستفرغين حتى مااحترمت وجود لانا معنا ابدا
سلمى: اهخ يختي بتجلطني البنت ذي ترا امها السبب صح انها اختي بس اعرفها زين واعرف نيتها حتى هي السبب في خراب بيت بنتها اسماء واخيرا انتهت الليله ذي والكل كان ماشي وراجع لبيوتهم عند لانا شافت اشعار من ياسر مكتوب اطلعي طلعت وركبت سيارته بدون اي كلمه
وكان ياسر مشغول بجواله وشاف اشعار من رهف في الانستا ابتسم وهو يشوفها حافظه حسابه انتبهت لانا على ابتسامته ونغزها قلبها وهي خايف من شعورها واحساسها تخاف من احاسيسها لانها للاسف دائما صحيحه انتبه لنفسه ياسر وترك الجوال ووصل البيت وقال: انزلي انتي ولاتنتظريني انا مو راجع قفلت لانا الباب وجلست لف نظره لها بمعنى شفيك لانا بصوت مهزوز: مارح انزل وين رايح الساعه ذي؟ ياسر بصبر: لاحول ولاقوة الا بالله اللهم اعطني الصبر انا كم اقولك التحقيق ذا ماابيه مالك دخل وين بروح
لانا: لي دخل دامني زوجتك ياسر بنرفزه : اقرفتوني زوجتك زوجتك خلاص لانا بصدمه وقالت بكل ضعف: هذا وانت تقول ياحبي وتسوي كذا لو ماكنت حبك وش ممكن تسوي بعد؟ انهز قلب ياسر وهو يشوف الدموع بعينها ويسمع نبرة الضعف بصوتها نزلت وهو واقف مكانه كان ملخبط بكل مافيه كان بيروح لسعود لكن انقهر من تحقيقها وكنها ماتثق فيه تنهد وتوجه للاسطبل ينتظر اخوه وعند لانا كانت تصلي الوتر وتدعي ربها يرشدها للطريق كانت تبكي وتناجي ربها وهي كلها ثقه ان ربي مابيخليها كذا ابدا
""""""""""""""""
في الاسطبل وصل سعود ومعه قهوه وركض عند ياسر ابتسم ياسر وهو يشوفه جلسو قبال بعض والقمر من فوقهم وقال سعود بضحك: غرد ياحبيبي
أبتسم له ياسر وبدا يقول له كل شي صار مع غلا وعن زوجها وقاله عن شعوره الي ملخبط تنهد سعود وقال: طيب بسالك سؤال وقول وعد تجاوبني بالصدق هز راسه ياسر وكمل سعود كلامه لانا طيب وش شعورك بالضبط لها؟ ياسر تنهد : اهخ سعود مدري والله مدري ملخبط شعوري احب حنيتها احب كيف تعاملني بس احبها؟ صح اعترفت لها بس مدري احس ممكن حبيتها من حبها لي مدري ياسعود ملخبط بس كل الي اعرفه محد يقدر ياخذ مكان رهف من قلبي رهف اول حب لياسر رهف حب المراهقه وحب الشباب كيف ومين يقدر ياخذ مكانها بقلب الياسر؟ سعود بتفهم: عارفه يااخوي بس لاتظلم لانا معك اذ تبي رهف طلق لانا وخلاص لاتعلقها فيك اكثر والحين ابيك تفتح جوالك وتحط صورة لانا وصورة رهف جنب بعض وقولي شعورك اعرف انك ماحذفت صور رهف يلا ابتسم ياسر وهو متاكد ان سعود يفهمه بكل شي دخل الصور وجمع صورتهم اخذ دقيقه وهو يناظر ورفع نظره لسعود الي قال وش حسيت بكل وحده رجع ناظر ياسر وتنهد : رهف اشوف الحيره فيها وممكن خوف لانا اشوف طمأنينة ومشاعر غريبه تضرب قلبي أبتسم سعود هو عارف ان ياسر حب لانا لكن هو يكذب شعوره من سبب الخوف من الغدر مره ثانيه وتركه بالطريق وقال: تبي الصدق؟ انت تحبها اشوف بعيونك كل ذا والله تحبها استغرب ياسر : مين؟
سعود : مين جاء ببالك بعد كلامي؟ ياسر: ممكن لانا قصدك أبتسم سعود وهو وصل مراده وتاكد انه يحبها وابتسم: انت تحب لانا واضح ياياسر لاتنكر لاتنكر اسمح لنفسك مو كل تجربه نفسها ممكن لانا العوض ياياسر لاتحرم نفسك وتخرب حياتك عشان وحده تركتك والحين رجعت لك لاتخربها ابدا ولاتصدق كلام زوجها واضح يبي يثبت انها كانت تكلمك
ياسر الي حس براحه وقال: والله معاد اقدر اكذب احبها ياسعود وطول هالمده مو قادر اقرب منها من سبب الخوف كل تعاملي معاها كذا عشان مااعطي نفسي امل وفرصه والله ياسعود احبها احبها ورهف هي لخبطت مشاعري بس والله مابقلبي مشاعر لها الا ممكن حنين لكن مابخرب حياتي وشوف قدامك احذفها واحذف صورها ابتسم سعود له وضمه وهو يقول: روح لها واضح تحتاجك لاتخليها يا ياسر ابتسم ياسر وتوجه للسياره بعد مابلك رهف وحذف صورها وابتسم وهو مشتااق للانا ويبي يضمها عن كل شي
"""""""""""""
عند رهف الي شافت البلوك وعرفت ان مالها فرصه قررت ترسل للانا بعد ماحصلت حسابها عند غلا دخلت وصورت كل المحدثات واخذت صورها يوم قابلت ياسر بالبحر من صحبتها اي كل ذا كان خطه من رهف وكانت تبي تشوف ياسر لو بعد عنها تخرب حياته رسلت الصور وقفلت جوالها وهي تضحك عند لانا بعد ماخلصت الصلاه فتحت جوالها وشافت حساب يرسل لها دخلت وكانت الصدمه صور ياسر ومعه بنت ومكتوب كيف طعم الشعور تشوفين الشخص الي تحبينه مع غيرك ؟ ومرسله محادثات غزل من ياسر وكاتبه: كل ذا قاله لي انتي وش قال لك ؟ غير انك بديله تنسينه علاقته معي " أترجف قلب لانا وهي تشوف الاهانه لها أترجف جسمها وقلبها ويدها وكل شي فيها كانت تحس النار تاكلها أكل عشان كذا ياسر متغير معي عشان كذا يعاملني كذا رفعت نظرها للشخص الي جاء وقال: تسمحين لي اتكلم؟
لانا وهي واقفه متجمده تحس الدنيا صفقتها من أكثر مكان كان أمان لها تحس النار تاكل قلبها أكل تقدمت له بكل قوه وصفقته كف على وجهه انصدم ياسر منها وقال بصراخ: شبلاك انتي؟ لانا بعصبيه وغصه ودموع: انا تخونني ياياسر؟ اناااا تخلي الي ماتسوى تتشمت فيني؟ انا تخليني أضحوكه؟ وبصراااخ تكلمممم ليش ليش ياسر بعد فهم مسك يدها وبعدها عنه: انتي عن وش تتكلمين مين وانا متى خنتك؟ لانا رمت عليه الجوال: شوف شوف كلام حبيبتك وصوركم الحلوه الي كانت البارح كنت اسالك وين كنت اثاريك معاها انصدم ياسر وهو يشوف صوره معاها وكلامها كان مصدوم من الي صار رفع نظره للانا وبضعف: صدقتي فيني؟ صدقتي اني اخونك؟ معقول؟
لانا بصراخ وببكاء: انت تستهبل صح؟ شلون مااصدق وانت قالب علي شلون مااصدق وانت ماترجع للبيت شلون مااصدق وانا يوم ماتت جده كنت احتاجك لكنك ماجيتني اثاريك معاها؟ معاها وقت ضعفي ياياسر وقت ضغفي وعز احتياجي لك تسوي كذا ليش ليش انا وش عطيتك غير الحب؟ انا وش عطيتك غير الامان انا وش عطيتك غير عيوني ليش ياياسر ليش
ياسر : تكفين اسمعيني تكفين افهمي مني لاتسوين شي تندمين عليه
لانا: معاد ابي اسمعك ابعد عني ابعد وقالت بكل حزن وكسر وبكرا توصلني ورقة طلاقي ارتجف قلب ياسر وهو يسمعها تبي الطلاق من اول مره من اول مره بتتركه! جلس مكانه اما لانا دقت على سليمان الي فز من نومه: هممم؟ لانا ببكاء : تكفى تعال خذني الان تكفى لاتخليني معه فز سليمان وهو مو مستوعب: شفيك لايكون مسوي لك شي؟ لانا : تعال انت الان تكفى وقفلت منه وهي تجمع اغراضها وتبكي بكاء القهر والكسر دخل عليها ياسر ومسكها من خصرها وقرب منها: توقعي الخيانه من الكل الا انا وطبع بوسته على مبسمها بعدت عنده ودفته بكل قهر: لاتقرب مني تفهم لاتقرررب بكرا ورقة طلاقي تجيني تجينييييي دخل جابر ولمى عليهم وهم مفجوعين من صراخهم توجه جابر للانا: شفيك وانا عمك شفيك وشصاير وين رايحه
لانا بقهر: معاد لي قعده بالبيت ذا يعمي خلاص قول لولدك بكرا ورقة طلاقي تجيني فزت لمى بخوف: ياسر وش صار شسالفه؟ ناظر ياسر اهله وقال: تقول اني خا قطع عليه صوت لانا: تعامله صار زفت يصرخ علي ماابيه ناظر فيها وهو يحس مشاعره زادت شافها سترت عليه حتى وهم متهاوشين نزل راسه وهو يشوف سليمان داخل واستغرب الوضع واخذ اغراض اخته وناظر لياسر وطلع اما لانا سلمت على رأس عمها وطلعت وركبت السياره وهي ساكته ناظر لها سليمان بعد ماتحركو : شفيك؟
لانا: لاتسالني الان ابدا ابي ارجع البيت انام بعدين اقولكم لكن الان اتركوني
سكت سليمان وهو يحس ان فيه شي قوي لان لانا مابتترك ياسر بالسهوله ذي وصلو البيت وطلعت لانا لغرفتها وضمت مخدتها وجلست تبكي بكاء ماقد بكته وتذكرت الملاحظات ودخلت تكتب حالها "
أجلس بمفردي هكذا وأستمع لكلمات أغنيتي وأذ به يقول " هالمره غلط غلطه وعجزت أغفر " وأظن نها تصف حالي معك هاأنت تغلط هذا الغلط الكبير وتتركني في حيره كبيره لاأعرف مالذي أفعله معك ومالذي سوف أخبر الجميع عنك لكن كُل الذي اعرفه انني رغم كل هذا أحبك ! رغم كل أخطأك الا أن حُبك يتمسك بقلبي بكل قوه هل لك ان تتخيل مدى حبي لك؟ حتى اغلاطك لاتمحي هذا الحب "
تنهدت وسمحت لنفسها تنام بدون دموعها ووجعها من ياسر أما عند ياسر انسدح وكان مقهور من كل شي ومقهور من رهف وكيف كلامها عن لانا كان يبيها لكن مابيده حيله ونام وهو كل تفكيره في لانا
"""""" """"
في يوم جديد انتشر خبر لانا انها رجعت لبيت اهلها وكانو اهلها يسالونها عن السبب تقولهم تغير اسلوبه معي والكل صدقها الا سليمان وجود الي وهم عارفين لانا ماتترك شي بالسهوله ولاتترك احد من شي تافه قامت جود واخذت لانا معاها : تكلمي اهرجي شفيك تركتي ياسر؟ لانا: قلت لكم شفيك
جود بضحك: ضنك انا بصدق ؟ انتي الي حاربتي كل شي عشااان حبك له بتقنعيني انك تركتيه عشان اسلوبه لا طبعا اهرجي شفيك شصار وش مسوي
لانا بتنهيده: شوفي هالرسايل ناظرت جود للرسايل وانصدمت وناظرت للانا الي عيونها تلمع وهزت راسها مستحيل لانا مستحيل يخونك والله مستحيل
لانا : شوفي الدليل قدامك شوفي كيف بصدقه؟ جود بضحكه:حبيبتي انتي مصدقته بس تبين تعطينه درس اعرفك والدليل انك ماقلتي لهم عن كل ذا
أبتسمت لانا: لهدرجه واضحه؟ جود: جداً ماتقدرين تخبين والله ورهف ذي مقرفه وقطع عليهم دخول شجون وجلسو يسولفون اما عند سليمان قابل ياسر في كوفي وقاله: اي وش السبب في التغير مع اختي شصار لك وشفيك تكلم؟
ياسر بهدوء: بيني وبين لانا محد له دخل فيه ولا ؟ سليمان: اختي لي دخل في كل يوجعها ياياسر لاتخليني ضدك انتبه وقام وترك وراه ياسر الي تنهد بكل تعب
"""""""""""""""""""""""
بيت تميم كان تميم مروق بعد ماقال له ابوه عن موافقة يارا وقال له بيروحون للشوفه بكراً وكان ينتظر اللحظات ذي من زمان وتاكد انه واقع لها ومقدر واخذ رقمها ودق وجاه الصوت الانوثي الناعم: هلا فز قلبه وقال: هلابك ياشريان قلبي فزت يارا وهي مصدومه منه ليش يدق ضحكت عليه لكن ماتدري بالضحكه ذي فجرت قلب تميم وقال: يالضحكه الي فداها عمري وسنيني الي قبلها كلها أحبك يارا أبتسمت يارا وقالت بصوت فيه بحه: وأنا أحبك تميم وقفلت منه أما تميم أبتسم ابتسامه عريضه وتنفس براحه
""""""""""""""""""""""""""""

يااهلا عارفه طولت عليكم لكن والله جالسه تمر علي ظروف
كبيره لذالك ادعولي وادعو ربي يفرجها علي وتعدي على خير❤️