أنت داري ودياري

بارت8

في يوم الملكه في اليوم المنتظر عند بطلتنا لانا كانت مرتاحه بس فيه مواضيع شايله همها وقررت تطلع مع يارا وجود وتقولهم كل شي نزلت تحت وهي تنادي: يبناتتت
جود: هلا هلا بالعروسه
لانا: مو وقتك تجهزو انتي ويارا
جود: وين؟
لانا : نطلع نفطر وابيكم بموضوع بسرعه تجهزو وتعالوالسياره
جود: ابشري وقامت تنادي يارا ولانا توجهت لسيارة ابوها وماهي الا دقايق وجو البنات ووصلهم مسعود الكوفي وراح اما عند يارا وجود مستغربين
يارا: شفيك اهرجي
جود: والله فجعتيني
لانا: بنات انتو تدرون اني من زمان احبه وانتظره بس هو كان مع غيري وتدرون انه يقابلها كان وكانو يطلعون معبعض صح ولا؟
البنات: اي كملي؟
لانا: قررت دام صار لي مارح اصارح بحبي حالياً راح اخليه يجري وراي مثل ماجريت وراه سنين راح اخليه ينسى رهف واذ تاكدت انه نسيها صدق ذا الوقت اصارحه انا ماارضى اكون بديله ياانا كلي يالا
يارا: اخيرا اخيراااا اي كوني كذا ادعمك
جود: قسم بالله انك كفوو لاتعطينه مجال من البدايه
لانا ارتاحت: لا معليكم والله بيجي يوم واذكركم انه صار يموت في الارض الي امشي عليها
البنات بصراخ: كفووو
لانا بضحك: اسكتو فضحتونا وضحكو البنات وخلصو فطور ورجعو البيت ينتظرون المغرب عشان يروحون بيت الجد ويجي المملك لملكة لانا وياسر
"""""""""""""""""""""""""""""""""""
في بيت جابر
لمى: ياولدد قوم الساعه ٥ المفروض رحنا عند جدك
ياسر: ياليل طيب بقوم وقام وتروش وتجهز ونزل عند اهله
غلا: هلا بالمعرس
ياسر : هلابك
وتوجهو لبيت الجد والكل تجمع هناك واخيرا جاء المملك وكتب كل شي ووقعو عليه واخيرا في اليوم ذا صارت لانا لياسر والكل كان مبسوط الا ياسر الي كان واضح الضيق عليه ويفكر برهف انتبه عليه نايف واخذه وطلعو لمكانهم المعتاد بالبحر وكان نايف يبي يقول كلام لياسر عشان ينتبه
نايف: ياسر
ياسر: هلا
نايف: انت اليوم كانت ملكتك ومو على اي بنت لا على بنت عمك مسعود على اخت سليمان والعيال اذ مو عشانها عشان سليمان لا تضيع البنت يا ياسر طلع رهف من حياتك وبالك رهف الله يستر عليها راحت لغيرك تزوجت وبكرا تجيب عيالها وتنشغل بحياتها لاتظلم لانا لاتظلمها اذ مابتقدر تحبها لاتقلل من احترامها اهم شي البنت مالها اي ذنب في كل ذا تفهم؟
ياسر بتنهد: عارف يانايف عارف لابد ان رهف تجي على بالي حب سنين مارح يروح كذا بس اعترف لك حبها قل صار نار منها بدل حب صرت اشوفها شخص مقرف يوم كانت مكمله معي ومع غيري ومستحيل اسامحها اما بالنسبه لبنت عمي مارح اظلمها ان شاءالله وعن الحب معاد قلبي بيحب بحترم لانا وبعطيها الي تبيه بس زواجنا على ورق بحترمها وبس
نايف بتفهم: اهم شي ماتظلمها ذا اهم شي
ياسر: لامعليك
في بيت الجد علي الكل مبسوط وجالسين يسولفون
غلا: متى الحفل؟
لانا: مدري مالي خلق الان
سلمى بصدمه: اوف اول عروس مالها خلق تقابل زوجها
لانا بثقل: حُبي انا لانا هو الي يبي يقابلني مو انا
شجون بتصفير: واووو اختي الثقيله والكل ضحك على لانا
فاطمه: يلا يبنات مشينا سليمان جاء
لانا: يلا حبيباتي مع السلامه
غلا: ماتبين رقم زوجك وغمزت لها
لانا بضحك: قلت لك هو الي وراي مو انا ورسلت لها بوسه وطلعت
سلمى: والله ثقيله صدق
مي: احسنن لها
غلا:جتكم الثقيله الثانيه اخواني راحو فيها
سلمى ضحكت: يستاهلون شايفين نفسهم
مي: الا صدق وين صبا؟
غلا: تقول تعبانه
سلمى وهي فاهمه ليش ماجت صبا : معلينا يلا ننام وراح الكل ينام الا بطلتنا لانا الي تخطط تجبر قلبها يوقف شوي وتخلي ياسر هو الي وراها
في يوم جديد ويوم الدوامات في بيت جابر
غلا: يمه سلطان رافض يوصلني وش اسوي
لمى: وياسر مارجع شكله ببيت جدك كلمي لانا تمرك
غلا: اف منهم اخواني بشوف نايف ودقت على نايف بس مقفل وكلمت لانا
في بيت مسعود
لانا: يلا سلومممم
سليمان: يلا وركبو السياره وناظر لانا تبين قهوه؟
لانا: اي بس اول شي نمر بيت عمي جابر غلا معنا
سليمان وهو مستانس: ياهلا فيها والله
لانا بضحك: امش امش بس وضحك سليمان وتوجه لبيت عمه جابر وركبت غلا: السلام عليكم
الكل: وعليكم السلام
لانا: كيفك غلو؟
غلا: الحمدلله
سليمان: لانا نفس المعتاد؟
لانا: اي هوت شوكلت
سليمان: غلا وش تشربين؟
غلا بتوتر: لامشكور
سليمان: مافيه رفض قهوة الصباح علي يلا
غلا: بلاك
سليمان ابتسم وهو نفس طلبه واخذهم ومد يده لغلا واخذتها: مشكور
سليمان: مابيننا
لانا وهي تضحك: مبسوط سلوم ذوقك نفسه
غلا: ذوق الفخمين
سليمان: اي بالله
وصلو الجامعه ونزلو البنات وراح سليمان وهو مبسوط على صوت غلا وضحكاتها اما عند لانا وغلا دخلو كلاساتهم وخلصو دوام وينتظرون احد يرجعهم
لانا: محد يرد وانتي؟
غلا: حتى انا اوف منهم وش نسوي؟
لانا بتردد: اكلم تميم؟
غلا: لاتكفين خلينا ننتظر شوي
لانا: بدق على جود يمكن راكان موجود
غلا: يلا ولا اقول دقيقه دقيقه نايف يدق
نايف: هلاا
غلا: لا بدري مرا بدري
نايف: والله تو صحينا
غلا: طيب خلصت دوام تعالو خذوني ومعي لانا
نايف: طيب يلا جايينكم بس ناخذ قهوه
غلا: طيب عجلو وقفلت بوجهه وقالت للانا انهم بيجون
نايف: اختك قليلة ادب
ياسر بضحك: من يومها
نايف : دق عليها خل يطلعون ترا معاها لانا
ياسر: طيب وقال لغلا يطلعون وركبو البنات
غلا: مابغيتم
نايف: ياليل اشغلتينل ترا
ياسر: بس راسي مصدع تكفون
لانا كانت تناظر في الطريق ولاتبي تناظر في ياسر عشان ماتبعد عن قرارها وتبيه هو ينتبه لها مو هي تنتبه له وكانت واثقه انها تقدر
نايف: كيفك لانا؟
لانا: الحمدلله بخير وانت؟
نايف: الحمدلله تبون نروح مطعم؟
غلا: معندي مانع
لانا: لا وصلني البيت عندي فاينل لازم اذاكر
نايف : طيب يامحاميتنا
ياسر كان مطنش وجود لانا مايبي ينتبه لها مايبي يعطيها امل بحبه
نايف: يلا سلمي على الاهل
لانا: يوصل مع السلامه
غلا ونايف: مع السلامه
غلا: خير ياسر ماتكلمت معاها؟
نايف: صدق ليش
ياسر: اتوقع انكم متخلفين قلت لكم كلمه مع انثى ماتحل لي معاد بقول
غلا: بس لانا زوجتك
ياسر: لسى ماصارت وبعدين ماابي اتكلم فكوني يكفي الي فيني
نايف: طيب طيب
في غرفة لانا
يارا: ماتكلم معك؟
لانا: لا طز فيه
جود: متاكده؟
لانا: والله اي قلت لكم انا مع قراري مارح اتركه
يارا: افضل لك والله
جود: يلا جده سوت الغداء نزل الكل وسلم وجلسو على الاكل
سليمان: مين جابك؟
لانا: نايف
مسعود: وانت ليش تنام
سليمان: يبه والله كنت مصدع
لانا: صح نايف يسلم عليكم
الكل: سلمتي وسلم
بيت الجد جابر كان مولع من سلمى الي معصبه ماحصلت سماعتها
الجده نوره: عمى عمى ازعجتينا انطمي
سلمى وهي معصبه وشوي بتبكي: يمه بالله عليك اتركيني في حالي
الجده نوره بعصبيه: استحي على وجهك
سلمى ببكاء وانهيار: ياليل ياامي انتي تضغطين علي والله وبالله تضغطين علي اتركوني بحالي والله تعبت تعبت لاجامعه قبلتني ولا شغل ومنطقه بالبيت ذا ومكروفه وانتي بس تهاوشين فيني انا وش سويت وش سويت
دخل نايف وانفجع من بكاء اخته الغريب: وشفيكم ابوي فيه شي؟
الجده نوره: لا بس ذي مجنونه تبكي كذا
سلمى: مارح تفهميني مارح تفهميني وطلعت غرفتها وانهارت تبكي وهي مو عارفه وش فيها بالضبط بس مو قادره توقف بكاء وامها ضغطتها زياده
توجه نايف لغرفتها ودق الباب ودخل : اعرف للحين زعلانه مني بس انا نيوفك الي يحبك ولا راحت ايامي؟
سلمى ببكاء: تعال تعال وحضنته وصارت تبكي لما هدت
نايف: وشفيها اختي الحلوه؟
سلمى بزعل: من كل شي يخي وامي ضاغطه علي بزياده وطفشت
نايف: افا مايهون علي هالزعل وامي انا بكلمها وانتي تجهزي وبوديك عند لانا تجلسين هناك كم يوم وش رايك؟
سلمى: والله انك كفوووووو احبك
نايف ضحك: اي خليك كذا وانا بعد احبك يلا تجهزي وطلع وتوجه عند امه
الجده نوره: وش بلاها ذيك؟
نايف: يايمه الله يهديك خففي عليها تعرفين سلمى شخصيتها تكتم لما تنفجر مستحيل تفضفض لحد وتسوي نفسها قويه قدام الكل ولاتبي تبين ضعفها وذا الشي يتعبها نفسيا خففي عليها
الجده نوره: ان شاءالله بس ابيها تعرف انه مو كل قالت تبيه يجيها الدنيا ماندري عنها
نايف: معليك يايمه ذي هي سلمو الي تبيه بيجيها غصب
ضحكت الجده نوره : اي والله صادق وين بتروحون؟
سلمى: بنام عند اخوي جابر
الجده نوره: ماله داعي
نايف: يمه
الجده نوره: طيب خلاص خلاص وصح ترا الملكه ابوكم حددها الخميس
سلمى: وي بعد يومين يعني
نايف: يصير خير يلا سلمو
سلمى بحملس وصراخ: يلااا
وطلعو متوجهين لبيت جابر وسلمى دقت على لانا تبلغها وفرحو فيها
لانا: هلا والله سلموو
سلمى: هلابك اي كيفكم بنات؟
يارا: الحمدلله والله
جود: تبون اكلم الباقين يجون؟
سلمى: لا لا نتقابل بالسوق افضل
لانا استغربت: ليش السوق تبين شي؟
سلمى بضحك: ياسر ماقال لك؟
لانا: لا اصلا معندي رقمه
سلمى: الملكه الخميس بعد يومين
لانا بزعل: وش ذا قريب مرا
يارا: طيب بالبيت ولا وين؟
سلمى: مدري صبر ادق على ياسر ودقت وفتحت المكبر
ياسر: هلا حبيبتي
سلمى: هلابك بسالك الملكه انت حددتها؟
ياسر: اي ابي افتك عشان اسافر مع نايف
سلمى: وين؟
ياسر: بنروح للمدينه نغير جو
سلمى: طيب الملكه بالبيت؟
ياسر: لا رايح احجز شاليه عشان جدي يقول بيجي ناس وهي لو عندها صحبات
سلمى وهي متعمده: مين هي؟
ياسر: ذيك بنت عمي جابر
سلمى: يلا طير وقفلت بوجهه وناظر للانا الي تضايقت
يارا: ذا شفيه كذا؟
سلمى: للحين باله في رهف
لانا بضيق: بسوي شاي وراحت للمطبخ ولحقتها جود
لانا: سمعتيه يقهرررر
جود: والله يقهر مرا وش بتسوين؟
لانا: وش بسوي مابسوي شي والله ان ماخليته يجري وراي مااكون بنت جابر واخذت الشاي وتوجهت للبنات وكانت جالسه تسولف وتضحك واستغربت سلمى منها واعجبتها ان لانا بتجيب ياسر واتفقو العصر يروحون السوق وكلمو البنات والكل تجمع بالسوق
غلا: يلا نتقسم عشان نخلص
فوزيه: صبا مو جايه؟
سلمى: لا تقول ماتبي
لانا وهي عارفه وش فيها صبا: غريبه ليش؟
غلا: ماندري يلا كل وحده تروح تشتري الي تبي وتوجهت كل وحده تخلص الاشياء الي تبيها
يارا: بتاخذين شي ملفت؟
لانا: اي بس ابيه خفيف
جود: شوفي ذا
يارا: واو واوو يجننن خذيه بلا تردد
لانا: لونه مو عاجبني ابي وردي
جود: شخصية الدلوعه يعني؟
لانا بضحك: بالضبطط
المشرفه: وش بغيتو تفضلو
لانا: ابي نفس الفستان ذا بس لون وردي متوفر؟
المشرفه : اي هذا هو
لانا: واووو
جود: فخم فخممم
يارا: يجنننن
لانا: خلاص بااخذه وخلصو كل شغله ورجعو للبيت
سلمى: ها جود بتنامين معنا؟
جود: اي ماما راحت عند خاله صبا
لانا: يلا حلو كلنا على السرير يكفي؟
سلمى: بالراحه شجون مو معنا؟
يارا: لا ماتحب ذي البنت
لانا بضحك: غريبه جوها بس ميلا
سلمى: حلو زي بعض يلا نامو ورانا كرف بكرا
يارا: يلا تصبحون على خير
الكل: وانتي من اهله ونام الكل وهم شايلن هم الكرف الي بيصير
في يوم جديد
سلمى: يبنات قومو الساعه ٥ العصررر
فزت لانا: اوف تاخرنا قومو قومو وقامو تجهزو وصلو الصلوات وطلعو يكملون التىزيعات واغراض الملكه وينقلونها للشاليه واخيرا خلصو كل شي ورجعو البيت بوقت متاخر وكل وحده توجهت تجهز نفسها لبكرا
لانا : كلمت البنات وبيجون
يارا: دلال وشروق؟
لانا: ايييي
يارا: يلا نامي ولاتفكرين في شي تمام؟
لانا: تمام بس بصلي الوتر اول وتوجهت تصلي الوتر وتدعي ربي انه يسعدها في حياتها القادمه وينسي ياسر رهف ويعوضه فيها وخلصت صلاه ونامت وهي تفكر في بكرا اما عند ياسر كان متوتر شلون بيدخل على وحده غير رهف شلون بيمسك يد وحده غير رهف ونام وهو يدعي ان ربي ينسيه رهف ويطلعها من قلبه وباله
"""""""""""""""""""""""""""""
وفي يوم جديد واخيرا يوم الملكه يوم لخبطت المشاعر عند لانا توجهو للكوفيره يخلصون من بدري وعند ياسر اخذوه العيال ويزبطون شعره ويخلصون ثوبه ويجهزونه لليوم الحلو وكان نايف يحاول يخرجه من التفكير ويبعد رهف عن باله
وصل الكل الشاليه ابتدا الحفل والكل نزل تحت تاركين لانا وراهم هي ومشاعرها وتفكيرها قطع عليها دخول سليمان: لنووو عروستي
لانا : سلوم تكفى مو اليوم تكفى
سليمان بضحك :لا بوفرها للزواج وسلم على اخته ودخلو اخوانها وابوها سلمو عليها وطلعو ينادون ياسر
سليمان: ياعريس ادخل يبون يصورونكم
ياسر : طيب وتوجه مع سليمان وهو خطواته يحسها صارت ثقيله وكل تفكيره كان ممكن يوم من الايام هو ورهف دخلو الغرفه ورفع نظره ياسر وانصدم من جمال البنت الي قدامه كانت ملامحها طفوليه مع فستانها الوردي الي زادها طفوله ودلع كان يناظر فيها مصدوم ماتوقع انها بالجمال هذا وعند لانا كانت تناظر فيه وقلبها يدق ماتوقعت بيوم بتكون هي الي له ماكانت مصدقه ان دعواتها استجابة كانو يناظرون بعض بصمت وقلوبهم ترجف وقطع عليهم سليمان: عشتو ياولد ادخل قبل اصفقك
ياسر: طيب يلا برا وطلع سليمان وهو يضحك وتوجه ياسر جنب لانا وجت المصوره تصورهم صور وطلعت ولف ياسر نظره على لانا: ننزل؟
لانا بتوتر: اي وتجهزو للزفه
سلمى : يلا يلا بينزلون وانفتحت الستاره وطلو منها كوبلنا كانت لانا ترجف ومسك يدها ياسر وابتسم لها ونزلو خطوه خطوه على صوت اليسا والمشاعر الحلوه واخيرا وصلو للكوشه والكل يصفق ويغني معهم والحين وقت الدبله يركبونها مد ياسر يده وركبها لها وهو طيف رهف يجي بباله اما لانا مدت يدها وركبت الدبله لياسر ولاناظرت فيه كان ياسر ملاحظ صد لانا عنه بس مااهتم وكان يناظر في غلا ويناديها عشان تجي عنده
غلا: هلا شفيك
ياسر: بطلع
غلا: مجنون لا ترقصون مع بعض
لمى: وش فيكم
غلا: ولدك يبي يطلع
لمى: لا ياسر بعد الكيكه ماجت
ياسر: مخنوقق تكفون ماابي اجلس دقيقه وحده خلاص لبستها بطلع
لمى: طيب يلا تعال ناظر ياسر لانا وفك يده منها وطلع مع امه وجت يارا تركض: وشفيه ذا؟
لانا: يقول مخنوق بيطلع باله مع ذيك للحين
يارا: يعمري يعمري انتي ماكرهه قلبك للحين؟
لانا: المحب مايكره بس القلب يعرف متى يصد
يارا: اي خليك كذا
غلا كانت تدور على مي: سلمى وين مي؟
سلمى: شوفيها هناك ونادتها
مي: هلا
غلا: سلطان يبيك عند الباب
مي وهي مستغربه توجهت له : شبغيت؟
سلطان وهو كان يبي يشوف كشختها: ابي مويه
مي بستغراب: طيب ليش ماقلت لغلا؟
سلطان: كيفي ابي من زوجتي
مي: وانا كيفي ماابي اجيب لك يلا طير وتركته مصدومه وحلف بنفسه انه بيجيب راسها وتوجهت مي على المسرح ومسكت يد لانا ورقصو والثنتين يقولون الزين عندي وكانت لمى طايره فيهم وتقول زوجات عيالي والكل يذكر الله عليهم
عند الرجال كانو يرقصون ومبسوطين الا ياسر وهو يحس نفسه مخنوق وانتبه عليه نايف وتوجه له: ولد مو وقتك الناس تناظر فيك
ياسر: المفروض اليوم ملكتي عليها يانايف
نايف: تكفى مو وقتك
ياسر: مقدر مقدر
سعود: عضيدي شفيك
ياسر: مخنوق ياعضيدي مخنوق
سعود: تكفى اصبر تكفى عشان جدي واذ ماتقدر انا بااخذك
نايف بعصبيه: مجنون انت تاخذه وين
ياسر: اسكتو سليمان جاي
سليمان: ياسر
ياسر: هلا
سليمان: عارف للحين ببالك رهف وصعب تنسى وعاذرك بس الى يوم زواجك وطلعها من بالك هذي اختي ياياسر هذي الروح والقلب انت اخذت البنت الثمينه انت اخذت الدلع كله انتبه انتبه بيوم تكسرها بموضع حبك القديم  والله لو تكسرها تحصلني قدامك والله
ياسر: على خير وقلت لكم رهف وناسيها لاعاد تجيبون طاريها عندي واختك على العين والراس
نايف وهو يخفف التوتر الي صار: يلا قومو العشاء واخيرا خلصت اليله ذي بسلام ورجع الكل بيته ونام
""""""""""""""""""""""""
بعد اسبوع بدون احداث جديده الجد علي قال لياسر يطلع مع لانا واخذ رقمها وكلمها وتجهزت وجاء اخذها وراحو لكوفي وجلسو وكان هدوء الوضع بينهم وتوتر وقرر يتكلم ياسر: شوفي يابنت العم انا انسان احب الصراحه واكيد ماتبيني اكذب عليك في شي واكون واضح معك صح ولا؟
لانا: اي اكيد محد يبي الكذب
ياسر: حلوين أنا الصدق مااحس بمشاعر تجاهك ابدا ولااحس اني مستعد بعد حُب رهف احب احد ثاني لذالك علاقتي فيك بتكون مبنيه على احترام علاقة المتزوجين مارح تكون بيننا احترميني وانا احترمك واذ بغيتي شي اطلبيني وبس كذا علاقتنا تكون حتى في بيتنا بيكون غرفه لك وغرفه لي ومارح اجبرك تسوين لي اكل او تغسلين ملابسي او اي شي
لانا وهي مصدومه ماتوقعت هالكلام منه وقررت تدعس على قلبها: حلوين اجل حتى انا مافيه مشاعر تجاهك ابدا ومين الي بتحب شخص كان يموت في غيرها؟ وافقت عليك عشان ابوي وعشان عمي ماتخرب علاقتهم اما بالنسبه لعلاقتنا انا ماابي الا الاحترام وبس ماابي شي منك انا بصرف على نفسي وجامعتي اروح لها وبس هذي هي طلباتي
ياسر: حلو اجل اتفقنا وماله داعي الي بيننا يعرفه احد
لانا: ماعليك اسرارري لنفسي ويلا نقوم
ياسر: بس ماشربتي شي
لانا: يادوب متحمله اطلع معك اشرب بعد لا
ياسر وهو متنرفز من كلامها ولا توقع انها ماتبيه بعد قام ورجعها البيت واخذ نايف وقال له كل شي
نايف بعصبيه: غبي غبي ياذا الرهف الي مارح تخليك بحياتك
ياسر: ياشيخ مالها دخل حبيت اوضح لها
نايف: حلو انها بعد ماتبيك عشان ماتظلمها
ياسر: اقولك شايفه نفسها تحسب بجري وراها
نايف: اخاف يجي اليوم الي فعلا تجري وراها
ياسر: لافكني مستحيل
في بيت جابر
يارا: كيف طلعتكم؟
لانا: عادي شربنا قهوه ورجعنا بنام تبون شي؟
يارا: لا
وطلعت لانا لغرفتها وجلست تفكر بكلامه الي وجعها وقررت تدعس على قلبها دائما وتقوي شخصيتها عليه
"""""""""""""""""""""""""""
في يوم جديد وبالتحديد بيت الجد
الجد علي: حلو يعني يامي عادي زواجك الاسبوع الجاي
مي: معندي مانع دام الشي ذا بيبعد الهم مني ولاراح ارجع عند ابوي
الجد علي : اي يابنتي
وانتشر الخبر ان زواج مي يوم الجمعه بس اسبوع وبدت الاسواق وحوسة الزواجات الي ماتنتهي

طولت عليكم بس اعذروني هالفتره مشغوله ادعو لي تعدي الامور على خير وقراءة ممتعه❤️.