أنت داري ودياري

بارت 28

قام الجد : يلا ماابي اي اعتراض النوم اليوم عندي وطلع هو والجده ينامون والكل طلع الا العيال والبنات الي مافيهم نوم ابدا وقام طلال وهو في باله فكره: شرايكم يعيال ناخذ البنات ونروح الاسطبل حقنا ونسوي فعاليات؟
فزت سلمى: ايوا تكفون نغير جو يلا
فوزيه: مابنقول لا حنا يلا
سعود بضحك: خلاص امشو
فزو كل البنات وتجهزو اما العيال طلعو للسيارات وكانو يتقسمون واخيرا جو البنات وركبو مع سعود كلهم وفي السياره الثانيه كان سليمان يسوق وكل العيال معه عند سعود شغل المسجل وحط أغنيته الي يحبها ولكن الصدفه كانت اغنيته هو وجود رفعت نظرها تناظر له وهو يغني مع الاغنيه
عافك الخاطر ياغالي
من بعد اللي جرى لي
مابي اسمع عنك طاري
ولا عن ذيج الليالي
ابعد عن دربي وروح
لاتعاود لي الجروح
وقطع عليه سلمى الي قالت: ياليل حنا مانفتك من اغنية جود تجينا أنت
سعود بضحك: والله تجننن أثاريك ياجود ذوق
سلمى: أسكت والله معندكم ذوق كلها حزن
جود: أنتي وش عرفك في الفن؟
سعود: اي والله وش عرفك ياسلمى؟
سلمى: أسكتو بس وضحك عليها سعود وعند جود تهوجس وهي تناظر فيه وتحس بمشاعر غريبه هزت راسها وفي بالها تقول تكفين ياجود مو وقت مشاعرك انتي فكري في أهلك أول وتنهدت ولفت للأنا: شفتي كيف ياسر ؟
لانا: أهخ جود ماتخطيت كيف يحاول يطمني أنه نساها ولاهمته
شجون: والله كبر بعيوني ياسر وكلنا بغينا نموت كيف أنتي
لانا باأبتسامه: أحبه والله أحبه
أبتسم سعود وهو يسمع كلامهم عن أخوه وهو مبسوط أن لانا عرفت ان ياسر يطمنها
في سيارة العيال كان ياسر وطلال قدام وماسكين المسجل كله رقص وصراخ وسليمان يضحك عليهم وعلى هبالهم وعند نايف يناظرهم وهو مبتسم وقطع عليه سلطان الي قال: وشفيه الحلو هادي؟
نايف: أهخ ياسلطان الحلو يفكر في حياته بقدر أتأقلم مع السكر ولا
سلطان: يحبيبي يانايف أنت أقوى شخص عرفته تحملت أكثر من كذا وتقدر والله تخطيت الكثيرر مابيهزمك السكر وتذكر ربي معك أبتسم له نايف وهو يفكر في كلامه واخيراً وصلو الاسطبل حقهم ونزلو وكان ظلام ودخلو العيال يدورن الانوار يشغلونها وعند البنات الي واقفين ينتظرونهم بخوف وعند لانا كانت ميته خوف لان الظلام أكبر فوبيا لها وكل شوي تغمض
عند طلال مسك خالد : خلود صورني بروح افجع البنات ابتسم خالد وصور طلال الي طلع من ورا البنات نط عندهم بصراخ وفزو كل البنات يصرخون وأكثر صرخه من لانا الي حست قلبها بيوقف عند العيال الي سمعوهم فزو يركضون ووقفو يوم شافو طلال ميت ضحك وخالد يصور عند لانا يوم استوعبت انه طلال اخذت جزمتها ورمته فيها : حيوااان ياطلال حيوان
جود بعصبيه: وانت قفل تصوير ماتضحكون
سلمى بصراخ: والله وبالله ياطلال أني مااكون بنت ابوي لو مارديتها
مي بعصبيه: ولدي معي ياحيوان مافكرت فيه على الاقل؟
طلال بضحك: يمه يمه كلهم علي
ياسر: تستاهل محد قالك تفجعهم
نايف: منجد وامشو ادخلو
سليمان: لااحد يدخل
ناظر له نايف وهو مستغرب: ليش؟!
سالم: الخيول ماهي فيه والاسطبل مكسر الظاهر أحد دخله
سعود: بسم الله أنتبهو أجل يلا رجعنا
تميم : يعيال السياره حقت سعود بنشرت
سعود: يوه مو وقتها وسيارة سليمان مابتكفينا وش نسوي؟
سليمان: نتقسم اثنين منا يروحون يجيبون لنا عامل للكفر
ياسر: محد صاحي الحين الا حنا شوفو الساعه متاخر
سلمى بخوف: وش بنسوي طيب مانقدر نجلس هنا
نايف: فيه مزرعتنا قدام بس نمشي لها تمشون؟
سالم: يلا ياعيال وانتبهو للبنات والبنات كل وحده تروح جنب الي تبي وتحركو البنات وكل وحده توجهت للي تبي عند نايف اخذ سلمى وفوز وفوزيه وصبا وعند سليمان كان واقف يناظر في غلا الي فزت لسعود وشجون توجهت لسالم ولانا رفعت نظرها لياسر الي مد يده لها وسلطان أخذ ولده ومي وكانت جود واقفه تناظر وتقدمت لسليمان الي مسك يدها وكان سعود يناظر لها وباقي العيال يمشون وراهم كانت المنطقه ظلام جداً تمسكت لانا بيد ياسر وهي خايفه وعند ياسر بهمس: تطمني مابيصير شي وانا معك
أبتسمت له لانا : والله أني أنا وقلبي متطمنين اليوم بزياده أبتسم ياسر وهو عرف وش قصدها وقطع عليهم راكان ولد سلطان يبكي وابتلشو كلهم فيه
مي ببكاء: تكفى ركون اسكت يبنات وش اسوي معه؟
سلمى: المشكله كلنا مانعرف وش ممكن يسكته
طلال: تكفى ياولد اختي مو وقتك تبكي وتفضحنا بصوتك
سعود: وش بنسوي الحين؟
جود: عندي الموضوع مي عطيني وعطتها مي وجلست جود تهز براكان الي سكت معاها وأبتسمت وهي ماسكه يده تحت أنظارهم وهم مصدومين
طلال: اوف الورعه ذي طلعت تعرف تسكت الاطفال
جود: ورعه بعينك بعدين وشفيني طايحه من عينك اكيد بعرف كان سامر معي أسكته كل يوم
سليمان: فديتها بنت أخوي صدق وضحكت له وكان سعود مبتسم وهو مبسوط على سعادتها وكل ذا تحت أنظار ياسر الي شك بوضع أخوه وضحك وكملو طريقهم واخيرا وصلو المزرعه ودخلو وعند البنات الي خافو يروحون قسمهم وقالت سلمى: عيال مابنروح قسمنا لو تموتون بنجلس معكم
نايف بضحك: افا يبنات طلعتو خوافين
غلا: أسكت بس أكيد بنخاف من زمان ترا ماجينا هنا والله مااروح
سليمان: خلاص يجلسون معنا مو مشكله وقام شب النار وجلسو قدام بعض وكانو ساكتين الا راكان ولد سلطان يضحك وهم ميتين عليه وعند سعود قام يسوي شاهي ورجع يعطيهم وجلسو كلهم بهدوء وكل واحد يهوجس وساكت
سلمى بنرفزه: ترا ماأحب الهدوء أهرجو وش بنسوي؟
نايف: صدق يعيال وش بنسوي وياويلنا من ابوي رحنا محد يدري
طلال: اهخ نسيت جدي صدق بننجلد
تميم: انا بهرب بيتي مااعرفكم مين أنتو؟
سالم بضحك: حبيبي بنجي معك كلنا شغل الجحدان مو عندنا
سلطان: منجد وراك وراك كلنا
سعود بهدوء: اذ أذن الفجر اربعه منا يروحون اثنين يجلسون عند سيارتي واثنين يروحون يجبون عامل وجدي خلوه علي بس تتيسر الامور ذي
سليمان: خلاص حلو كذا وسكتو وهم يسمعون سوالف البنات الي يتكلمون عن الاجواء وكانت صبا تقول: والله من الاسبوع ذا متوقعين امطار
جود : حلو مع الاختبارات بس يخوفي تتأجل
غلا : وش شعورك وانتي بتتخرجين ياجود؟
جود باأبتسامه: مبسوطه والله واخيرا اصير معكم بالجامعه
سلمى: وش بتدخلين تخصص؟
جود: مدري للحين محتاره مابين ادارة اعمال ولا أعلام
فوز: اعلام يجننن والله بعدين محد منا دخله تقريبا
لانا: منجد ادعمك ياجودي
وقطع عليهم صراخخخ وفزو البنات للعيال الي قامو مفجوعين من الصراخ
وانقطع فجاه استغربو الوضع وناظر لهم نايف: ياعيال وش صاير؟
سلطان: خلونا نروح نشوف بس مو كلنا
نايف: خلاص انا وياسر وانت نروح الباقين اجلسو
سعود: وانا معكم والله مااخليكم
مي: ياهو بلا هبل لاترحون ممكن ناس ماتخاف الله
لانا بخوف : منجد اجلسو
ياسر: معليكم لازم نروح نشوف الصراخ مو طبيعي امشو يعيال وراحو العيال والبنات خايفين وكانت غلا واقفه مامعاها احد يوم اخوانها راحو ناظر لها سليمان وتوجه لها ووقف قدامها وبهمس : أنا معك لاتخافين أبتسمت له غلا لكن قطع عليهم الصراخ مره ثانيه بس أقوى وكلهم خايفين وش هالصراخ الي كان عالي وكن أحد يتعذب عند نايف وسعود وسلطان وياسر كل ماقربو زاد الصراخ وشافو خيمه صغيره وقدامها نار تقدم سعود وقال: أنا ونايف بندخل وانتو خلوكم هنا وتقدمو ودخلو لكن أنصدمو من الي شافوه
كانو بنتين على الارض يبكون ووحده مربطه وواحد يضرب فيها وواضح مو بعقله فز سعود ومسكه ونايف رفع شارته وقال: لاتتحرك حنا الشرطه
ودخلو ياسر وسلطان ومسكوه وعند سعود راح للبنت المربوطه وهو يناظر بملامحها الحلوه صد بوجه عنها وفك يدها ونزلها وكانت تتألم بس مافيه ولا دمعه بخدها رفعت نظرها لخواتها وركضو يحضنونها وتغطو عشان العيال وجو يطلعون وقف قدامهم نايف: مابتروحون اي مكان
سلطان: وين اهلكم ومين هذا؟
"""""""""""""""""""""
تعريف بسيط عن البنات كانو ثلاث خوات
رغد الكبيره
ورنيم الوسط
وتولين الصغيره
تعرفون قصتهم في البارتات الجايه
""""""""""""""""""""
تولين بصوت عالي: مشكورين ساعدتونا لكن أبعدو عن طريقنا وكانت تتألم من الضربات الي جت لها وخواتها وراها وهم خايفين عكس شخصية تولين
سعود بعصبيه: يابنت الناس مابتروحين قدامك عسكر مافيه خوف منا
رنيم : تكفين تولين خلاص تكفين وين نروح مالنا أحد
رغد ببكاء: اي تكفين على الاقل عسكر مابيضرونا
تولين: طيب طلعونا من هنا وبعدين نتكلم
سلطان: تمام امشو ورانا وتوجهو البنات وهم متماسكين ويمشون وسلطان قدامهم وسعود ونايف وياسر وراهم واخيراً وصلو المزرعه دخل سلطان : تعالو ادخلو هنا ودخلو البنات تحت انظار الكل فزت مي وهي تناظر مين ذول ودخل ياسر ومعه واحد وقفل عليه بالغرفه وقال: وقتكم تتكلمون
تقدمت تولين بس جتها دوخه وكانت بتطيح لكن سرعان مامسكها سعود وجلسها ناظرت له جود وهي تحس بنار داخلها تنهدت وهي تقول مو وقتك ياجود وسكتت تناظر فيهم سحبت تولين يدها من سعود وبصوت مهزوز: حنا بنات ناس ومتربين لاتفكرون في اشياء ثانيه
سالم: اكيد ومتاكدين من هالشي حنا لكن علمونا مين انتو ومين هذا
نايف: وليش كان يضربكم لاتخافون منا ابدا وذول خواتنا
رغد ببكاء: وحنا خوات وذا مو اول مره يعذبنا كذا وانهارت تبكي تحت انظارهم فزت لها تولين وهي تحضنها وتهديها لما هدت وقالت تولين: أنا تولين وذي أختي الكبيره رغد وذي أختي الوسط رنيم وهذا عمنا من ماتو أهلنا نعيش معاه ومع تعذيبه وضربه لنا ومشكورين مانبي شفقه من احد
أسمحو لنا نرجع بيتنا
سعود بنرفزه: اي بيت ؟ بيت عمكم الي يعذبكم وقرب منها معليش مابتروحين مكان الا معنا غيره مابنتركم
تولين: وين بتودينا؟
نايف بهدوء : تطمنو مابناخذكم مكان وحنا جابرينكم امشو معنا وبعدها نشوف حل بس بيتكم مابترجعون
تولين بهدوء: تمام وتقدمت سلمى لهم واخذتهم عند النار وجلسو يعرفون على نفسهم وبعدها بكم ساعه وهم يسولفون وحبو البنات وارتاحو لهم وكانت تولين تبتسم لهم وكل شوي ترفع نظرها لسعود الي واقف عند باب عمهم وهو معصب وأبتسمت ونزلت راسها تناظر خواتها الي مبسوطين ويضحكون واخيراً اذن الفجر وكلهم قامو يصلون وبعد الصلاه قال سعود: مين بيروح؟
ياسر: أنا وطلال وسليمان وسالم
سعود: تمام حبيبي أنتبه على نفسك وأنتبهو كلكم
ياسر: من عيوني ويلا عيال وكلهم طلعو وعند سعود جلس مع نايف الي حس برجفه بس ماقالهم وعند البنات نامو على الفرشه حول بعض الا تولين كانت تراقب بصمت
وعند العيال وصلو للسيارات وقال ياسر: مين بيروح؟
طلال: انا وسالم بنروح يلا سالم اركب وراحو يجيبون عامل للسياره وسليمان وياسر ركبو سيارة سعود وجلسو فيها ويسولفون وبعد ١٥ دقيقه رجعو سالم وطلال ومعهم العامل وصلح السياره وراح وهم توجهو للمزرعه ودقو على سعود يتجهزون قام سعود توجه للبنات وناظر لتولين: بالله صحيهم بنمشي الان هزت راسها تولين وقومت البنات وطلعو وركبو السيارات وفي سيارة العيال قطع عليهم اتصال الجده على نايف: وينكم انتو؟
نايف: جايين ومعنا ناس جهزو نفسكم استغربت الجده وقفلت منه وقالت للجد علي كلامه وقام: تجهزو والله يستر بس ويعدي اليوم على خير
واخيراً بعد كم دقيقه وصلو ونزلو ودخلو بيت الجد علي وكانت تولين ماسكه خواتها وهي ترجف بس تسوي نفسها قويه ودخلو بعد البنات فز لهم الجد علي: وشفيكم انتو ووين كنتو ومين الناس؟
سعود: ياجد كنا بنروح الاسطبل ولقيناه مسروق وحالته حاله بعدها خربت السياره ورحنا للمزرعه لما يجي الصبح عشان نجيب عامل اما بالنسبه للناس تعال ابيك لحالك انت وجدتي واخذهم وقالهم كل شي ودخلت الجده نوره بحنيه وتوجهت لهم: يبناتي انتو ببيتكم وخذو راحتكم والله وبالله محد ياخذكم مني الله ارسلكم لنا وماابي اعتذار البيت بيتكم
تولين باأبتسامه: ماتقصرين والله ومعليش سببنا ازعاج لكم
الجده نوره: قولي لي جده نوره ولا خالتي نوره وابد مافيه ازعاج انتو بناتي
تولين : تمام خالتي نوره وابتسمت لها الجده وعند داليا الي سحبت سعود وبعصبيه: تستهبلون جايبين بنات مانعرفهم؟
سعود: داليا صوتك خفضيه ثاني شي ماشفتي حالتهم انتي كيف يحزنون
داليا: طيب لازم نعرف اسمهم كامل
سعود: خليها علي بس لاتضايقونهم بحاجه ودخل سعود وجلس جنب العيال وهم يسمعون لسوالف اعمامهم وقامو بعد ماقالو لهم بينامون لما العصر وعند البنات كذالك وطلعت سلمى ملابس لتولين والبنات ولبسو ونامو كلهم بتعب
عند جابر : يبه وش بنسوي بالبنات؟
يوسف: انتو واثقين فيهم؟
الجد علي: انا ببالي فكره ونشوف اذ عرفنا مين هم ووش يرجعون بس ماابي احد منكم يتعرض لهم ولا يقول لهم شي يوجعهم وبروح ابحث عن اسمهم عند صاحب لي وقام الجد علي وهو شاك في حاجه لكن يبي يتاكد أخذ معه صاحبه سعيد وتوجهو للقسم وعطاهم اسم البنات وطلع لهم الضابط وقال: بحثنا عن اسمهم طلعو بنات واحد أسمه سامي ال"""""" وتوفى من اول فزو علي وسعيد وهم مو مصدقين ذول بنات سامي تنهد الجد علي وهو من زمان يدور عليهم وكان سامي خوي سعيد وعلي من هم صغار وقبل يموت كان يوصيهم على بناته لانه يعرف اخوه انه ظالم بس كانو يحسبونهم ماتو معه نزل راسه الجد علي بضيق: تركنا بناته ياسعيد تركناهم
سعيد بضيق: تكفى ياعلي قالو لنا ماتو ماكنا ندري
علي بعصبيه: والله وبالله ان اخذ حقهم من عمهم الظالم والله وبالله
سعيد: كلنا بناخذه بس انت حاول تهدي نفسك لايرتفع ضغطك
"""""""""""""""""
في بيت الجد علي قام سلطان وجلس يصحي العيال وعجز فيهم وفجاه دخل الجد علي وهو معصب وبصراخ: ٥ دقايق ماانتم عندي بالحوش لاتلومون الا نفسكم وطلع وعند العيال كلهم قامو مفجوعين ومستغربين عصبية الجد علي وقامو يتجهزون ويصلون وعند الجده قومت البنات وكلهم تجمعو في الحوش ينتظرون العيال وبعد ٣ دقايق طلعو العيال وسلمو على الكل وجلسو
ناظر الجد علي للبنات وبصوت مهزوز:اليوم عرفت أنكم بنات الغالي سامي
فزت تولين برجفه: كيف تعرف أبوي؟
الجد علي بحزن وضيق: أنا خويه وكبرنا مع بعض وكان يوصيني عليكم
رغد بحزن وبكاء: وليش مانفذتو وصيته؟ ليش تركتونا مع الظالم ليش؟
الجد علي: ويشهد علي ربي انا وسعيد دورنا عليكم وقالو لنا ماتو معه والله
تولين برجفه: انت علي الي صوره مع ابوي انت الي قبل يموت كان يقول لنا روحو له هو أبوكم أنت الي أبوي قالنا أننا باأمان معك أنت هو أنت
نزل الجد علي راسه بضيق وهو يسمع عتابهم له ولسعيد أما سعود رفع نظره لها وهو متعجب من قوتها صح انها ترجف لكن ولا دمعه نزلت من عيونها وتنهد وهو ضايق على حال جدهم وحزنه اما الجده راحت تحضن البنات وبصوت كله حنيه: أنتو بناتي والله معاد أخليكم أمكم كانت أطيب شخص والله مااخلي بناتها والله وحضنتهم وبادلوها الحضن وهم مرتاحين
الجد علي : والله حقكم من عمكم الظالم أني باخذه والله وبالله يبناتي
تولين باأبتسامه: ماتقصر ياعمي والحمدلله لقيناك  وناظرت لسعود وقالت مشكور عمري ماانسى وقفتك معنا انت والعيال أبتسم لها سعود اما نايف قال: لاتشكرونا اي احد مكاننا بيسوي كذا وغمز لهم بصير عمكم
الجد علي: اقولك اهجد وش عمهم بعد انت وضحكو كلهم على نايف الي كشر بوجه وعند البنات دخلو داخل وسوو قهوه وحلى وجلسو يسولفون
تولين بفضول: الولد الي شكرته وش أسمه؟
سلمى بضحك: سعود وترا أعزب أشبكم لبعض؟
تولين: سلمو اهجدي بس اسال
سلمى: والله حلوين معبعض وضحكو البنات وهم يسولفون وعند جود حست بشعور غريبب ناظرت لها شجون وكنها عرفت وهمست: لايكون حبيتيه؟
جود بنفس الهمس: شجون مو وقتك ويع مالقيت الا سعود أحبه وقامت وهي كارهه كل شي ودخلت المطبخ تسوي شاهي وهي تبي تشغل نفسها من التفكير وكانت تفكرر في شعورها الي تحسه وهي ماتبي تحب كانت تخاف تكون تجربتها زي أمها وأبوها تنهدت وعند سعود قام من عندهم ودخل المطبخ وشافها تهوجس وعرف انها جود : شفيك مين مضايقك؟
فزت جود بخوف: بسم الله فجعتني ابد والله مافيني شي
سعود بضحكه: معليش خوفتك وش جالسه تسوين؟
جود: شاهي تبي؟
سعود: اوف في خاطري قهوه بس محاصيلي خلصت
جود: أنا عندي تبي أسوي لك ؟ ترا جبتها معي
سعود باأبتسامه: أذ مافيه تعب سوي
جود: ابد مافيه تعب والله وتبشر بها وطلع سعود وهو مبتسم وأبتسمت جود وراحت تسوي له قهوه ودخلو عليها البنات وقالت غلا: ابي ابي قهوه
سلمى: حتى انا ابي جودي سوي لي
جود باأبتسامه: تم بس غلا اعطي الكوب ذا سعود طلبني اسوي له
غلا بصدمه: متى قالك قليل ادب ذا
جود بضحك: عادي يبنت يوم كنت بالمطبخ كان يبيها وقلت بسوي لك
سلمى بتصفير: واوووو شكلكم كوبلنا الجديد
لانا بضحك: تخيلت ونصير نطلع معبعض وضحكو كل البنات واخذت غلا الكوب ورسلت لسعود يجي وفعلا ماهي الا دقايق وجاء عند الباب وطلعت له غلا ومدت يدها وبغمزه: خذ من حبيبة القلب
سعود بضحك: طيري ياغلو لااطيرك بكف وضحكت غلا ورجعت للبنات وهم يسولفون وينتظرون قهوه جود الي كانت مروقه وهي تسوي لهم كلهم
وعند سعود كان جالس مع العيال وفز من طلال: ياخاين تطلب بدوني؟
نايف: قليل ادب ياسعود بدوننا صدق ليش
سعود: يمه منكم ترا من عند البنات جود مسويتها
سليمان: اوف جود تسوي برسل لها تبون؟
نايف: اي تكفى كلنا واذ خلصت محاصيلها انا اشتري لها وابتسم سليمان ورسل لجود الي قالت طيب وجلست تسوي لهم والبنات يضحكون عليها
سلمى: خلاص الله يعينك بيستلمونك كل يوم خصوصا سعود ماصدق
جود: عادي عادي يبشرون كلهم
سلمى بغمزه: وسعوددد ؟
جود بضحك: فارقي عني ياسلمووو
تولين بغيره ماتدري من وين جت: ليش مركزه على سعود بس ياسلمى
سلمى بضحك: جت الغيوره الثانيه وضحكو كل البنات وتولين تبرر لهم وعند جود تضايقت منها وهي فعلا ملاحظه غيرتها وتنهدت بضيق وخلصت القهوه ورسلت لسليمان الي قام: يلا قهوتكم جايه وقام سعود معه على اساس يساعده وهو يبي يشكرها اخذو الاكواب وطلع سليمان وعند سعود قال: مشكوره جود والله لذيذه بشكل
جود باأبتسامه: العفو وبالعافيه ودخلت وتركته يتنهد وهو يقول لا ياسعود لاتحب لاتحب مو وقته

"""""""""""""""
هلو حبايبي هالمره ماطولت مره وصح مين تتوقعون جود ولاتولين مع سعود؟🫣❤️❤️❤️❤️❤️
وتعالو تويتر ولابزعل منكم وبسحب عليكم
_lllanتويتر