أنت داري ودياري

بارت 19

كان بيت الجد علي يعم بالازعاج والضحكات والكل كان مبسوط ويدعي ان الايام الحلوه تستمر عليهم وشوي شوي بدو يرجعون كل واحد لبيته عند ياسر ركب السياره وهو ينتظر لانا وشافها طالعه ومعاها بنت تحضن فيها ركبت لانا للسياره وناظرت في ياسر الي يقول: مين الي كانت معك؟
لانا: جودييي ماتبيني أروح معك
ياسر: خل تطير خلاص صرتي للياسر أبتسمت لانا وهي متحمسه تدخل بيتها هي وياسر الي كان جنب شقة سلطان ومي وصلو ونزلو اغراضهم بعد مساعدة سعود وسلطان دخلت لانا بيتها وحست بشعور حلو وهي تشوف البيت وكان جاهز لانهم خلصو حتى الاثاث قبل الزواج رتبت اغراضها واغراض ياسر وجلست بالصاله تنتظر ياسر أما عند ياسر كان جالس مع أهله وأستأذن منهم وتوجه لبيته دخل ووقعت عينه على لانا الي جالسه وأبتسم: يامرحبا بدهر قلبي ورجعانه نورتي بيتك ياكُل الحياه
لانا باأبتسامة: النور نورك ياقلبي أنت وفز قلبها يوم شافته متوجه لها وحضنها حست أن كُل الدنيا مو سايعتها من كُثر الحُب بادلته الحضن وبعدها راح ياسر يغير ملابسه اما لانا نامت على طول وهي مرهقه ماكانت ترتاح تنام وهي مسافره أما ياسر خلص وشافها نايمه أبتسم ونام من جنبها
""""""""""""""""""""
عند سلطان الي دخل وماحصل مي رفع نظره وهي طالعه من الحمام"الله يكرمكم" وواضح عليها التعب فز لها وجلسها : تبين شي يقلبي؟
مي: لا خلني انام على رجلك تكفى لاتخليني تعبانه فز سلطان وجلس وحطت راسها مي على فخذه كانت جداً تعبانه وهو يقراء عليها ويسمي يوم حسها نامت حملها للغرفه ونامو وعند غلا الي عجزت تنام  توجهت لغرفة الرسم وفتحت لوحتها الي جالسه عليها من شهور كانت ترسم سليمان حُب طفولتها كانت ترسم كُل ذكرى لها معه تأملت الرسمه وأبتسمت : أهخ غلا والله وجاء اليوم الي توقعين فيه وتحبين شخص ولا هالشخص حُب طفولتك ضحكت على نفسها وتوجهت تنام
""""""""""""""""""
في يوم جديد كانت لانا تطبخ وتغني دخل عليها ياسر وهي ساكت ويتأملها كانت تغني وتتمايل بكُل غنج وكانت عيونه تراقبها بكُل أعجاب وحُب لفت نظرها لانا ووقفت وهي تشوفه واقف قدامها وشعره مبلل على وجه وغمازته باينه خفق قلب لانا من قوة مشاعرها اللحظه ذي قطع عليهم صوت الباب تنهد ياسر وتوجه للباب وفتح حصل غلا معاها صحون دخلت وسلمت على لانا : خذو هالصحون فيها غداء من أمي تقولك أنتي عروس لاتتعبين نفسك أبتسمت لانا وأخذتها منها : ياروحي عمه ماتقصر حبيبتي وقلبي هي
أبتسم ياسر وهو يشوف علاقة أمه في لانا كيف حلوه وكيف أن الانا تحب امه وتحترمها وتقدر أهله وتعجب منها في كُل يوم كانت قادره تعجبه أكثر
"""""""""""""""""
عند راكان الي توجه للدوام وهو شبه مصدع مانام زين أمس كان سهران مع سليمان وخالد وسالم ضحك على نفسه وقال هذا هم عاطلين ونايمين وانت اكلتها دخل مكتبه ورفع نظره للروز الي دخلت : السلام عليكم استاذ راكان
راكان: وعليكم السلام روز تفضلي
روز: الشركه******* يبون يجتمعون معك
راكان: حلو عادي ارسلي لهم موافقه
روز: أي يوم يمديك؟
راكان: عادي اليوم الساعه ٤ العصر بس بتكوني موجوده؟
روز بتعجب: دوامي يخلص ٢ الظهر بعد ساعه ليش تبيني أتواجد؟
راكان: ياليت أذ تقدرين لان ماأثق في غيرك رفعت نظرها روز له وجت عينها في عينه وأرتجف قلب راكان وهو يحس بشعور غريب أما روز خرجت وهي ماسكه على قلبها لا لا روز ذا مدريك ذا اخو صحبتك عنده عيال لاتقعين تكفين ياروز تكفين زفرت بضيق وتوجهت لمكتبها وشافت جوالها يدق وكانت يارا ردت بضيق: هلا يروش حبيبتي
يارا: شفيه صوتك متضايقه؟
روز بتنهيده : أقدر أقابلك؟
يارا: اي اصلا دقيت عليك عشان اقولك انا في مطعم قريب من المكتب حقك
روز: تمام بااخذ أذن وأجيك رسلي موقعك
يارا: تمام يقلبي أنتظرك توجهت روز تقفل مكتبها وأخذت كل اغراضها ودخلت مكتب راكان الي رفع له نظرها ناظرت فيه وتكلمت عندي مشوار ضروري عادي اطلع؟ راكان بعد تفكير : اطلعي بس ساعتين واحتاجك
هزت راسها بمعنى تمام وتوجهت للمطعم عند يارا الي تنتظرها وصلت روز وشافت يارا وراحت لها : يروش وحشتينييي يارا وهي تبادلها الحضن وحشتيني أكثر يروحي شفيك اهرجي طلبت الاكل يلا ناكل وننبسط ونسولف
روز: أهخ يايروش تدرين أني مالي بالحب ولا طاريه صح ولا؟
يارا: صح لايكون جاء الي وقعك؟
روز: للاسف ووقعت بقوه بس جالسه أنكر هالشعور لانه صعب
يارا بحماس: اخيرا شفت اللحظه ذي ليش تنكرين الحُب حلو مع الشخص الصح والله حلو اسمحي لنفسك ولاتصعبين حاجه لك بعدين ليش صعب؟
روز: قلتيه الشخص الصح انا وقعت بشخص مرا لا لا
يارا: مين مين؟ اعترفي
روز بخوف: راكان
يارا بعدم أستيعاب : راكان مين أماااا اخو لانا؟
روز: للاسف يايروش للاسف
يارا: طيب ليش صعب؟ خلاص طلق زوجته وانتهى كل شي
روز: وش الي انتهى وهو عنده عيال شلون اصلا بيتقبلوني؟
يارا: اوف في ذي صادقه وش بتسوين؟
روز وهي تتنهد : وش بسوي بقفل عليه بقلبي وأطنش مشاعري المهم يلا بروح عندنا اجتماع يلا مع السلامه قلبي
يارا: في أمان الله واي شي يصير انا موجوده وتطمني بيننا الكلام ذا
روز: متطمنه يقلبي وراحت روز مع هواجيسها الي ماتدري وش بيصير
"""""""
عند يارا الي جلست لما بعد العشاء ورجعت للبيت وقفت سيارتها وجت تنزل وشافت تميم واقف ينتظرها توجهت له وهي قلبها يدق بكل قوه وكانت مستغربه وجوده هالساعه وكيف ومتى جاء من عمله تقدمت له وقالت بصوت كله حنيه: أخيرا جيت
تميم بصوت هادي: جيت وجابني الشوق صوبك يارا برجفه رفعت عيونها لعيونه وجلست ساكته تتأمله هي وقلبها الي سيطر عليها بالحُب ذا أما تميم كمل كلامه: هالعيون الي أحلى من عيون المها شلون ماتبين قلبي يحبك؟
أرتجف قلب يارا وهي تشوفه كذاً وقالت: والله أنك حبيب هالعيون وغيرك ماتبي شوفه أبتسم تميم ومد يده لجيبه وطلع علبه صغيره وأعطاها ليارا الي اخذتها ودخلت البيت وتميم أنتظر دخولها وأبتسم وقال: والله يابنت سعد ماتروحين من يدي وتوجه لبيت أهله الي دخل وحصلهم متجمعين فزت وسن بصراخ : تميم جيتتتت والكل فز معاها وهم مشتاقين لولدهم الي طول عنهم بدون اي خبر أما عند يارا الي سلمت على أهلها ودخلت غرفتها وفتحت العلبه وفيها خاتم على شكل نجمه وكرت مكتوب عليه أنتي نجمة سماي أبتسمت بكُل حُب وحطت يدها على قلبها الي يكاد يخرج من كثر المشاعر
"""""""""""""""""""""""""""""
عند نايف وذياب الي وصلو البيت ودخلو وهم يقولون ياأهل البيت مافيه أحد يرحب؟ فز الجد وعياله على هالصوت وأنبسطو يوم شافو نايف وذياب قدامهم والكل فز يحضنهم ويسلم عليهم أما سلمى الي وهي متلهفه على أخوها لبست عبايتها وطلعت تصرخ تحت انظار الكل ومن ضمنهم سعيد وعياله الي غضو بصرهم اما سلمى مااهتمت لهم وحضنت اخوها الي سحبها للداخل : ورعه وش بلاك ناسيه ان فيه احد؟
سلمى: ماعلي فيهم طلعت متحجبه وبعدين وحشتنييي
نايف وهو يضمها : وحشتيني أكثر يابعدي وبعذرك على هالحركه وضحكت سلمى اما الجد علي قال: مارح تعقل ذي البنت والله مارح تعقل والكل ضحك
سعيد: زوجها وتعقل مع زوجها
علي: ياخوفي ينجن معاها وضحك الكل عليها أما فهد أبتسم وهو منبهر بشخصية سلمى ضحك على نفسه ودخل للمجلس وذياب دخل عند امه واخته سلم عليهم ورجع للمجلس ونايف توجه يتروش ولبس ملابسه واخذ مفتاح السياره وتوجه لحبيب الروح ياسر عند ياسر الي جالس ينرفز لانا وهي تتابع مسلسلها وقفت: ياسر وبعدين ترا بتنطرد
ياسر : متاكده أنطرد؟
لانا: اي تنطرد ومعاها كف بعد
ياسر: قدها يابنت مسعود؟
لانا: قدها ياولد جابر وفزت يوم شافته واقف ويقرب منها لما وقفت عند الجدار وهو قريب منها جداً كان يبي يخوفها لكن ماقدر وباسها وخل لانا ترتجف رجف حاولت تبعد لكن ماقدرت كان هو أكبر منها وأقوى أستسلمت له لكن أنقذها الجرس الي دق أبتسم ياسر وبعد عنها وراح يفتح الباب وشاف حبيب روحه نايف حضنه وهو مشتاق له اما لانا راحت للغرفه وهي قلبها يدق بكل قوه وتحس بمشاعر غريبه جداً أبتسمت وهي تشوف وجها أحمر وسمعت ياسر ينادي عليها نزلت لهم ووجها قالب أبتسم ياسر وهو يشوفها مستحيه ولاتناظر فيه ضحك نايف وسلم عليها وهي راحت تجهز القهوه لهم نايف بضحك وغمزه: شكلي خربت حاجه
ياسر باأبتسامه: قلت لك أنت مخرب اللحظات السعيده ضحك عليه نايف وغيرو الموضوع على دخول لانا الي أبتسمت: اي نايف كيف الدوام؟
نايف بتكشيره: كرف وربي كرف لكن لنا الله وانتي كيف الزواج ؟
لانا: حلو الحمدلله بس الخبل الي جنبك تعبني
ياسر بتعجب: انا صرت خبل الحين؟
نايف بضحك: واحلى خبل بحياتي المهم يلا بروح معاد اشوف الدرب بنام
ياسر: تمام يلا تقلع وطلع نايف وهو يضحك عليه أما ياسر ناظر في الانا الي فزت وراحت للغرفه وهي تقول بنام لاتزعجني ضحك عليها وجلس وهو خلاص وده يعترف معاد يقدر يخبي حُبه أكثر من كذا اما لانا مسكت قلبها ونامت وهي تتذكر الموقف الي صار دخل ياسر وجلس يتأمل فيها لما نام وعند سلطان الي كان يناظر في مي بزعل لانها تعبت ولاكلمته وطنشت
مي : يخي سلطان خلاص عدت الحمدلله
سلطان بزعل: تخيلي ماعدت تخيلي صار شي؟
مي: خلاص يقلبي وعد مني معاد اكرهاا ترضى الحين ولاكيف؟هز سلطان راسه بمعنى لا وجاء يتكلم لكن سكتته قُبلة مي وأبتسمت وراحت أما هو ذاب من حُب مي وحركاتها وتوجه للنوم بعد المشاعر الحلوه الي جت له
""""""""""""""
في يوم جديد قرر الجد علي يروحون يكشتون يومين وقام يصحي الكل دخل على العيال بالمجلس: قومووو لاصلاه ولاعباده انتم كيف تبون التوفيق؟
نايف بصوت كله نوم: يبه تكفى نبي ننام تعبانين
الجد علي بصراخ: قوممم انت وهو قم لكم ثلاث دقايق لو ارجع احصلكم نايمين مايصير لكم خير هذا انا حلفت وطلع قامو العيال بكسل وكالعاده تهاوشو على الحمامات والي فاز فهد تنرفز نايف وتوجه لغرفته الي فوق وودخل الحمام حقه أما عند الامهات قامت الجده نوره ودخلت على وجد وسلمى وداليا : قومو انتي وهي لاصلاه ولاشغل قومو قبل أصفقك انتي وهي بسرعه يلا ورانا طلعه وبصراخ أعلى يبنات قوموو يلا قامت داليا وراحت للحمام أما سلمى جلست تهاوش: خلاص يخي خلونا نرتاح اوف
الجده نوره ضربتها بعكازها : انتي ولاحرف والله لو ماتقومين ياسلمى
سلمى: خلاص ابشر بقوم وقامت هي ووجد ويضحكون على حالهم وانتبهو ان داليا طلعت من الحمام وركضو الثنتين وكل وحده تصارخ لما صرخت الجده: صوتك انتي وهي لايطلع العيال بالمجلس سلمى بصوت واطي: ياذا العيال الي كنهم مايعرفون صوتنا وجد ضحكت عليها وسمحت لها تدخل قبلها وخلص الكل شغله وجمعهم الجد بالصاله : انا صحيتكم بدري نبي نروح نكشت كم يوم دام الاجواء صارت حلوه وقبل الدراسه لذالك جهزو كل شي وانت يانايف كلم اخوانك نحرك كلنا ٣ العصر وقام الكل يجهز وهم متحمسين للطلعه هذي خصوصا البنات الي كانو طفشانين جداً جهزو كل شي وطلعو للسيارات التقسيم كان في من بيت الجد طلع ٣ سيارات بس
سيارة نايف/ فهد قدام والبنات وجد وسلمى وداليا
سيارة ذياب/ سعيد والجد علي والجده نوره ومزنه
سيارة جمال/ منيف وطلال
"""""""""""""""""""
بيت جابر كلمهم جابر والكل جلس يتجهز عند لانا خلصت ملابسها وملابس ياسر وجهزت نفسها ونزلت وحصلت الكل تحت كان جابر يقولهم نطلع بسيارتين بس ووافقو وكان التقسيم سيارة ياسر معه سلطان ولانا ومي وغلا
وسيارة سعود معه امه وابوه وسلمان وزوجته وولدهم صقر وحركو كلهم
"""""""""""""""""""
بيت مسعود كانو بثلاث سيارات مسعود أخذ سيارته ومعه زوجته فاطمه وولد راكان سامر وسليمان أخذ سيارته ومعه جود وشجون وسلطان اما سالم اخد سيارته ومعه خالد
"""""""""""""""""
وصل الكل للمحطه نقطة التجمع ألتفت ياسر للأنا : حبيبي تبين شي؟
فز قلب لانا وأبتسمت: اي برسلك الاشياء سناب وأبتسم لها ونزل أما سلطان ضحك عليه ونزل فزت لانا من صراخ مي الي تقول: واووو حبيبي أجل
لانا بضحك: فكيني منك تكفين مو وقتك وضحكت عليها مي عند سلطان كان يجري لياسر وقال: حبيبي تبي شي؟ ويغمز له ضحك ياسر وتركه وعند نايف وذياب جالسين يتهاوشون مين ياخذ اخر حمضيات في الثلاجه
نايف: ياورع استحى على وجهك وأتركه لي
ذياب: أذلف ياشيخ مافيه أنا قبلك
نايف : كذاب انا قبلك وسكتو يوم شافو طلال يشرب فيه ويجري يضحك وفزو الاثنين وراه ويصارخون والباقين يضحكون عليهم واخيرا طلال شاف تميم وركض خلفه: أنا في وجهك ياتميم تكفى تكفى بعدهم عني
تميم بضحك: في وجهي ماتقدرون تلمسونه والله
نايف بعصبيه: تميم تقلع من قدامي
تميم: اوف نيف معصب وش مسوي ياطلال؟
ذياب بعصبيه: اخر حمضيات في البقاله شربه وحنا نبيه ضحك تميم وناظر لطلال الي قال: كانو يتهاوشون عليه وسويت خير لهم وشوبته مالي دخل
تميم بضحك: والله الاثنين ذا كل شي يتضاربون عليه ماتفرق وعافيه عليك قطع عليهم عامل البقاله الي يجري: هي صديق انت ادقع حق حمضيات
طلال: ياليل مابسرقك حنا بهوشه كنا وضحك الكل عليهم وركب نايف السياره وكل ذا صار تحت أنظار وسن الي كانت مشتاقه لنايف شوق كبير ضحكت وهو تشوفه كيف يبي الحمضيات وناظرت في الحمضيات حقها وأبتسمت وعند سليمان توجه لسيارة ياسر ودق الشباك فتحت وكانت غلا عند الشباك وبالنص لانا الي قالت: حبيبي انا هنا لاتلخبط ذي غلا ناظر سليمان في غلا وأبتسم وقال: عارف يقلبي كيفك يبعدي وحشتيني
لانا: الحمدلله حبيبي وحشتني اكثر كيف السياره بدوني؟
سليمان بضحك : تجنن انا وجود اخذنا راحتنا بدونك ونشغل بكيفنا
لانا: خير قليلين ادب بس انت وجود؟
سليمان: شجون معنا اخذت مكانك
لانا: تطورت شجون بعدي
سليمان: مرا يلا بروح انا بنحرك وناظر لغلا وأبتسم لما وضحت غمازته وعند غلا كانت تتأمله لما راح مسكت قلبها وهي كل يوم الحُب يزيد شافتها لانا وأبتسمت وتدعي ان ربي يكتب بينهم نصيب زي ماجمعها بياسر ورجع الكل لسيارته وتوجهو للكشته وصلو اخيرا ونزلو الاغراض وراحو الرجال يسوون خيمه وبعد ماخلصو شغلهم جلسو كلهم عند وسن قامت يوم شافت نايف راح توجهت له وقالت بصوت خافت: نايف
نايف وهو مايدري مين يناديه: لبيه وأنتبه يوم عرف انها وسن واستغرب
وسن مدت يدها وفيه حمضيات وقالت: خذه بالعافيه
نايف باأبتسامه: شدعوه لا خليه لك عادي انا بعدين
وسن: لاوالله أن تاخذه خلاص عاد تردني؟
نايف: يخسى الي يردك والله مشكوره ومد يده أخذ منها الحمضيات وراحت هي أبتسم وحلف أنه أحلى حمضيات بيشربها في حياته رجع للرجال وصرخ ذياب : ورع من وين لك الحمضيات ؟ فز نايف برعب من صراخه وقال: عمى انت وصوتك ذا بعدين مالك دخل وضحك عليهم تميم وهو تعود عليهم
الجد علي: بس انت وهو بس تتهاوشون ازعجتوونا
ذياب: نايف يرفع الضغط والله
نايف: والله مايرفع الضغط الا انت تقلع
الجد علي: كلكم تقلعو يلا وضحك الكل على نايف وذياب الي قامو وهم يتحلطمون وجلسو بعيد عنهم ضحك ذياب بصوت عالي ونايف يناظر وهو مستغرب : لا أنجنيت رسمي أنت؟ وشبلاك تضحك فجاه
ذياب بضحك: يخي أحبك دائما نتهاوش بس ننطرد معبعض
نايف بضحك: حبيبي اموت فيك يخي انت وانا واحد
طلال وهو جاي: لا صارو حبايب وشصار بالدنيا يعيال؟ ناظر ذياب فيه بطرف عين: أنت ولا كلمه ترا للحين فاقع كبدي انت وحركتك
خالد بدفاع: اسكت الا طلال هاا
نايف: جاكم الثاني مو عشانكم درستو معبعض برا تسوون فيها
ذياب: صادق حنا تقلبنا معبعض ضحك الكل عليه وهم عارفين ان قصده دورتهم في العسكريه

"أستغفرالله "
طولت عليكم حبايبي بس تعرفون وقت اجازه وحوسه لذالك أعذروني وقراءة مُمتعه❤️