أنت داري ودياري

بارت 23

في يوم جديد قامت الجده على البنات وهي تصارخ عليهم يقومون وقامت سلمى بعصبيه: يايمه خلاص تكفون لابيت ولا بر تخلونا ننام زين وسكتت يوم هبدتها عصاية أمها وقامت وهي تتأفف وقامو البنات يصلون ويجهزون الغداء بما أنهم قامو متاخرين عند لانا قامت وهي تحس الدنيا اليوم قافله بوجهاا خلصت صلاتها وتعوذت من الشيطان وطلعت رايحه للبنات ودخلت عليهم بهدوء تام ناظرت لها جود وهي عارفه هدوء لانا من الزعل مايطمن ابدا تنهدت وهي لو بيدها تصالحهم اليوم قبل بكره لكن مابيدها اي حيله لهم
أخذت سلمى الغداء وتوجهت للعيال وفز لها ياسر: هلا بعمتو الحب هلا هلا
أبتسمت سلمى: متاكد انا الحب ولا الي بيدي؟ وضحكو العيال وهم يعرفون ياسر وقت الجوع وجلسو كلهم على الغداء الا لانا ومي الي جلسو بالخيمه حقتهم ومي نفسها تقلب عليها وهي خلاص معاد تتحمل الوجع والغثيان
لانا: تعبانه مره؟ مي هزت راسها بمعنى اي وهي حتى الكلام ماودها
لانا: روحي المشفى يابنت ممكن الجنين فيه شي او حاجه ماتدرين بنادي لك سلطان وقامت متوجه لخيمة العيال الي خلصو الغداء دخلت لانا وبصوت خافت: سلطان ناظرو الكل لها وفز لها سليمان : شفيك؟ فيه شي وش تبين؟
لانا: خل سلطان يروح لزوجته مره تعبانه فز سلطان وطلال وراحو لمي الي جالسه تبكي من الوجع دخلت عليهم نهى زوجة ابوها ولبستها عبايتها وقالت ليوسف انها بتروح مع بنته اما البنات جلسو يدعون لمي ويخفف عليها عند لانا راحت تمشي مع سلطان ولد أخوها : كيفك وكيف قلبك؟
سلطان: أهخ يالانا والله ملخبط مره تصرفات أمي ماهي بتصرفات تحب سامر على جود وأشوف حزن جود الي تحاول تخفيه والله مو عارف وش ممكن أسوي ولا أبي أروح عند أبوي وأقوله لان الي فيه مكفيه ومحتار
لانا بحنيه: أسمع ياحبيبي أمك هذي هي أفعالها ومن زمان قبل تطلق وهي تحب سامر أكثر من جود يعني ماهو شي جديد على جود وربي يعوضها ويصبرها أما سالفة ركون لاتقوله أنا موجوده وقت تحتاج شي أما ابوك تعرف ان ابوي يبي يزوجه لذالك ابي انا وانت نصارح سامر وجود معبعض
سلطان باأبتسامة : الله يخليك لي والله أنك مو عمه الا أخت لي وأكثر وتم
لانا أبتسمت بحب وحضنته وبعدها رجعت للبنات ناظرت لجود الي تقول: وش هالحب مع سلطان خير ضحكت لانا عليها وتقولها تغارين تغارين وجود تنكر غيرتها عليها والبنات يضحكون عليهم قطع عليهم غلا الي تقول لصبا : يقولك ياسر يبي قهوتك في خاطره من زمان فزت صبا بكل حماس وحب: والله يبشر لها هو يطلب وانا من عيوني والله أحترق قلب لانا الي حست الكون كله يحترق زوجها وتقول قدامها كذا رفعت نظرها ليارا الي تناظرها وهزت براسها بمعنى خلاص والله خلاص قامت يارا واخذت لانا وطلعو يمشون أما لانا سمحت لدموعها تنزل وبكل قهر : أكرهه أكرهه مافكر حتى بشعوري يارا مافكر فيني مافكر حتى ماكلف نفسه يعتذر يقول هذا موضوع بيني وبين أختي وشهقت شهقة قهر وووجع من حُبها له
عند صبا سوت القهوه وطلعت مع غلا وتوجهو لنايف وياسر الي جالسين بعيد والجو غيوم وفيه رُشاش من المطر مدت يدها صبا واعطتهم الاكواب حقتهم أبتسم لها ياسر اما نايف قال: مشكوره وانا خالك ابتسمت صبا: العفو خالي العزير وضحكت عليهم غلا وجلسو يناظرون للي تحت ويمشون رفع نظره ياسر وهو يشوفها تمشي وعيونها محمره استغرب وش ممكن فيها رفع نظره لسليمان الي جاء وقال: اجلس ولا ماتبوني؟ نايف بمزح: محد يبيك انقلع ضحك سليمان وجلس بعناد ورفع نظره لغلا: العذر والسموحه منك يابنت العم على كلامي واعتذر منك قدام عمك واخوك والله انه ماهو شك فيك لكن وقت غضب وغضبي مثل ياسر مااعرف وش اقول وقته
أبتسمت غلا وهي راضيه عليه جداً: مسموح ياولد العم لاتعتذر معليك
أبتسم سليمان وكان يسولف مع ياسر وهم يضحكون قطع عليهم جود : سليمان لانا تبيك عند سيارتك فز سليمان وتوجه لها: شفيك وش تبين؟
لانا وهي تعدل صوتها عشان مايبان انها تبكي : ابيك تروح البقاله عندي اغراض ناقصه سليمان الي استغرب: طيب ليش ما تقولين لياسر مو زوجك؟ لانا بنرفزه : خلاص ماابي لاتجيب لي دامني ثقيله وراحت وتركته مستغرب منها اما لانا جلست تبكي اكثر وهي تحس الكل مستثقلها وتاركينها فتحت الملاحظات تبي تطلع الي جواتها  وكتبت"كم أنا مُتعبه ومُرهقه ومُحطمه حقا أريد أن أشكو ولكنني لا أستطيع لاأعرف ماذا أقول وكيف أصيغ أحرفي كُل شي يؤلمني عائلتي أصدقائي حياتي جميعهم يمزقونني يجبروني على الهروب على أفكار لاأريدها أجلس بمفردي أبتعد عنهم وعن وجعهم فاأنني لا أحتمل مجدداً" وسمحت لدموعها تنزل لعلها تخفف النار الي جواتها رفعت نظرها لياسر الي يلعب مع العيال كوره وهي بخاطرها
قبل اعترف بحبي لك كنت اتعذب ويوم اعترفت بحبي لك تعذبت أكثر معقول مابرتاح في غرامي لك؟ تنهدت وهي تحس الدنيا ضايقه عليها جداً قطع عليها الكوره الي وقعت براسها وضحكو العيال أما لانا جلست ساكته تناظر لهم فز لها نايف : لا غريبه ماقمتي تصارخين علينا متاكده انتي لانا؟
لانا قامت وتركته والكل استغرب من حركتها اما سالم يطقطق على نايف وبعد مرور ساعات رجعت مي ونهى وجلسو كلهم معبعض بعد ماتطمنو على مي وقالو اوجاع طبيعيه بما انه الحمل الاول لها ودخلو الحريم والرجال للخيمه والبنات والعيال جالسين قام نايف : يلا عيال نلعب كوره وفزو العيال وتقسمو فريقين وجلسو يلعبون تحت انظار البنات وبعدها صار فريق للبنات وفريق العيال ضد بعض وكانو يلعبون بكل حماس وضحك الا لانا الي كانت جالسه عند النار وتناظر في لهيب النار الي يشبه لهيب صدرها تنهدت وجلست تكتب على التراب بشكل عشوائي عند ياسر كان يلعب معاهم وبعدها وقف من رجله الي ألتوت وكانو متجمعين عليه وقالهم : خلاص كملو لعب وجلس يناظر لهم وبعدها ألتفت لها ناظر فيها وقلبه يدق بقوه من المشاعر الي جت عليه تنهد وهو مو عارف وش يسوي معاها قام وتوجه لها جلس قدامها عند لانا رفعت نظرها يوم شافت ظل شخص يجلس قدامها وقريب منها ناظرت لعيونه وأرتجف قلبها من نظراته لها همس في اذنها: تمشين معي؟ ناظرت فيه وهي مو عارفه وش تسوي هزت براسها بمعنى اي قام ومد يده لها ناظرت ليده الممدوده ومسكتها وارتجف قلب ياسر من المشاعر الي يحسها كانو يمشون بلا اي هدف والهدوء يعم المكان تنهد ياسر يوم حس رجله توجعه اكثر فزت لانا بخوف: شفيك وش يعورك؟
ياسر: رجلي يالانا رجلي وبصراخ وألم وضعف نادي لي العيال ناديهم
فزت لانا تركض للعيال وتنادي بصوت عالي فزو لها العيال وراحو لياسر الي يتألم بشكل مو طبيعي ركض له سعود : ياسر تقدر تمشي ولانشيلك؟
ياسر بوجع : مقدر ياسعود مقدر تقدم نايف وسعود وسليمان ومسكوه واخذوه تحت صراخ امه وخوفهم عليه أما ياسر رفع نظره ووقعت عينه عليها كانت واقفه بعيد عنهم ومغطيه اذنها وعيونها مليانه دموع نزل راسه وهو محروق عليها اخذوه العيال للمشفى وبعد ساعات رجعو وطلع كسر برجل ياسر الي كان زعلان مره توجهت له أمه : ياولدي احمد ربك جت على كذا لاتعترض
ياسر : اللهم لااعتراض الحمدلله على كل حال وضحك يوم شاف غلا تجري له وتحضنه وبخوف: خوفتنا عليك ابتسم لها بحنيه ويطمنها عليه قطع عليهم لانا وجابر الي جو معبعض جابر: سلامتك ياولدي والحمدلله على كل حال
ياسر الله يسلمك يايبه وناظر للانا الي قالت بصوت خافت: سلاماااات
ياسر : الله يسلمك ورجع يسولف مع اهله اما لانا حست بخنقه مو طبيعيه وودها تروح تحضنه وتبكي بحضنه لكن الحال مايسمح لها رفعت نظرها لصبا الي تقول: والله جلست اشاهق من الخوف عليك حيوان احسني انا السبب لمى بااستغراب: ليش انتي السبب شسالفه اصلا كيف انصبت؟
غلا بضحك: كنا نلعب كورة طائرة وفجاه نايف رمى الكوره بقوه وكانت بتوقع بوجه صبا نط ياسر ووقعت فيه وشكل من نطته التوت رجله وضحكت عند لانا حست انه خلااص قلبها بيوقف من كثر النار الي فيها وحست ان عيونها يتفضحها قامت وقال جابر: وين رايحه يالانا مابتجلسين مع زوجك؟ وناظر الكل فيها اما لانا كانت تحاول تمنع دموعها وقالت: انتو عنده وصبا موجوده وراحت وتركتهم مستغربين اما سعود ابتسم لياسر الي عرف انها غارت عليه تنهد وبعد ماقامو اهله قال لغلا تنادي لانا له توجهت غلا للانا الي جالسه مع سالم وسليمان ويضحكون ويمزحون معبعض قطع عليهم صوت بنت: لانا رفع نظره سليمان بنص ابتسامه وغلا توترت منه
لانا ناظرت لها بمعنى هلا كملت كلامها غلا ياسر يبيك وراحت تحت انظار سليمان وضحك عليه سالم اما لانا تمنت انها تطنش لكن هو تعبان قامت وهي ترجف مو قادره تروح له فيها خوف فضيع وتوجهت له وشافته يناظر لها وجلست عنده : هلا قالو تبيني أبتسم ياسر وهو يشوفها تكابر رغم خوفها عليه قال: بتتركين زوجك التعبان؟ لانا بنرفزه: زوجي عنده بنت عمه تساعده بكل شي ضحك ياسر بصوت عالي ومو قادر يوقف اما لانا تنرفزت وجت تقوم لكن مسك يدها : لاتتركيني أبيك معي ماهمني لابنت عمه ولاغيرها دام زوجتي معي والعذر والسموحه منك على كل شس سويته أرتجف قلب لانا وهي خلاص دموعها خانتها ونزلو استغرب ياسر سكوتها لف وجهها له وانصدم من دموعه حضنها وهنا انفرجت لانا بكاء كانت تبكي غيرتها تبكي بعده عنها تبكي خوفها من فقدانه كان يشد عليها بحضنه كلما زادت دموعها سمح لها تنهار في حضنه وهو يمسح على ظهرها ويقول بكل قهر: لاتبكين مني لاتبكين والله انك حبيبة ياسر لاتبكين وتكسرين هالقلب عليك وبعدها بفتره هدت نفسها وبعدت عن حضنه ناظر فيها باأبتسامه اما لانا توترت منه وقالت: لاتناظر فيني خلاص ضحك ياسر : اجل في وش اناظر ياحبي؟ لانا بضحك: خلاص انقلع بروح واترك فز لها ومسكها مع خصرها والله ماتروحين اجلسي معي وبعدين رضيتي خلاص؟ لانا جلست وصار ظهرها بصدره لفت وجهها له: أحد يزعل من ياسر ؟ لا طبعا بعدين حركاتك مع صبا اتركها قبل احرقك ابتسم ياسر: ليش تغارين علي؟! هزت راسها بمعنى لا وضحك عليها وهو ميت عليها جداً وبعدها بفتره نام وراسه على فخذها وهي تلعب بشعره وتناظر ملامح وجهه قامت وغطته وراحت تنام بمشاعر راضيه جداً وفي يوم جديد قامو البنات بعد ماقالو لهم انهم راجعين البيوت جهزو كلشي وتقسمو بالسيارات عند يارا كانت اخر وحده وقطع عليها تميم الي قال: عجلي بالرد ياحبيبة هالقلب ترا تميمك معاد فيه صبر أبتسمت وهي تسمعه يقول انه لها وقالت: ياتميمي اصبر بعد الصبر بيكون فيه اشياء حلوه ابتسم لها وهو وده يحضنها ولاهمه احد بس تعوذ من الشيطان وركب سيارته وعند لانا توجهت لسيارة ياسر وركبت وهي تشوف سلطان يسوق عشان ياسر مايقدر من رجله سكتت وهي تشوف صبا ركبت معهم عشان بترجع مع غلا وقالت بصوت كله دلع: ياسر خذ اشحن جوالي
ياسر بصوت عالي: طيب اعطيه زوجتييي تعطيني هو أبتسمت لانا وهي تسمعه يشدد على كلمة زوجتي واخذت جوال صبا ومدت يدها له مسك يدها وباسها قدام الكل وضحك اما لانا من الحياء الي جاها حتى نفسها مايطلع ضحكت مي عليها اما سلطان ابتسم وهو مبسوط انهم تصالحو ومسافة الطريق والكل وصل لبيتهم عند لانا خلصت ترتيب بيتها وبداخلها شعور حلو وهي تعيش امنيتها طلعت للصاله وشافت ياسر جالس وواضح عليه الضيق جلست قدامه وبصوت كله حنيه: ليش الضيق شفيك ياحبي؟
ياسر بتنهيده: عند مُهمه في اليمن حتى ورجلي كذا طلبوني وانا ماابي اروح
لانا بضيق: متى المهمة؟ ناظر لها وهو مقهور يبي يجلس معها: بكرا لازم امشي من هنا وبعده نروح تنهدت لانا بضيق وهو ماتبيه يروح ماتبيه يتركها لكن ماباليد حيله ناظرت له وهي شوي بتبكي فز يوم شاف عيونها تلمع واخذها بحضنه وقال بكل حنيه: لاتبكين لاتكسرين ظهري تكفين لاتخليني احرق عملي واتركهم عشان دموعك لانا بنفس: لا معليك اهم شي عملك
وبعدت عنه ومسكت وجه وقالت بكل حب: حبيبتك بتنتظرك تاكد اني وراك انتظرك بكل حب مارح أطفش من انتظاري دام انظاري ماوراه الا جياتك
أبتسم لها وجاء يتكلم لكن قطع عليه بوستها الخفيفه على مبسمه وحضنته بكل حُب وبعدها قامت تجهز شنطته وهو يناظر فيها وقال: لو يصير لي شي لاتاخذين غيري يالانا فزت لانا بخوف: ياسر لاتقول كذا لاتقوله مابيصير فيك شي ان شاءالله أبتسم لها وقال : بس قلت لك لو صار لاتروحين مع غيري لاتسمحين لواحد غيري يقرب منك لاتكونين حلالي غيري مهما صار لانا وهي تطمنه: انا انتظرتك ٩ سنين ظنك بيحصل علي شخص غيرك؟ لاوالله يا ياسر أنت وبعدك ولا أحد بيكون حلالي أنت وغيرك لا تطمن هالقلب مايهوى شخصين والله يحميك ويخليك لي تكفى لاتقول كذا لاتقوله
أبتسم لها وتقدم لها وهو ناوي أنه معاد يزعلها ابدا ويبيها تكون أم عياله
وبعد كم ساعه تقدم لها وحضنها حضن شديد وطبع بوسته على خدها وراح يسلم على اهله وتوجه للمطار اما عند لانا راحت تصلي الوتر وتدعي ربها يخلي له ياسر ويرده لها قامت وهي تحس بطفش وقررت تنام وتقوم من بدري عشان تكلم صحباتها يجون عندها تذكرت كل شي صار مع ياسر وابتسمت بكل حُب ونامت وهي تدعي انه الله يخليه لها

"أهلاً ياحلوين أدري طولت عليكم ادعو ان ربي ييسر أموري
ويفرجها علي❤️"