انــتــقـام غَــيــاهــب

مشاهد

مَشاهد
ــــــــــــــــــــــــــــــــ
الكل وكف وبالعين لساناتهم منتضرين دخولها فجأة رن بمسامعنا صوت طكه كعبها طبت بلبسها الرسمي الاسود والنار تجدح بعيونها تقربت للجد فهاد وموجها اصبعها السبابه بتحذير

ـ اذا صار عليها شي امحيك انتَ وكل نسلكم.  لاتضن اسكتلكم
ـــــــــــــــــــــــــــــ
مَشهد

طبت وهيه كتله من نار بوجها جرت شعرها وهيه تهز بيها يمين ويسار ومن قوة الراشديات صار طبع ازرك مو احمر
وهيه تهدد كالت
ـ خل اشوفج مندكه بأمي لاوحق. الراح وكسر ضهري بروحته اندمج اخليج تبجين دم.

ـ تهدديني؟

ـ جؤ كُلي افعال مااهدد اني
ــــــــــــــــــــــــــــــ
مشهد

وكفت بوسط. الصاله والدموع بعيونها تلمع ونضراتها تحجي كسرانها وخيبتها والالم العاشته حجت بصوت مبحوح وبكل كره تباوع. لواحد واحد. بقرف

ـ حسافه بيكم حسافه انتو اهلي حسافه
اتعب الكم قدمت الكم كلشي من الحلو
قدمتولي بس المر واللوعات
اكرهكم كلكم وكرهت نفسي وكل شي بيه
رفعت المقص لشعرها الاسود. الواصل جوة الورك

كد ماجانت تحبه ومهتمه بي بأيدها كصته
نزلت خصلات شعرها للكاع وتباوع ببرود
عكس نار كلبها وروحها
ــــــــــــــــــــــــــــــ

مَشهد

كُلنه واكفين منتضرين شنو الراح يصير طب واحد من ولد عمها لازمها من شعرها ويسحل بيها ووجها ازرك كله كدمات شمرها يم رجل الجد فهاد ضحك الجد فهاد بأستهزاء وهو يباوع الحالها

ـ اضن نهايتج قربت يبنت الدليميه الغريبه
صاح لواحد من الولد الواكفين على سلاح جابوله

ـ تشاهدي بساع

ـ بسقت الدم من حلكها ورفعت نضرها اله وهيه ممهتملتله وكفت بكل شموخ وهيه تجاوبه

ـ اثبتلي انته كد هالشي الراح تسوي

ماحسيت الا صوت طلقه رنت مسامعنا رن

ــــــــــــــــــــــــــــــــــــــــ
مَشهد

هوسه وبجي ولطم وصريخ اطفال وصوت بجي ام كلبها محروك على ضناها الراح
سمعنه صوت سيارات ونفتحت باب الساحه
طبو الزلم وعلى اكتافهم التــابـوت
من بين كل هالهوسه ماشفتها مجنت ادري باللي رح تسوي ومن هنا يبلش. (انــتـقـام غَــيــاهـب )