انــتــقـام غَــيــاهــب

البارت الثاني والعشرون

‏أنا الغاثهُم وأنا المبَچيهُم الرَاحو والأجَوا ما مِعترف بيهُم عابرهُم بَعِيد بضَهري خَل يَحچون الحِچو والماحِچو طُز بحَچيهُم .

"""""""""""
غياهب: راحو بيت جدي واهل السند هم كمت عزلت البيت اباوع للسند ابد مو على بعضه تجاهلت الموضوع كملت شغلي وصعدت للغرفه شوي واجه وراي طلع الجنطه وبلش يحط بيها ملابس وفلوس واحتياجاته اباوعله ساكته
كمت تغطيت وتمددت اباوعله ماحسيت الا واني غافيه فزيت باوعت الساعه ب 3 ونص الفجر درت وجهي اباوع السند نايم بصفي كمت نزلت جوة افتر والملم
طبيت سبحت وتوضيت وصليت
صارت ب 4 صعدت كعدت السند
كام يسبح واني نزلت احضر الريوك
حضرته اجه السند ناكل وساكتين
محد حجه خلصنه كمت غسلت المواعين تحمحم السند وحجه يباوعلي وجهة ذبلان حيل اكثر من قبل ومن اسئله يتنهد يكول مريض
ـ غياهبي رح اروح ست اشهر لاشهر ولاشهرين ماعرف ارجع لولا
احتمال اموت واحتمال الله يكتبلي عمر بس اوصيج وصيه ونفذيها

هزيت راسي بمعنى كمل واني بداخلي احساس محلو ليش السند
دايحجي بالموت؟
ـ اذا متت اماانه بركبتج لاتزوجين
حرمتيني منج احرمي الباقين هم
رح اروح ونفسي بيج وانتبهي لنفسج ولاتطلعين ابد خاف يصيرلج شي واني مويمج ومحمد
ممنوع تختلطين بي
هزيت راسي بمعنى اي والنار تاكلني اكل اكو شي رح يصير احساسي يكول زين هالشي يخصني لو يخص السند صارت بالخمسه طلع السند وقبل لايطلع حضني حيل واني ابجي لان من صدك قصرت وياه ومامن المعقول
اكو رجال يعوف زوجته براحتها اني هملت السند وكضيتها يم اهلي
غير رجال مايقبل بس هو تقبلني
اجه اخو تحاضنو اخو بجه بس مابين هالشي صعد وي اخو وراح
طبيت جوة البيت موحش حيل
من صدك احساس محلو التهيت
اصفن ساعه وندك الجرس باوعت
بالكاميرات اخو السند كمت فتحتله
الباب طب باوعلي وباوع للبيت
ـ السند يكول اخذها لبيت جدها
لاتبقه وحدها بالبيت يخاف عليج
هزيت راسي باوعتله حجيت
ـ اتأخر لان لازم الم ملابسي
ـ انتضرج هنا ماكو مشكله
عفته وطبيت جوة صعدت فوك لميت ملابس على السريع بجنطه ونزلت طفيت السبالت والمباخر طلعت الجراح اخو السند ابتسملي
رديتله الابتسامه وصعدت وياه بالسيارة بيتي بعيد عن اهلي بساعه صعدت وهو صعد يسوق
نص الطريق باوعتله وسئلته
ـ الجراح ليش ماتزوج ؟
ـ موهسه بعد وكت
انداريتله فاكه حلكي باهته ضحك
ـ يابعد وكت غير عمرك 30
ـ اي شبيج من اصير اربعيني عود
ـ اهااا تصير شوكر دادي
ضحك بصوت عالي وهز راسه اي
ـ ترة هسه هم شوكر دادي شوف الشيب البراسك شكد
ـ ديلا تقلد على الشيب البراسي وهيه مشيبه
باوعتله وهزيت راسي بأسى غنيت
ـ تعيرني بالشيب وهو وقار
ضحك واني ضحكت وصلنه نزلت
وهو نزل الجنطه قبل لاادخل حجه
ـ بويه غياهب احنه اهلج واني اخوج بالله اي شي تحتاجي بتليفون واحد تلكيني يمج يبعد اخوج هزيت راسي متأمله حنيتهم
طلع ضرف حطه بيدي باوعتله
ـ شنو هاي؟
ـ رساله من السند ضحك وبينت غمازته صعد السيارة طلع ايدة
ـ استودعتج الله
ابتسمت هو والسند نفس الكلام
طبيت جوة صعدت الغرفتي خليت
الجنطه على صفحه وكل ضني صدك رساله اجيت افتحها عقجت
وجهي من شفتهن فلوس بيهن بالمليون او اكثر جريت جهازي دكيت على الجراح بساع رد همس
ـ مجبور هيج اسوي لان ماتاخذين
ـ وشمدريك على الفلوس؟
ـ اعرف سوالفج
ضحكت وسديته ياسبحان الله نفس تصرفات السند نفس الكلام
للعصر صار صياح جوة نزلت افهم
كلها واكفه تباوعلي بكسرة تقرب
جدي يمي ومنسه من بعيد تضحك
همس بكلمات مثل السم سممتني
ـ اكو تقارير تثبت انتي خبله رسمي
باوعتله مفاهمه شي ضحك وراح
بعيد عني ويحجي بتهديد
ـ اي شي اطلبه منج تنفذي واذا ماسويتي اقدم تقاريرج للمصح
كامت منسه تقربت يمي شمرت بوجهي اوراق اخذتهن اقراهن وهنا تخبلت من صدك والله موصحيح
الكلام المكتوب مثل السم سممني
ـ اثبات اني مريضه واحتاج مصح
انهاريت رحت اركض لجدي لزمته من ياخته اخنك بي انهاريت بي
اخنك بي واصيح مووت اجت منسه تركض فكتني عنه وتصيح خبله وخري منه علينه المخابيل
صعدت اركض اعصابي تلفانه وارجف هنااك واسمع صوت زلم
نزلت اشوف شكو وهنا يكسرتي
زلم لابسين لابكوت جدي اشر عليه
تقربو اثنين سحلوني واهلي واكفين استنجد بيهم محد وكفلي
وذوله سحلوني اقاومهم وافرفح
سحلوني وصعدوني بسيارة تحت انضار الكل كلها ماوكفولي صعدو
تحركت السيارة هنا هدئت خلص
ميفيد الصياح والبجي خلص نص
ساعه وصفت السيارة بمكان نزلو
وسحلوني اصيح وافرفح عطت
ـ وين جايبيني وين انيي
اشرلي واحد فوك رفعت نضري
ـ مصح عقلي
سحلوني واني افرفح واعيط
ـ والله موخبله والله عوفوني
لكن لاحياة لمن تنادي سحلوني طببوني للمكان اباوعله كله ابيض
والحياطين مشخبطين عليهن تلكوني زلم بس بعقل موصاحي
يكمزون ويهلهلون ويصفكون سحلوني لغرفه فتحوها اباوعلها ضواها خافت وسديه بالنص الضوة فوكاها مباشرتاً شمروني بيها طبت
دكتورة سحلتني لبستني ملابس
لون ابيض شمرتني على السديه اجت كلبجت ايدي واني اصرخ
طلعت وطبو دكاترة وياهم اجهزة
مرعبه تقربو خلو الواير بالكهرباء
وجابو الجهاز خلو براسي احس انصعقت كهرباء براسي ينتلون بيه
واني اصرخ مفرفحه روحي سحبو
الجهاز تقرب واحد فتح حلكي بأثنين ايديه خله مجموعه من الحبوب خبط بحلكي مد اصبعه دفعهن بدون مي عافوني وطلعو
واسبوع عدل على هالحاله ثامن
يوم طلعوني وي المرضى وهنا
العذاب الحقيقي النه وقت نطلع
برة بالحديقه عقجت وجهي من
الصوت ورجعت اقرة المكتوب على
الحايط كلامهم يفقدك الامل مثل
ـ لامخرج من هنا
ـ لست مجنون هم المجانين
ـ سحقاً وحش بهيئه دكتور
ـ ستموت هنا. لايوجد مخرج
ـ سحقاً لهاذا العالم المخادع
انتقلت اباوع للرسوم عبارة عن شخابيط بيها معاني هواي انتبهت
طول فترة تواجدي هنا يطبون ينطون العلاج ويطلعون بس كاعدة
على سرير حديد لونه ابيض والغطه والمخدة هم لون ابيض اباوع للمقابيلي هادئ بشكل يباوعلي من شافني اباوعله دار وجهة انتابني فضول اشوف شبي
كمت يمه هو من شافني تدنه سوالي مجال اكعد تنهدت وكعدت
اني ساكته وهو هم بس يباوعلي
ـ ليش مومثلهم شو هادئ انته
ابتسم وباوعلي رفع راسه همسلي
ـ انتي مجنونه؟
رفعت نضري اباوعله ودموع تحجرت بعيني من موقف اهلي همست وصوتي مبحوح من العياط
ـ لا
ـ شجابج هنا لعد؟
ـ جدي وعمتي
ـ يعني مومجنونه؟
ـ صاحيه والله
ـ شوفي اكلج شي بس اذا طلع اذبحج والله
ـ احجي
ـ هنا محد دخل مجنون همه جننوهم فهمتي؟
ـ شلون؟
ـ كلهم دخلو صاحين مثلي ومثلج
بس العلاج يخليهم يتخبلون
ـ بس احنه هم داناخذة وياهم
ـ هاي انتي اني كدامهم احطه بحلكي من يطلعون اذبه فهمتي؟
ـ ليش اجيت لهنا؟
ـ هم بسبب اهلي
تنهدت ونزلت دمعتي مهما جنت قوي موقف من اهلك بسيط يكسرك باوعلي وباوع بالغرفه حجه
ـ تصيرين صديقتي واحميج منهم
ترة يومين ثلاثه ويطبون ياخذون شرفج مثل ماسووها وي مهى
ـ مهى منو؟
ـ مهى بنيه قبل سنه اجت هنا جانت حلوة اسبوع وكامو يغتصبون بيها اغتصاب جماعي لحدما انهزمت مدري وين