بقلم: مَـلاكـ آل فَـهـد
لإني أُنثى كامِلة ،أكسر الكأس
إن لم يمتلئ لإجلي ..
"""""""
جلنار: مر اسبوع على حالته عمي بيوم من الايام كاعدين كلنه نتريك بالصاله كامت عمتي داتودي ريوك لعمي طبت للغرفه دقايق وطلعت عيونها حمر دم اشرت للولد كامو طبو للغرفه وهيه كعدت يمنه على التخم وتبجي سئلت مرجان بخفه
ـ مات؟
عمتي هزت راسها اي وبجت كب الصريخ واللطم وخيم الحزن علينه طلعو الولد يبجون بلشت تجي الناس وعمامهم الباقين واجو اهلي انصبت الچوادر ونصبو الجدورة وبلشو بالطبخ وقسم برة بالچوادر اجو شيوخ هواي ومن جابو التابوت ياااكسرتك يامسلم كعد كعود ينعي شك كلبي من كال بنوح
ـ ولك بوويه انه چبيرك كوم اكعد ليه ولك بويه مااحمل فراگك والله صوته انبح هواي عاتب ابوه كامو اخوته وهو شالو التابوت نزلو ثلاث مرات واخذو وطلعو عمتي طلعت وراهم شاگه الثوب وبناته اتخبلن نيران تلطم على وجها وتشلع الشعر بجيت ورحت وي البنات بالمطبخ مر ثلاث ايام الفاتحه شيوخ تجي هواي من كل المحافضات ثلاث ايام ومسلم ماكو نسئل عليه يكولون بأخر يوم لفاتحه راح وهاي اليوم السابع هو ماكو ماخلينه جهاز مادكينه ماكو مكان مادورو ماكو ثامن يوم الساعه ب 3 ونص الفجر نزلت اكل جوعانه دااكل ونفتح باب المطبخ طب مسلم لابس دشداشه سودة وجهة ضعفان وذبلان حيل جسمه هزيل رفع عينه باوعلي ودنك عيونه حمر اجه كعد يمي همس وصوته ممبين مبحوح
ـ شلونج
ـ الحمدلله انته شلونك
هز راسه بمعنى زين رجعت سئلته
ـ وين جنت؟
ـ يم ابوي
تنهدت وكمت سويتله اكل اكل شوي وكام صعد كمت لميت المواعين دااغسل بيهن ونلزمت من ايدي فزيت وكلبي وكع باوعت مرجان همستلي بخفه وابتسامه
ـ روحي يم السيد اني اكمل عفتهن وصعدت فوك مسلم بالحمام دايسبح طلع بدل واجه تمدد ساكت وهيج مر شهرين وهو ساكت نحاجي بس يهز راسه وجهة تعبان
من صدك تأذى حيل على ابوه كمت دااصعد الدرج حجت مرجان
ـ تعالي
ود: مرت ايام مثل السم عليه اصعب شي من تشوفين حب طفولتج وي وحدة غيرج دااموت موت بطيء فزيت على صوت بنت حيدر كعدت مقابيلي فاتحه شالها والاثار البركبتها حرگني حرك كمت دااصعد الغرفتي همستلي بحقد
ـ هسه انتي بالثامن حضري روحج
ـ اخذيهم ثنينهم الابو مابي حض عود الابن بي حض؟
كملت دااصعد الدرج وسيروان واكف يباوعلي متكتف فتت همس
ـ شبيج روحج محتركه؟
ـ لان تزوجتك ومااخذك واحد احسن منك يساااعه السودة
عفته وصعدت لغرفتي طبيت اباوع هاي الغرفه الجمعتني بحب حياتي هسه بس اني ساكنتها سيروان من يوم زواجه لليوم ماطابلها يعني صارله 6 اشهر من تزوجت جنت حامل شهرين وهسه اني بالثامن كمت اتمشه بالغرفه والذكريات بكل مكان تخيلو زوجي مااكدر اعيش وياه مثل باقي المتزوجين تخيلو زوجي مشاركتني بي وحدة ثانيه اصعب شيي فتحت عيوني والدموع على خدودي باوعت بالمرايه النفسي ولبطني اجت فكرة براسي اعرف رح تخسرني بس مشيت بيها صار الليل وكلها نامت نزلت اتمشى واتلفت فتحت باب المطبخ صار بوجهي سيروان سحبني من ايدي لحضنه ويهمسلي
ـ ابويه انتي شبيج شو مو على بعضج بيج شي يوجعج شي؟
هزيت راسي لا واني افلت بأيدي منه باوعلي وشدد قبضته همس
ـ تردين شي؟
ـ لا بس وخر
ـ واذا ماوخرت؟
دفعته حيل باوعتله وهو يباوعلي متفاجئ باوعتله احذرة همست
ـ ديربالك تتقرب يمي وانته صاير من حضن لحضن
ـ خاب شبيج انتي ترة تزوجت ماخنتج
ـ ترة نفس الشي وبعدين بعد متهمني صدكني اذا تزوجت اولا وجودك وعدمه صار واحد
ـ احلفي
ـ حرام احلف علمودك
ـ ليش؟
ـ وخر مني
عفته وصعدت فوك مرت نص ساعه ورجعت نزلت اتأكدت محد اكو طلعت لورة البيت للحديقه سحبت جليكان نفط بي نص شلته ودخلت للبيت سحبت جداحه وصعدت لغرفتي حطيته بالكاع ضحكت شلته وبلشت ارش غرفتي نفط من خلصت رحت دكيت الباب على غرفه سيروان وزوجته طلع
ـ وين زوجتك؟
ـ ليش
ـ بس خلتجي وياي
ـ وين
ـ هيه اطول مني بس خل تنزل بطانيه الي
ـ اجي اني
ـ لا حالفه متطب غرفتي
ضحك وطب صاحها اجت تتمايل وتباوعلي طبينه للغرفه لزمتها من شعرها هيه كفختني واني جريتها من شعرها وفشرت عليها هيه كامت كتلتني ممنتبهة وياي تكتلني وين مااجت ايدها طلعت الجداحه من صدري وشغلتها بمجرد ماخليتها بالكاع النار اخذت الغرفه هيه عافتني تباوع للغرفه والنار تلهب سويت نفسي مغمي عليه اجت ترجف تكعد بيه كوة تحجي
ـ و ود ف فدوة كومي لاتموتين هنا ولج كومي رح تحتركين كومي فدوة
سويت نفسي شبه ميته حته النفس خليته يقل وهيه ترجف تكعد بيه والنار اخذتنه عافتني وطلعت تركض همست
ـ خرب شرفج ود على هل فكرة رح اموت بمجرد ماحجيتها طب سيروان يركض اول ماطب ضل يكح مختنك من الدخان تقرب يصيح بأسمي ويكعد بيه ماكعدت شالني وطلعني اخر شي شفته النار كابه بغرفتي ومن صدك فقدت الوعي وين يلا اسمع كلمات وصوت
ـ حولوها عملياات
ـ دكتووور الجنين رح يموت
ـ المريضه رح نفقدهااا جيبو دم
ـ زوجتي شبيهااا دكتور
ـ الباقيه بحياتك
أنت تقرأ
انــتــقـام غَــيــاهــب
Tiểu Thuyết Chungمَشاهد ــــــــــــــــــــــــــــــــ الكل وكف وبالعين لساناتهم منتضرين دخولها فجأة رن بمسامعنا صوت طكه كعبها طبت بلبسها الرسمي الاسود والنار تجدح بعيونها تقربت للجد فهاد وموجها اصبعها السبابه بتحذير ـ اذا صار عليها شي امحيك انتَ وكل نسلكم. لاتضن...
