انــتــقـام غَــيــاهــب

البارت السابع عشر

‏اواسي غيري
وانا بيهه الوجع نَفسه
وادور الغيري ڪومه حلول
وحل ما لاگي الروحي ليهسه .
"""""""""""""""""""""""""""""

روديان:حياتي وي ادم تجنن رجع مثل اول نوعاً ما نكدر نكول حياتنه استقرت
وتد تزوجت التحبه وحبلت بثمرة حبهم
ود تزوجت التحبه وطلعت حامل بس تعبانه لان بُنيه جسمها ضعيفه وعمتي
مريم ملتهيه بيهم وبحمل ود اما جلنار
مرتين اجت لاهلها نص نهار وراحت لهنا
ونكول الحمدلله استقرت حياتنه بس الهضيمه لتكتل السند تزوج منسه وطلك غياهب غيابي يعني خلص غياهب صارت طليقه السند موزوجته اما زوجته هيه منسه
بيوم من الايام اجه تليفون خربط احوالنه ومجنه متوقعين هالشي ابد
ـ مريضتكم غياهب انفقدت
هالجمله خلتنه اشهر ندور عليها اشهر لاليلنه ليل ولانهارنه نهار ماخلينه لاالمحافضات لا بيوت غياهب لااصدقاءها لامكان عملها دورنه وماكو فص ملح وذاب مرت علينه اياام كئيبه
بحيث من كثر الجزع الحسينه بي سيروان كعد يبجي على الرصيف يدورها وماكو ادم يسولف يكول سيروان يلوم بروحه ومن كعد على الرصيف يبجي بشهكه ويشكي
ـ كله من ايدنه ضاعت اختي ضاعت الضيعت عمرها لخاطرنه ادم فدوة كلي وين الكاها؟  زين هيه عايشه؟ اكلت شربت نامت؟  اكو احد تعرضلها؟  غياهب مريضه موبذاك حيلها كلي شحصلت بسببنه غير المرض والاذيه البنات بعمرها ملتهيات بالحب والزواج
الا هيه التهت بالحروب والتفك
وادم بدوره بس يهدي دورو ماخلو مكان ماراحوله وماكو خلص غياهب اختفت

وتد: اياام مميته مثل السم من يتدفق بعروق الانسان هيج السم يتدفق بينه
لااحنه بالسمه ولابالكاع ليش وشلون انفقدت جانت عليها حمايه متشددة
زين وين عايشه لوميته كل هالافكار تدور براسنه بس للاسف ماكو الهن اجوبه الولد ماخلو مكان ماراحوله لحد مابيوم من الايام طبو يركضون طب وراهم سيروان منحني ويبجي نريد نفهم شكو حجه ادم منحني الرأس
ـ لكينه سيارة غياهب
ساكتين ننتضر يكمل وريت ماكمل
ـ بس السيارة محتركه واكو جثه بداخلها
كلماته جانن مثل الطلق زين شلون
فززني ضحكه امي بدموع تحجي
ـ يمه ادم لاتجذب تشاقون مو؟
هز راسه ادم ونزلت دمعته هنا امي انجنت  متعرف شتسوي تملخ بروحها
شلعت شعرها شكت دشداشتها
ـ ولكممم جيبولي بنيتي. ولجج اخخ يمه غياهب رجعيلي جذب والله مميته
والله احس مميته لاتخدعوني اروحلكم فدوة ردوها الي يمه بنيتي
تقربت لادم تبوس ايدة
ـ ولك يمه ابوس ايدك دورها والله عايشه يبعد امك لاتحرك كلبي
ولجج اخ يمه الحكيلي تزوجو اخوانها والنار ببنتي مشتعله ولج يمه يركصون على جرح اختهم ولجن كابلني راحت عزيزة روحي ولج يمه طفي ناري
بين المصدكه والممصدكه. خبر غياهب
كلام امي فززني وصحاني نزلت دمعه جوت خدي ومادري شصار بعد

ود:  من بعيد واكفه واباوعلهم عمه مريم انهارت تلطم على وجها وتملخ بشعرها وتد كامت تلطم على وجها وتعيط بصوت مكسور وكل كلمه بيها انكسار فضيع وبحه صوتها بكلمه
ـ ياااخيتي ياكسرتي
وتقابلها عمتي مريم بكلمات وبصوت متوجع تخليك تبجي غصب عليك
ـ ينااار كلبي المتبرد ولج بنيتي شلعتي وذر من كلبي ولج يتعب سنيني
وكل هالعتاب يقابلهم سيروان يبجي بوجع بجيته تفطر باب الكلب ويهمس
ـ اخخ بويه انكسر ضهري وعلي
لهناااك وطب جدي فهاد باوعلنه وسأل
شكو جاوبته
ـ غياهب يمكن ماتت لان لكو جثه بسيارتها
ـ من هسه اكوللكم اذا ماتت مالها فاتحه
هيه مجرد جمله كالها وماشوف غير جلنار ركضت عليه والسجينه بيدها فززنه صوت صرخته تمدد بالكاع والدم من بطنه يفيض باوعتله جلنار وتفلت
عليه حجت ببحه ووجع وراها بجت
ـ موت ياانجس الارواح
حجتها وكعدت بالكاع تبجي بوجع تهمس وتدك على رجلها بقوة
ـ رااحت امي ولج يمه رجعيلي فدوة رحتلج يمه خلافج اضيع والله يمه كومي لشبابج يمه واحلامج كسرتي ضهري يمهه
مجود حجت ذن كامت تدك على راسها وصدرها بقوة تقرب زوجها لزمها وهيه تحجي بوجع تصرخ صريخ المذبوح
ـ ولج يمهه انه عزيزة روحج كوميلي
لاتعوفيني وجعتي كلبي يمهه اروحلج فدوة كوميلي والله مااعاند بعد رجعيلي
يمه وكعتج بسببي جانت يمه امووت وراج.فدوة كوميلي
تقابلها صرخات وتد وعمه مريم
ـ يختي كوميلنه خلافج نضيع
ـ يمه يتعب سنيني ريت دافنتني بيدج 
يمه بعدج شباب مومال تتوسدين الكبر