انــتــقـام غَــيــاهــب

ماقبل مـسك الـخـتام

بقلم :malak
,,,,,,,,,,,,,

Pov : لا شي يمكنه ايذائك أكثر من افكارك .
،،،،،،،،،،،،،،،

غياهب: قدم نفسه باسني براسي وساق السيارة درت عيني للسيارات الورانه كومه سيارات طول الطريق يتغزل بيه لحد ماوصلنه نص الطريق كل السيارات وكفو نزلو الولد اجو لمحمد سحبوه ونزلو يركصون بالشارع ود تلثمت بالشال وصورتهم نوب اصدقاء محمد كومه اكثر من عدنه يمكن نص ساعه يلا خلوه يصعد وصدك وصلنه للقاعه وياجمالها محمد تقرب غشاني ونزل فتحلي الباب نزلت وايدي بأيده والهوسات ولهلاهل والجكليت طول مااحنه نمشي لحد ماطبينه للقاعه تلكتنه المصورة تصور من دخوليتنه لحد ماكعدنه على الكوشه طبو المعازيم توزعو على الطاولات شويه وكامن البنات يركصن القاعه جانت فقط بنات حته محمد طلع كامن يركصن وجرني يركصني واحنه نركص تغيرت الاغنيه عرفته محمد غيرها صار اللحن ويه كلمات الاغنيه تطرب مسامعي اخذتني لعالم ثاني منا

ـ يسمعني حين يراقصني كلمات ليست كالكلمات يأخذني من تحت ذراعي يزرعني بأحدى الغيمات والمطر الاسود في عيني يتساقط زخات زخات

انطربت اغني بصوتي ويه صوت ماجدة الرومي نسيت الحضور افتر ومغمضه واغني لحد مافتحت واني اغني خيبتها بألم

ـ يبني لي قصراً من وهم لأسكن فيه سوى لحضات واعود اعود لااحمل سوى كلمات. كلمااااات

نطقتها وتعالت اصوات التصفيق من كل جانب اباوع بس اني نازله للساحه والحضور كله يصورني ابتسمتلهم رجعت كعدت بالكوشه

قبل لايصير الغروب طب محمد ووياه سيروان وادم والياس تقرب محمد يحنيني كعد بصفي اجت رودي وياها منضمين القاعه بيدهم صينيه الحنه على طاوله زجاجيه من ضمن الكوشه جان تصميم القاعه بالاسود والاحمر محمد لابس قاط اسود واني بدله حمرة طول ماهو يحنيني ويلبسني الذهب يتغزل بكلمات تاخذني لغير عالم حناني ورودي واكفه فوك روسنه تصور همست

ـ زحزح جيبك حط كم فلس

هوة ماقصر حناني حط ورقتين بأيدي ضحكت رودي اردفت بمزح

ـ وحدة الج وحدة اليه

ضحكنه لبسني الذهب من كلادة ومحبس وتراجي ثانيات وبتوت ثمانيه وهيج اني اخذت الحجل منه واني لبسته بعده يمي وطبو الجراح والازد وزمرد يهوسون من الباب باوعتلهم ابتسمت محمد عقد حاجبه طب الجراح يهوس