انــتــقـام غَــيــاهــب

البارت الثاني والثلاثون

بقلم : مَــلاكـ

ود: كاعدين كلنه على العشه اندك الباب كام محمد يفتحه ربع ساعه وطب يركض صعد فوك ونزل عمتي كامتله عبالك گلبها علمها

ـ شكو محمد غياهب مو؟

هز راسه مايكدر يحجي وطلع

هنا عمتي انجنت لابقت شعر ماملخته لابقت خد مازلغته انهارت ساعه واجانه الخبر الصادم للكل

ـ غياهب متعرضه لحادث على طريق الغربيه وحالتها خطرة

كل الاقارب والاهل سكنو بيتنه غياهب محبوبه عند الكل وتمشي بأفراحهم واحزانهم بيتنه ماالك محط رجل كلها اجو حته من الخارج بقينه على هاي الوضعيه اربعه ايام لاليلنه ليل ولانهارنه نهار الدكتور يكول حالتها مامستقرة مضروبه براسها فاقدة رجلها وايدها ووجهة متأذيات جُلنار منهارة ماهمها الطفل وتد كذالك منهارة

روديان: كلبي يوجعني عليها هااي صديقتي واختي قبل لاتكون بنت عمي صح اكبرها بثمان سنوات بس ماجان هامنه جنه صديقات طب محمد اباوعله وجهة تعبان حاني ضهرة صارله اربع ايام بالمستشفى كمت وكفت بللت ريكي وهمستله

ـ محمد اخذني اشوفها

باوعلي بتعب واضح صوته مبحوح

ـ متكدرين كومه زلم واكفين هناك

ـ البس نقاب فدوة اخذني

هز راسه ماحجه شي ركضت لبست نقاب وعبايه شويه ونزل سابح اشرلي طلعت وراه صعد السيارة اباوعله ايدة ترجف ميسيطر عليها نص ساعه ووصلنه المستشفى الجراح الاهليه بالكاضميه نزل نزلت وراه واني اردد بصوت ضعيف جداً

ـ ياكاشف الكرب عن وجه اخيك الحُسين ، اكشف كرب غياهب بحق الحُسين

طبينه للمستشفى صعدنه للطابق الموجودة بي غرفتها شفت كومه زلم منهم ادم الياس سيروان السند السيد اخوته وحموينها وهواي بعد راح محمد قبلي ماعرف شحجه كلهم ابتعدو راحو بعيد بقو بس الذكرتهم الكم يعني  الغربه راحو
تقدمت وكفت يم الغرفه باوعت من الفاصل الزجاج نزلت دمعتي اباوع دبه الاوكسجين ومن حلكها ومن  خشمها صوندات جهاز القلب بصفها ايدها مچبسه ورجلها هم وجها ملفوف حالتها يرثى لها ضليت كاعدة واردد بأيات القرآن كمت للمصلى صليت ودعيتلها كمت رجعت صحت ادم اجه باوع همس

ـ شجابج هنا؟

ـ اجيت وي محمد ، امشي نروح لابو الجوادين بلكت يشافيها

هز راسه نزلنه جوة طلعنه صعدنه بالسيارة محد حجه شي ربع ساعه وصلنه للإمام نزلت حته عفت ادم يركن السيارة واني تقدمت امشي نزعت السليبر امشي ودموعي توكع انخي بالصحه والعافيه الها طبيت للتفتيش فتشوني وطلعت طبيت من جهة النساء شهكت بصوت

ـ السلام عليك ياسيدي ومولاي جئت اليك اتوسل بكَ ان تشافي وتعافي غياهب دخيل الله ودخيلك