انــتــقـام غَــيــاهــب

البارت العشرون

الكاتبه:  مَـــلاكـ آل فَـهـد

غادِر الأشياء التي لا تُبادلك
نفس الشعور .
"""""""""
جلنار: ثاني يوم جنت كاعدة فوك بغرفتي اجت ود تركض فحطانه حجت
ـ اجن نسوان يخطبنج للسيد
نزلت اركض وهيه وراي وصلت باب الاستقبال دنكت اباوع من فتحت المفتاح مُرجان وام السيد وكاثرين ونسوان عمهم خمسه كاعدات يسولفن
ويَ امي وغياهب كاعدة لابسه دشداشه
من الصدر تجه ربع ردان سودة وشعرها محلول وكاعدة بكل شموخ عمه وهج
قدمت مي طبت وراها شموخ قدمت ضيافه وكعدت على صفحه تباوع
حجت ام السيد وتباوع لغياهب ولأمي
ـ اليوم جايتكم وكُلي شرف اطلب ايد كريمتكم لابني السيد مسلم ابن الشيخ
علي
ـ نشوف جواب البنيه ونردلكم خبـر
طلعن واني صعدت فوك بغرفتي ثواني
وندك الباب بطرقات خفيفه همست
ـ تفضل
طبت غياهب ابتسمت بوجهي وكعدت
على السرير تنهدت وحجت بأبتسامه
ـ اجو خطبوج وادري بيج تحبينه اريد رأيج الاخير.وبكل رأي اني وياج تمام؟
هزيت راسي باوعتلها ودنكت همست
ـ موافقه هزت راسها تقربت باست راسي من ابتعدت عيونها مدمعه ضحكت همستلي وتباوع لعيوني بشرود مبين
ـ يرباي صرتي عروس شوف الايام شكد
قاسيه انطيناها حقها ومانطتنه حقنه
رجعت باستني وطلعت اجه اشعار لجهازي رفعته باعت رقم مكتوب السيد
بمجرد ماقريت الاسم اجاني احساس
ماعرف شلون اوصفه شعور حلو ومحلو
ماجاوبت فصل الخط واجت رساله
ـ جُلنار انه السيد وافقتي؟
قريتها وماجاوبت دقايق رجع دز
ـ بالله عليج جاوبي اي لولا لاتخليني احير وافكر فدوة جاوبي
هم ماجاوبت عفت الجهاز ونزلت جوة
جدي ومنسه طلعو ولليل اجو يبتسمون
مجنت اعرف محضرين مكيدة خطرة

غياهب:
ـ شلون؟
ـ مجرد وقعت على ورقه الطلاق مارميت اليمين ولاانتي حاضرة فَ طلاق باطل لسه بعدج زوجتي وابتعدي عن محمد لسااتج زوجتي يعني انه الاداوي جروحج موهو فهمتي؟

الافكار كامت تتراوح بعقلي وكت
وكت ياغياهب صرتي لعبه بأيدهم
شنو تطلكتي وتزوج عمتج شنو هسه لا
اصعب موقف يمر عليه وبسبب الهبطه
على محمد وهالخبر وكعت ماحسيت بشي غير ضلام دامس واصوات يمي
وين يلا فزيت باوعت اني ببيتي كمت
داافتح باب الغرفه اريد اطلع طب السند
اجه يتقرب بأتجاهي واني ارجع
ـ ابتعد عني
ـ وليش؟
ـ روح لزوجتك عوفني
ـ انتي زوجتي
ـ روح لمنسه
ـ طلكتها
ضحكت بصوت عاالي وكفت همست
ـ حامل ماتطلك
تقرب يتلمس خدودي بضهر ايدة ويباوعلي رفعت عيني اباوعله صفن
بوجهي يتأمل تنهد ورفع عينه للسماء
ـ ربي الا ترحم عبادك؟
تنهد باوعلي يتأمل همس وايدة بخدي
ـ جانت لعبه واني اصلا مطاخ منسه
وبيوم العرس سكرتها وانطيتها منوم
وجذبت عليها كتلها تقربتلج ترة
باوعتله ممصدكه بي همست
ـ وشنو اليثبت مرة يمك ومتطخها؟
ـ وداعت لوعتي عليج وداعه امي ومستعد هسه احلف بالقرآن مطاخها
هيه بغرفه واني بغرفه والله وداعتج
ـ لعد شلون تكول حامل
ـ جذبت عليكم واجت تجذب عليه عود حامل سويت روحي مصدك وداعتج
اما حالياً طلكتها واكتشفت بيها سحارة
ومتأكد ميه بالميه رح تسوي شي
تدمرج بي بس ثقي اني وياج بكلشي
صفنت بكلامه والصار ثبتلي هالشي
باوعتله وهمست
ـ محمد شلون صار؟
باوعلي فتح عيونه دار وجهة زمخ
ـ عرج مايطكه
عفته ونزلت جوة فتحت الثلاجه بيها اكل جاهز طلعته وكعدت بالكاع اكل
اجه السند من شافني هيج انتجه على باب المطبخ يباوعلي بأبتسامه راح غسل واجه كعد مقابيلي بلش ياكل
بأيدة مثلي باوعلي دنك همس
ـ رح اسافر سته اشهر
عقدت حاجبي بتساؤل باوعتله همست
ـ ليش؟
ـ علمود ترقيه
باوعتله ودنكت اكل هو كذالك همست
ـ شوكت تروح؟
ـ الاسبوع اليجي
هزيت راسي بقبول ودنكت كمت غسلت وهو هم كام غسل لملمت الارض ونضفت المطبخ صعدت فوك لغرفتنه فتحت الكنتور ماينفتح اجر بي ماينجر
هو سلايت اسحب ماينسحب افتريت لجهة الثانيه فتحت كنتور السند طلعت تراكسود اسود منه طبيت سبحت ولبسته طلعت لكيت السند كاعد عالجربايه يدخن وصافن طلعت بمجرد مالمحني لابسه هدومه ابتسملي رحت يم المرايه انشف شعري حطيت مكياج
مجرد حمرة ومسكارة وكحل هو صافن يباوعلي اباوع عليه بالمرايه كام تقرب يمي حوطني حضني من ضهري باس راسي ويباوعلي بالمرايه يهمس
ـ غياهب وعلي احبج من اول ماصرتي بمركزنا حبيتج ولسه انتي بعيدة عليه
واراقبج ادري بيج متحبيني بس بروح
ابوج لاتعوفيني كلها عافوني اذا تعوفيني اموت وعمتج طلكتها بالله