انــتــقـام غَــيــاهــب

البارت الرابع والثلاثون

بقلم : malak

" و إِن نهضت بعد سُقوطك فليكُن نُهوظك بركاناً يحرِق ظنونهم ".

"""""""""""

نزلت نضراتي والدكتورة داتفك التچبس ومحمد وياي كملت انطتني غسولات اخذتهن دفعت الحساب وطلعت طول الطريق اني ومحمد ساكتين لان زعلت عليه بيوم المافتح الباب وصلنه شارع بيت جدي ماكدرنه نطب بالسيارة دايسوون المجاري ركن السيارة ونزلنه نتمشى طول فترة المشي نتناكر هو يحجي بصوت ناصي

ـ شوف شلون تمشي

ـ شبيها مشيتي؟

ـ جنها مشيه الرقاصه

ـ حافض حته المشيه مالتهن من كثر مامكابلهن وكاعد

ـ ديلا امشي

ضل طول الطريق يتناكر عفته وسرعت مشيتي وصلت للنص التفتت اباوع محمد ماكو صفنت رجعت اشوفه وين دنكت للمنهوله واشوف محمد خربان ضحك هنا انتهيت اريد اسكت ماكدر كعدت بالكاع اضحك بصوت عالي هو يصيح طلعيني واني اضحك عليه اجو اثنين شباب جانو يشتغلون طلعوه واني على كعدتي بالكاع اضحك طلع ضلينه نتمشى واني خربانه ضحك كل ماتذكر الموقف اول ماطبيت البيت ماخليت شخص ماسولفتله السالفه وهو يضحك ولاهامه شي نوب يوصف شعورة من وكع همس السيد اله

ـ وانته شبيك ماشفت المنهوله؟

ـ يمعود شفتها من بعيد بس جنت اتناكر وياها ونسيت

ـ والله هاي حوبه غياهب

كعدت بالكاع فكيت زيجي امثل

ـ دعووة مضلووومه

محمد باوعلي وحجه معاجبه

ـ تدعين عليه غيهبه؟

كمز ادم جاوب محمد بضحك

ـ شايف هاي الحيه الكوبرا تلدغ وتضم راسها

ـ اي شبيها؟

ـ هاي غياهب

باوعتلهم بطرف عين وكمت وكفت

ـ دروح ادم حوبتي تطلع حته اشوف الكوبرا منو

ـ منا وهيج نصيحلج كوبرا

بعدنه دانحجي طب طفل يركض

ـ عمووو ادم بيتك احترك

كمزو الولد طلعت اشوف القاط الثاني مال بيتهم محترك اباوع كلها ملتمين يردون يطفوه وكف بصفي محمد والچگارة بحلكه همس الي

ـ حوبتج؟

باوعتله بطرف عين وهمست بمكر

ـ جؤ قدر

ـ نمشيها ونشوف

ضل واكف خلص الچگارة شمرها بالكاع وداس عليها برجليه باوعلي سوة حركه بخشمه وراح يمهم

هزيت راسي بأسى ورجعت للبيت كعدت يم امي نسولف والبنات يسون عشه ضليت اسولف وي امي بأمور عاديه كمت سبحت ونزلت طبو الولد طفوه للبيت صبو العشه بلشنه نتعشى واللمه تجنن كمت وي البنات رفعنه السفرة ود وكفت تسوي چاي وكاثرين وياي تغسل مواعين طبت وتد مسحت المطبخ كملنه كلشي شلت صينيه الاستكاين والقوري رحنه للصاله كلهم كاعدين كعدت بالكاع بلشت اصب الهم چاي طب اسد بعد ماجان برة تحمحم وحجه بصوت