انــتــقـام غَــيــاهــب

البارت الثامن

بقلم الكاتبه:  ملاكـ آل فَهد
''''''''''''''''''''''''''''''''''''''''''''''''''''''''''''''''''''''''''
لملم جروحك بروحك سوي من حزنك مظله
الموت مو يوميه اجرعه مره وحده وجرعه كله
''''''''''''''''''''''''''''''''''''''''''''''''''''''''''''''''''''''''''
روديان: طبينه نركض شفناها متمددة والدم
يسيل منها كام ادم شالها وطلع يركض ركضت
وراه فتحت باب السيارة صعدت ليورة اجه
صعدها يمي طول الطريق ادعي كون مابيها
شي وادم يسوق بجنون كل شوي نريد
نندعم لحد ماوصلنه حيلي راح اجو اخذوها
بسديه ونقلوها للطوارئ اجت دكتورة فحصتها حولوها خاص كل هاذ ومنعرف
شبيها كاعدين ننتضر بلكت احد يطلع
يطمنه لحد ماطلعت الدكتورة تقدمت يمنه
وهي تكول
ـ همزين تلاحكتوها جان خسرت الطفل
اما حالتها مستقرة

عافتنه وراحت واني وادم واحد صافن
بوجه الثاني والف سؤال يدور براسنه
نص ساعه وطلعت مموضه كالت صحت
استأذنه من الدكتورة ودخلنالها اول
ماطبينه ادم كال
ـ ولج حامل منين ابوه منو خاف نزلتي
روسنه
ـ خاب ماتنجب ترة متزوجه
ـ ولج متزوجه ومنعرف
ـ معليك محد ضايك لوعتي وشلون تزوجت
تحمدنالها بالسلامه وانتضرنه يخلص السيروم
حته نطلع راح ادم يسوي خروجيه ويدفع
الحساب شوي واجه طلعنه صعدنه بالسيارة
جهاز ادم دك باوعناله كال محمد لطمت
هو يحب غَياهب شلون رح نكوله حامل
باوعت غَياهب ببرود وكالت
ـ لاتكولون لاحد غَياهب حامل او مزوجه
هزينه راسنه بقبول جاوب ادم وهو يكوله
مابيها شي جينه لاوالله شبيك خوش خوش
وصلنه للبيت طبينه لكينه محمد بالحديقه
يروح ويرجع اول ماطبينه اجه ملهوف
يسئل شبيها جاوبته هيه
ـ لايضل بالك شوي تعبانه وقله اكل وكعت
هز راسه وطلع ربع ساعه واجه جايب
مشاوي انطانياهن وكال رتبيهن لغَياهب
رتبتهن وطبيت للصاله لكيت غَياهب تلاعب
دلهام غَياهب متعلقه بدلهام لان ولدته واني
اصلا انعزلت عن العالم لان جان ادم ستوة
مفقود اله كم شهر ولدته وهملته غَياهب
ربته هيه متعلقه بي اكثر مني شتريله
وتطلعه وكلشي عليها تقدمت خليت الاكل
كبالها بالبدايه مقبلت بعدين قبلت واكلت شوي مر يومين وغَياهب كالت خوالي
عدهم عرس ومعزومين
ـ وين رح يسوون العرس؟
ـ يمهم بالغربيه
حضرنه نفسنه اني وادم ودلهام وغَياهب
وعمه مريم ووتد وود وسيروان وجلنار
ومرت عمو سيف بس
طلعنه الفجر وصلنه الصبح طبينه
تلكونه. احنه نعرفهم مواول مرة نجي
كضينه اليوم ضحك وشقه ملتمين ولد وبنات
بالليل سوو كعدة بالحديقه حديقتهم جبيرة
كعدنه نشاقه لحد ماكام ابن خال غَياهب
جاب دف. يردون يغنون سوو قرعه اول
اسم غَياهب ضحكت غَياهب تحت تشجيعاتهم وبلشت تغني ببحه

ـ كُلي وشفت مني اذيه؟
كُلي وشفت مني اذيه
كلبك من صخر ماحن عليه
لوجان الهجر منك سجيه
لو جان الهجر منك سجيه
تعال ونصطلح وهاي هيه

ضحكو وهمه يصفكولها وكلها تصيح
الله عليج بعد بعد اطربينه
ضحكت وهيه تجلي صوتها وبلشت تطرب
ـ ميحانه ميحانه
وغابت شمسنه الحلو ماجانه
حَيك حَيك
حَيك بابا حَيك
الف رحمه على ابيك
هذوله العذبوني هذوله المرمروني
وعلى جسر المسيب سيبوني
وعلى جسر المسيب سيبوني
خلصت والتصفيك الحار رن مسامعنا
صار الجو بارد طبينه جوة كلمن راح ينام
لان باجر الحنه حنه ولد نمنه كعدنه من الصبح لكينه غَياهب كاعدة قبلنه تساعدهم
حضرن الريوك وعزلن البيت وحضرن
المناسف وغراض الطبخ ورة البيت
ب 9 يجي الطباخ يطبخ ب 9 كملنه كلشي
صارت ب 12 صبو الغدة الحنه عود بس عمام
وبيتهم نترس ترس كملنه الغدة لساعه 2
غسلنه مواعين ورجعنه نرتب البيت
اشتغل الديجي وكلها كامت تركص يشتغلون
ويركصون لساعه 3 كمنه بدلنه ومكيجنه
اني لبست فستان مستور لونه اوف وايت
ومكياج هم اوف وايت
ود لبست وردي ومكياج اوف وايت
وتد لبست زيتوني ومكياج يجنن
اما غَياهب لبست بنفسجي طوخ
ومكياج طلعت تجنن بين ماكملنه كالو نروح
نحني العروسه. رحنه وطبينه العروس حلوة
يطلع عمرها 22 هيج والعريس 30
كملنه حناها وطلعنه وصلنه للبيت ب . 6
بهدومنه صبينه عشه وتعشو طلعو برة
الولد يجوبون يجننون وياهم سيروان
يجوب مثلهم بالضبط كامت ود صورتهم
اجت غَياهب شافتهم يجوبون طلعت
واجت لزمت راس الجوبي وبلشت تجوب
تجوب باحترافيه فززني صوت عركه
بين البنات التفتت اشوف شكو لكيت ود
واخت العريس يتعاكن ووهج تفاكك بيهن
يابه خل نفهم شكو. جاوبتني ود ببجي
ـ تتغزل بسيروان لان يدبج
ـ ترة وذا هو ابن عمتي وماحجيت شي
كلت فدوة شلون يجوب
بالجلاق والدفرة صالحتهن وود كلشوي تخزر بالبنيه لساعه ب  . 12 طبو وغَياهب وياهم

   غَياهب طبيت للغرفه تعبانه اجت رساله
لجهازي كمت فتحتها من السند كاتب
ـ مرتي النجرة فديتها شلون تجوب
قريتها ومجاوبت رجع كتب
ـ شايفه ذوله الزلم همه وعكلهم يرحولج
فدوة
ـ خاب دنجب ذوله خوالي تاج راسك
انته تروحلي فدوة
عفته ونمت ومثل يوم الحنه نعاد بالعرس
ثاني يوم العرس رجعنه لبغداد وهم رجعنه نمنه مر اسبوع على العرس وام علي رجعت
شدت وياي هيه من مات عمي حيدر تخبلت

ود :يوم بعد يوم حبي يكبر لسيروان
من سمعت بنت خاله تتغزل بنت خاله
تتغزل بي تخبلت من رجعنه شفته صعد فوك
لغرفته كمت وراه دكيت الباب فتحها وهو مبتسم كال تفضلي طبيت جوة واعصر بأيدي
وهو منتضر احجي حجيت واني مترددة
ـ باوع اني احبك وغصباً عليك تزوجني
عفته بصدمته وطلعت اركض شنو اذا مايحبني ومايعتوف اني اعترف واذا ماخطبني اني اخطبه اي احسن شي
اروح لغَياهب اخطبه اي احسن حل

وتد :اخخ ياعشك طفولتي يوم بعد يوم اصير مهووسه بي قدملي كل الحب والاحترام
ومن يخابرني ويين ياخذني بكلماته لمكان محد بي بس اني وهو بس ترجع توكف بعيني
غَياهب. ادري متحب عمامي. بيوم طبت غَياهب يمي بغرفتي كلشي ماحجت بس كالت اسمعي ماجدة الرومي شلون وصفت الحب بلشت اسمع وهيه تباوعلي بحدة
بلشت الاغنيه
ـ يسمعني حين يراقصني كلمات ليست
كالكلمات يأخذني من تحت ذراعي ويزرعني
باحدى الغيمات والمطر الاسود في عيني
يتساقط زخات زخات
بلشت انطرب بل الاغنيه وابتسم لحد مافزيت
على ايد غَياهب وهيه تنبهني سمعي هالمقطع
ـ واعود واعود ولااحمل سوى كلمات
يبني لي قصراً من وهم لااسكن فيه سوى
لحضات

باوعتلي واخذت جهازها وطلعت حسيت داتكولي. لاتنغشين لاتثقين كله جذب
جريت جهازي خابرت الياس جاوب كبل تعاركت وياه بدون مقدمات حضرته ورجعت الجهاز.

غَياهب :من بعد مانفقد ادم وروديان مرت ازمه صحيه اني ربيت واعتنيت بدلهام
صار النفس الي
بيوم طلعت بشغله ماتأخرت ورجعت
طبيت للبيت داامشي بالساحه بعيني 
شفت ام علي حركت دلهام بعيني شفته
وج نار يبجي مفرفح اريد اركضله ماكدر
حيلي ركد ابني هاذ موابن روديان
اباوعله وهو مفرفح شي انوخذ من نص كلبي
بهالوكفه وبهالموقف اللي صار دقايق موهواي
مرت عليه تعب سنه وشهرين تعبت عليه
لحد ماشفته هدئت حركته وصوته اختفه 
طب ادم يركض واني وكعت للكاع ماكدر اوكف اخذة ادم وطلع يركض ساعه موهواي
ساعه واجه خبر متكون من جمله بس
هد حيلي
ـ دلهام توفه
من بعدها محسيت بشي

ود :دلهام توفه وسوينه فاتحه اله روديان ملخت روحها  ادم يبجي مثل النسوان
فاتحه دلهام يوم واحد لان طفل خلصت الفاتحه ومر اسبوع وغَياهب غيبوبه مؤقته
ثامن يوم كعدت هادئه عيونها دم حلكها بي عواج خفيف سئلنه الدكتور كال
ـ جلطه
رجعنه للبيت غَياهب صعدت الغرفتها ابد مانزلت للعصر صعدتلها فتحت الباب بهدوء
شفتها صافنه ولابسه اسود ومشغله قصيدة
باسم الكربلائي ماذنب طفلي
عفتها ونزلت جوة بالليل نزلت دااشرب مي كلها نايمه شفت غَياهب تمشي بهدوء بيدها
سجينه طبت لغرفه ام علي عشر دقايق موهواي وطلعت السجينه تنكط دم
من خوفتي صعدت نمت عطشانه
كعدت على صوت بجي وصريخ نزلت ركض
لزمت وتد اسألها شكو جاوبتني بلا مبالاة
ـ ام علي لكوها مقتوله وميته بفراشها
مانعرف منو قاتلها
للعصر جابوها من الطب العدلي بالتابوت  
كلها تبجي وتصرخ بناتها وجناينها راحن وياهم للدفنه بقت وهج ومريم ووتد وغياهب
وروديان وادم سيروان فوك جلنار نايمه
كامت غياهب هلهلت لان ماتت ام علي
ووهج كامت تدبج. وهج زوجه عمو سيف

يتبع

تصويت بين الفقرات لطفاً
''''''''''''''''''''''''''''''''''''''''''''''''''''''''''''''''''''''''''

الكاتبة :
ملاك آل فَهد
يوزر انستا _g4eq_