انــتــقـام غَــيــاهــب

البارت السابع والعشرون

بقلم:  مَـلاكـ آل فَـهـد

ياهوو اليدليني بـ عُمر ارتاحح بي بَس يومم؟
"""""""""""""

وتد:  اي كملي من طبيتي لأدم شنو شفتي؟

روديان: طبيت للحمام داانطي الملابس شهكت واني اشوف الحمام عبارة عن دم وجسم ادم ينزف كام يهديني يكول مابيه شي
سبح وبدل طلع وسحبني وياه واني ارجف المنضر ميروح من بالي بقيت ساكته وهو يحجي وياي همستله واني اباوع للحمام للدم
ـ كوم نروح للمستشفى
ـ تدللين بدلي
كمت لبست بَشت وشال وطلعنه بسيارته طول الطريق صافنه وصلنه وبين الفحوصات طلع متصاوب طلقتين وحدة بكتفه ووحدة بزنده بنفس الايد عالجو واخذ علاجات وطلعنه للبيت وراها بيوم اجيت الكم وصارت سالفه ود

روديان:
ـ تشاقه دكتور مو؟
ـ عزيزتي افهميني
ـ دكتوور شنو زوجتي ماتت
ـ زوجتك جانت حامل بتوأم مات واحد بيهم وبقه واحد وهيه فقدناها للاسف
ـ يااعلي ضربتين بالراس توجع
بعدنه دانحجي وطلعت ممرضه صاحت الدكتور راح يركض واحنه روحنه راحت ود متستاهل هيج زين وابنها المات؟ وابنها البقه؟
نص ساعه وسيروان يلهج بالادعيه تقربت يمه باوعتله وهمست بدموع
ـ محد طيح حض ود غيرك
ـ انيي شعليه
ـ كسراتك الها وهيه بعدها عروس بالله ياسيروان الا ابلغ غياهب
ـ لاتبلغين غياهب
ـ ليش؟
ـ تطلكها مني
ـ بعد احسن وخل تزوجها هم
عافني وراح وكف على صفحه نص ساعه وطلع الدكتور ابتسم وتقرب
اجينه وكفنه يمه باوعلنه اردف
ـ قدرة القادر بعد
ـ شنو دكتور
ـ زوجتك رجع النبض بيها بس تستقر حالتها تكدرون تشوفوها
سيروان سجد للكاع شُكر لله تعالى واني نزلت دموعي يارب لطف بينه ربع ساعه واجت ممرضه كالت النه
ـ صحت تكدرون تشوفوها
همس سيروان للممرضه
ـ يصير اخذ الطفل وياي تشوفه
ـ كلش عادي
ابتسم وراح وياها جاب الطفل واجه قبل لاندخل همسلي بحذر
ـ رودي ديربالج تكوليلها جنتي حامل بتوأم كوليلها هاذ ابنج
ـ واهلنه نكوللهم؟
ـ رودي لا فدوة ضمي هالسر بينه
طبينالها والطفل بأيد سيروان ابتسملها وانطاها الطفل دنك باسها وتحمدلها بالسلامه اتقربت تحمدتلها بالسلامه وبستها وكفت يمها وهيه تبتسم وتباوع للطفل وسيروان يباوعلي عود لاتحجين ابد سكتت
ـ شنو سميتو الطفل؟
ـ بعدنه مامسمينه ننتضرج
ابتسمت وباوعت لسيروان همست
ـ منو يسمي؟
ـ انتي
ـ شنو رأيكم ب أيدِن؟
ـ يجنن
سيروان شال الطفل وكبر بأذنه سماه أيدِن ونور الدنيه ايدِن ثاني يوم طلعنه للبيت تلكونه بالهلاهل والذبايح وكلها ملمومه للعصر يلا فكو واجت عمه مرايم باوعتلها وشالته باسته واشرت لوتد اجت وتد بيدها خرزة طفل بس بالذهب لبسته وهيه مبتسمه همست الهم
ـ شنو اسمه؟
ـ ايدِن
ـ منو سماه؟
ـ ود
ـ يعيش بجالكم يمه ويم تشوفوه عريس
ـ وانتي حاضرة عمه
ـ انشاء الله

في مكان اخر

ـ عجل يولو حرمه السند وين؟
ـ والله يحبيبه ماادري
ـ شنهي ماتدري عجل واخوك لو سئلك على حرمته شنو تكولو؟
ـ يحبيبه البنوة كالت رايحه لاهلي
ـ وعجل هالكثر تضل؟
ـ اجيبها عود بس انتضري
تقدمت بيدي الصينيه انطيتهم الچاي وكعدت يمهم حجه الأزد
ـ السند رح يدز الجراح يراقب الاوضاع
ـ عجل مايجي هو
ـ موتدرين بي سافر
ـ عجل يمته يرد اشتاگيتله
ـ بعد اربع اشهر
ـ اني حايرة شلون يجي وعشتار هنا
ـ عشتار ماناويه على خير بالله
ـ كلبي موچر من هالملعونه شلنفص
ـ يلا حبيبه كلشي واله حل
ـ دحج زين يالأزد تجيب حرمه اخيك هينا يول لاتنسى هالمال والبيوت الهنا للسند
ـ صار يحبيبه
ـ السند خوما سئل عليها؟
ـ اي كتلو يم اهلها
ـ زين كومي زمرد اخذي زلمتج وكومي من هينا ماتبردون گلبي
ـ يااا حبوبه شبيج؟
ـ دكومي كومي