انــتــقـام غَــيــاهــب

البارت الثامن والثلاثون

بقلم: malak.
"""""""""""

صلوا على محمد واستغفروا

"""""""""""

غياهب: لازمني من خصري وجها قريب عليه مدنك يباوعلي بسبب فرق الطول يتأملني وسارح ونركص سلو اخذت نضرة للصاله الاضاءة خافته وكل شخصين يركصون سوة ادم ورودي الياس وتد سيروان ود اما الباقين يشاهدون رجعت نضراتي محمد يتأملني همس واللمعه بعيونه

ـ ياعوض لتعب سنيني أحبچ

ماجاوبته فقط ابتسمت وحطيت راسي بصدرة متمنيه السعادة لأن بصراحه كلش تعبت نفسياً وجسدياً روحي كلها ندبات وجسمي كله اثار تعذيب محمد يعرف بهاذ الشي وجان جوابه

ـ مارايدج جسد رايدج روح وگلب

طول فترة الركص يهمسلي كلمات غزل تخجلني ابتسم وادنك اله خلصت الحفله نص الليل باسني بجبيني شلت فستاني من الجوانب صعدت فوك دخلت للغرفه وكفت كبال المرايه اتأمل معقوله اجه الوكت وصرت لمحمد رب العالمين استجاب دعائه زين اخاف خطأت بالاختيار بس اتراجع واكول هاذ محمد الصبر 19 سنه محمد مهووس بيه اني اعرفه متملك لأن اكثر من مرة ثبتلي هذا الشي ذكرت الموقف

فلاش باك للماضي

نزلت الدرج اركض وكفني اسد وكفت هو يسولف واني استمعله واباوعله حسيت شخص وكف بصفي باوعت هاذ محمد باوعلنه وحك خشمه همس بشك واضح

ـ شداتسوون؟

همسله اسد عاكد حاجبه

ـ دانسولف بموضوع

محمد حك حاجبه وهمس

ـ اهاا وموضوعك نص الليل؟

ـ محمد ساعه 11 شبيك

ـ لامابيه عزيزي سولف دامني واكف بساع غياهب تعبت موصح؟

باوعتله ضيقت عيني همست

ـ لاماتعبانه

بمجرد نطقتها اندار خازرني بلش اسد يسولف ناقشته وراح اندار محمد يباوعلي صاير اعصاب

ـ شعندج واكفه تتمضحكين وياه

ـ وذا ضحكت