هلا ياقوتات ملاك شلونجن
يلا نساوين اريد تفاعل
نبلش بالصلاة على محمد وآل بيته الطاهرين
اصيرن ريح
لوبيكم تشب نار
واجملكم حطب
لو رتو تطفون
ــــــــــــــــــــــــــــــــــــــــ
وتد :. من وعيت على الدنيه الدنيه تصكع
بينه وغَياهب صح اصغر مني بس هيه
التدافع هيه التصرف كلشي هيه
من ورة وفاة ابوي وغَياهب تموت
من عمامي منعرف السبب شنو دائماً
باعدتنه منهم صح عايشين سوة
بس بعيدين عنهم جان ابن عمي دائماً
يتردد علينه ويسأل شمحتاجين
جانت نضراته اليه بس اغلس على
الموضوع اعرف بغَياهب متقبل لو تنكلب
السماء على الارض لحد مابيوم واكفه
دااغسل مواعين وحسيت شخص وراي
التفتت شفته الياس ابن عمي فزيت
ورجعت ليورة هو باوعلي حك ارنبه
خشمه وحجه
ـ وتد وحق اخو زينب احبج واريدج
باوعتلي واطرافي ترجف تنهدت وهمست
ـ احتفض بحبك لنفسك. غَياهب متقبل
اخالط احد بيكم
باوعلي وتنهد حجه
ـ اني ابن عمج وغَياهب حقها متقبل
لان ماشافت بس الضلم منهم
سكت منتضرني اجاوب عفته ومشيت
مرت ايام وهو يحاول وياي ابد مابطل
مرات يخطر ببالي اسولف لغَياهب
بس اتراجع لحد مابيوم كاعدة بغرفتي
طبت روديان كالبه وجها مبين مقابله
ـ هاج هاي هديه. الياس دزها
اخذتها منها هيه ستوها تريد تطلع
ورجعت لزمتني من ايدي وهيه تحجي
بحدة
ـ غَياهب لو عرفت متخليج سالمه
تعرف بيهم اشرار انصحج
ابعدي عن الشر وغنيله. ترة ميرحموج
هزيت راسي وعافتني وطلعت
تنهدت واباوع للهديه فتحتها دب احمر
وورد طبيعي وخاتم بعلبه حمرة
وكرت اعتراف حب وليجوة مكتوب
رقم الياس ترددت اخابر لولا
كمت سديت الباب ودكيت الرقم
خابرته رن رن وجاوب. بس كلت الو
جاوبني بلهفه
ـ هلا برويحتي
تنهدت وجاوبته
ـ هلابيك شلونك
ضلينه نحجي لحد ماسديته منه. استمرينه
على هالحال. الا ان صار على علاقتنه سنه
كاضينها مكالمات حب وغزل روديان مقابله
على تصرفاتي اما غَياهب ملتهيه مانتبهت
الي لان من تجي ابد مااحاجي بيوم من الايام
كاعدين بالحديقه نشرب جاي بس النسوان
اني وامي وروديان وود وغَياهب ومرت عمو
سيف وهج فطيرة بشكل بس تضحك
تنهدت غَياهب وحجت
ـ رح استقال من شغلي
باوعنالها وبداخلنا الف سؤال حاربت يلا دخلت سلك عسكري شعجب رح تستقال
وصدك ثاني يوم قدمت استقاله سألوها
السبب كالت اريد اسافر ماتقيد نقبلت
الاستقاله ونشالت الرتب من كتف غَياهب
رجعت غَياهب ونضراتها لعمي حيدر حقد
روديان: مرت ايام على استقالت غَياهب
كعدتلهم كعود بالبيت كامت تسوي مشاكل
بينهم عمي حيدر كتل مرته مرتين وصلها
للموت وغَياهب متشمته بيهم نوب رجعت
لنسوان عمامها تحرض بيهن على ام علي
مرة من المرات شافت نسوان عمها يشتغلن
وطبت ام علي ترزل بيهن وطلعت غَياهب
كالت الهن
ـ عاجبجن هالوضع باقيات خدامات هسه تتعب بشرتجن وملتهيات بالجهال ومن
تهملن ازواجن لان مملحكات ام علي تزوجهم
كامت تحش براسهن لحد ماكلبتهن على
ام علي كامن يكرهن ام علي ويحبن غَياهب
هنة صدك عبالك خدامات ام علي حاطه
نضام الهن ينزلن ب 7 الصبح ومايصعدن
لغرفهن لحد 12 بالليل ومايطلعن من المطبخ
حته الضهر من يردن ينامن كون بالمطبخ
نوب رجعت لمرت عمي حيدر. تحش براسها
رجلج يمكن مزوج عليج رجلج وين يودي فلوسه رجلج رجلج لحد ماكلبت المرة
خلتهم يوميه عركه لحد مابيوم طب عمي
حيدر وياه مرة حامل سئلناه منو
ـ مرتي شموخ حامل وجبتها هنا. اخاف عليها
أنت تقرأ
انــتــقـام غَــيــاهــب
Ficțiune generalăمَشاهد ــــــــــــــــــــــــــــــــ الكل وكف وبالعين لساناتهم منتضرين دخولها فجأة رن بمسامعنا صوت طكه كعبها طبت بلبسها الرسمي الاسود والنار تجدح بعيونها تقربت للجد فهاد وموجها اصبعها السبابه بتحذير ـ اذا صار عليها شي امحيك انتَ وكل نسلكم. لاتضن...
