انــتــقـام غَــيــاهــب

البارت التاسع والعشرون

بقلم :ملاك الفهد

چا لِشوڪت يبقه التَعب بينه؟
مو صرنا نخاف نباوع بـ المرايه
لأن ڪل يومم تتغير مَعانينه  .
""""""""
غياهب: . مات؟
ـ اي والله
سديته منه وبالي تشوش زين من سمعت بي مات ليش ماكو شعور اتجاها ليش قتلو مشاعري شنو ذنبي اتلطخ بدمهم وسوادهم كل هاي الافكار براسي كمت لبست اسود وخابرته للضابط
ـ كولي غياهب
ـ بلغ اهله بموته
ـ ماتحضرين؟
ـ مااحضر هسه
ـ تمام
سديته وهو بدورة بلغهم والتليفونات تركع عليه يبلغوني تمددت على السرير رفعت نضري فوك نزلت دمعه حارة مني ـ اجه الوكت وكل شخص شرب من نفس الكاس اجه  صوت اشعار لجهازي
فتحته من السند كاتب رساله بيها
ـ من منو هاذ الطقم الالماس بالعقيق؟
صفنت ضحكت بمكر كتبتله
ـ من حبيبي
ـ خرب شرفج لاتكفريني رحمه للكائنات
ـ سئلتني وجاوبتك شبيك
عفت الجهاز مابيه حته اسمع ردة رجعت صفنت اريد اغمض مااكدر عبالك ملح بعيوني صداع قوي الم بجسمي يذبح ماحسيت الا واني غافيه وين يلا كعدت فزيت دنيه غروب كهرباء ماكو جسمي ووجهي كله مي شعري لازك بوجهي كمت واني اتلمس الحايط والاغراض واهمس بصوت خافت جداً اعبر
ـ شنو هاذ الحض؟ 
بعدني داامشي واتلمس طفرت بوجهي بزونه سودة عيونها تخوف صرخت
ـ يااااااعلي دخيلك
بساع اشتغلت الكهرباء كعدت بالكاع اتلفت ادور على البزون ماكو جسمي يرجف حلكي نشف كلبي بطأت دكاته شوي وكمت اغسل طبيت للحمام دنكت على المغسله اسند نفسي عليها حسيت شي خطف وراي رفعت راسي اباوع ماكو شي اتعوذت من الشيطان سبحت وطلعت جريت جهازي باوعت رسائل هواي على الواتساب مابيه افتح واشوف الاشعارات على التطبيق طالعه 89 رساله من 9 محادثات. شمرت الجهاز ونزلت البيت فارغ ماكو احد دورت ردت ماكو احد شفت الساعه ب 8 صعدت بدلت واخذت سويج والجهاز وطلعت النيه جانت اطلع مطعم ماحسيت على نفسي الا واني اقرة
ـ بغداد ترحب بكم
تنهدت وطبيت لبغداد وجع براسي قوي جسمي يرجف رحت لليرموك لشقتي صفيت السيارة وصعدت لشقتي لاكاني ولد جيراني يعرفني بس مااعرفه
ـ الباقيه بحياتج ست غياهب
حطيت ايدي على صدري واني اجاوب
ـ حياتك الباقيه عزيزي
ترخصت وفتحت باب شقتي تنفست براحه طبيت سديت الباب شغلت الكهرباء حطيت الغراض على الكاونتر
وتوجهت للغرفه بدلت لبست بدي ربع ردن اسود قصير لنص البطن وبجامه جارلس طويله كلش وعريضه رفعت شعري كبايه وتوجهت للمطبخ بلشت اتبل الدجاجه اجه على بالي دجاج كملتها وحطيتها بالفرن تقدمت اخذت سطل مي وبلشت انضف الشقه كملتها عطرتها وشغلت المبخرة شغلت الشاشه على مُناجاة العاشقين بصوت ميثم التمار رحت طلعت الدجاجه من الفرن عفتها بالسليفون اخذت ملابس مقاربات للي لابستهن وطبيت سبحت طلعت لفيت شعري بالمنشفه رحت احضر مقبلات وي الدجاجه اندك جرس الشقه عقدت حاجبي منو يجي محد يعرف اني موجودة تقدمت فتحتها باوعت جنطه سفر مديت راسي اشوف منو
ـ لكك هلا بـعَـزيـزة روحـي
باوعت هاذ السند تقرب حضني حيل وهو يبوس براسي حضنته وهمست
ـ الحمدلله على سلامتك عيني
ـ خاب كبر لاتكولين عيني
ـ لعد؟
ـ كولي حبيبي عمري روحي ذن بشنو مقصرات وياج؟
ـ طب وطبب الجنطه
سحب الجنطه وفات جوة صاح وهو يتقدم للمطبخ يباوع شداسوي
ـ ولجج شنو هاي الريحه تجنن
ـ اسبح بين ماعدل الجنطه حته ناكل
راح اخذ ملابس وطب يسبح صاح
ـ غياهب جيبي المنشفه نسيتها
سحبت المنشفه ودكيت الباب فتحها سحب المنشفه وسحبني من ايدي جلبت بالباب هو يعت بيه واني ارجع
ـ تعالي شوفي شبيج
ـ خااب وخر
وماوخر حرت شسويت ماوخر باوعت وراه فتحت عيني بصدمه فز يباوع وراه فك ايدي وخرت وضحكت اهمس
ـ كمل سبح حبيبي ماكو شي
ـ خرب شرفج خوفتيني عبالي شو منو
ـ لاتخاف اضحك عليك
ـ شنو مضحكه اني؟
ـ حشة المضحكه منك
فتح عينه بصدمه يباوعلي رحت للمطبخ اصب شوي وفات اجه وراي حضني واخذ من ايدي ينقل للميز كملنه كعدنه ناكل بهدوء همس وهو مدنك
ـ يومين ونروح للخضراء
ـ ليش؟
ـ لبيتنه
ـ تمام
كملنه كمنه غسلنه رجعت اشيل المواعين وهو خله الچاي على النار والچكارة بحلكه سحب المواعين ووكف يغسلهن وهو يدندن بقصيدة كعدت على الميز اتأمل المنضر الحلو كمل المواعين انتقل يصب چاي صب كوبين  خاطهن واجه قدملي واحد جر كرسي وكعد بين رجلي صرت اني كاعدة على الميز وهو على الكرسي جوة اخذت رشفه من الچاي وهو يشرب ويباوعلي بشرود
ـ خجلت ترة لاتضل تباوعلي
ـ اويلي عليك زمو
ـ شكو ؟
تقرب يم اذني يهمس بصوت خافت
ـ شَكر بگاعج يمصكوعه
دنكت راسي ماعرف شنو اجاوبه اول مرة اخجل مو من عوايدي اخجل
ـ هيج چثير مرة وحدة غياهبي تخجل وماتجفص
ـ دنجب واسكت
ـ حسدتج؟
ـ اسكت لك لاتدوخني كمنه وبيدنه كوابه الچاي توجهنه للصاله نباوع كعدنه على التخم سحب الريمون دايكلب الفيديوهات طلعت قصيدة لباسم الكربلائي ماذنب طفلي هاي القصيدة ادمان احسها توصف شعوري من نقتل دلهام دلهام اني ربيته موروديان روديان جانت ملتهيه بفراك ادم ربيته وتعبت لحد ماصار سنتين قتلته ام علي بلشت اسمع للقصيدة ودموعي  تنزل نار السند يباوعلي مقهور اخذ الريمون عبالي رح يعلي الصوت والله هاذ ضني كام شغل هجع انداريت اباوعله فاكه حلكي
ـ والله جثير انقهرت عليج لاتبجين يولو اني اسويلج طفل
ضربته بقهر وهو يهز راسه مقهور ويباوع هجع باوعلي وحجه بحماس
ـ ولج يولو اركصيلي هجع كله بالخناجر
ـ وذا دچيت نفسي؟
ـ بالزايد خمس خياطات لخاطري
ـ دكوم لك
باوعلي صفح جر چكارة ورثها وشربها روحي دنت عليها مطيت نفسي سحبت الباكيت وجريت وحدة ورثتها وسحبت اول نفس هو يباوع عليه. مصدوم
ـ ولج غيهبه؟
ـ اي ادخن
ـ اووكفي ولج شو ماالج رداد
ـ اي ماالي
ـ صدمتيني غياهب
ـ بأخلاقي؟
ـ للاسف اي
ـ اخلاقي اسفل السافلين حُب
ضل يباوعلي واني ادخن اخر شي جرها عصرها بيدة وهيه مشتغله ضليت اباوعله ببرود قاتل جريت الچكارة من حلكه سحبتها لايدي وبلشت اجوي بيها سحبها بساع وهو ينتر بيه
ـ شبيج غياهب رح تتأذين ماتحسين؟
ـ السند
ـ عزيزة روحه
ـ تعبانه كلش
ـ ريت التعب بيه ولابيج
شعوري جان مثل جبل ونهد رميت نفسي بحضن السند واشهك هو يطبطب على ضهري ياااعلي ياشعوري شكد مؤذي اتمنه انام حته اخلص من شعوري اكعد الصبح نفس الشعور يلاحكني طول اليوم اني تعبانه كلش بس من شنو؟ مااعرف روحي التوجعني دااذبل يوم بعد يوم كل الاعرفه تعبانه اريد اموت الموت ارحملي والله خلصت طاقتي وماعدت اتحمل بعد بجيت ودنكت 
ـ شبيج غياهب سولفي
ـ تعبانه
ـ من شنو؟
ـ ماعرف
عفته وكمت للغرفه يااربي والله شعوري مثل الطير المذبوح او مثل بلاع الموس اذا بلعه يتأذة واذا طلعه يتأذة لااكدر اكتم لان اتأذة ولااكدر اسولف هم اتأذة كعدت للكاع اشهك صرخت بوجع نابع من روحي كد ماكتمت وتعبت منه
ـ يااااااارحم الراحمين رحمتك وسعت كل شيء ماتوسع وترحمني ؟ اللهي وعزتك وجلالتك تعبت اخذ روحي هاي الفترة الدااعيشها هيه قلق نفسي والصار بمرور الايام تعبت حيل وجهي ذبل شعري وكع خصل خصل شهيتي انقطعت طول اليوم غثيان وقلق شعوري بالقلق مثل الام اليكولولها اخر ساعات لابنج بالحياة هيج شعوري لزمت جهازي احتاج افضفض راحت ايدي على حساب صديقتي دخلت
ـ هلو شلونج اخبارج
ربع ساعه وماجاوبت كتبت
ـ ملاك موجودة؟
شوي وجاوبت مبين تعبانه من كلامها
ـ هلا غياهب اي موجودة
ـ شلونج؟
ـ الحمدلله وانتي ؟
ـ موزينه ملاك
ـ شبيج يحيلي
سولفتلها كلشي وهيه ساكته تستمع
ـ غياهب انتي جايبه الحزن الروحج
ـ شلون ؟
ـ كل الاذوج والاذو اهلج تعاقبو وكتال ابوج نقتل بنفس الطريقة عندج زوج يحبج بس انتي رافضه تتأقلمين
ـ والحل ؟
ـ عيشي حياتج الزوجيه وكوني اسرة والباقي على ربج تعبتي لاجلهم اجه الوقت التردين صبر السند الج
ـ شلون؟
ـ السند صبر هواي وماجبرج على شي عافج براحتج هسه اجه الوقت تجازي
سولفنه عادي بس هيه مدري شبيها نهينه كلامنه شوي وخلت ستوري
ـ .اواسي غيري
وانا بيهه الوجع نَفسه
وادور الغيري ڪومه حلول
وحل ما لاگي الروحي ليهسه .
تنهدت واني اعرف بيها تعبانه ومهمومه بس ماتحجي شي اعرفها كتومه حيل
وصدك مشيت بنصيحه ملاك وهنا حسيت حياتي بدت تتحسن رجعنه للخضراء البيتنه وانطيت فرصه للسند يكون زوج فعلي موبس بالاسم يومين ورحنه للغربيه طول الطريق ساكتين نسمع مُناجاة بصوت اباذر طبينه الغربيه نزل السند للسوبر ماركت شوي واجه بيدة علاليك مال حلويات اجه صعد حط علاكه بأيدي وساق شوي وصلنه نزلت والسند يركن السيارة اجت تركض زُمرد حضنتني وبقينه واكفات اجه السند ابتسملها ردتله الابتسامه وهمست
ـ شلونك يبعد اختك ؟
ـ يبعد اخوج الحمدلله وانتي شلونج
ـ الحمدلله نسئل عليك 
بعدنه نسولف واجه الازد بهدومه السود ضحكت السند وصاح
ـ انهم ابطال جهاز مكافحه الارهاب
تقدم الازد يمشي ويضحك حضن السند
ـ مبروك الترقيه يبعد اخوك
ـ عيني انته والله شلونك اخبارك
ـ نسئل عليك
واحنه نتمشى جوة همه يسولفون انفتحت باب المطبخ طلعت عشتار
ـ يمه هلا بالسند يبعد عيني شلونك
ـ الحمدلله وانتو شلونكم
ـ بخير نسئل عليك
ـ عساكم بالخير
طبينه جوة راح هو والازد يسلمون على الحجيه فيروز عفتهم ورحت اسلم على ام السند اسمها خديجه طبيت لغرفتها لكيت الجراح واكف يداهرها طبيت
ـ هلو عمه شلونج اخبارج
ـ هلا بعد عمتج الحمدلله وانتي
ـ امي شبيها مرة تريد رجل
ـ ولك يمه اسكت كافي عيب
ـ موتي ابوي من سوالفج
ـ يااا يمه اني؟
ـ عشرين سنه ماخذته فلاحه ملاچه من اهله وباعدته عنهم عمت عيني مات وهو بحسرة اهله مااستچنيتي وكعدتي
دايحجي وطبو الازد والسند هو كمل يداهر امه وعمتي مفرفحه
ـ نسوان ماتستچنن تلوموني من طلكت عائشه
ـ دنجب واسكت خانتك وطلكتها
حك راسه ودنك يباوع لحذائه همس
ـ لوما السانك محد هانك
رفع راسه وضحك بينت غمازته
ـ لج هلا بغيهبه شلونج اخبارج خوما هاذ مضوجج خيولي لاتهتمين اطلكج وازوجج تاج راسه وتخلفين طفل وتعيشين حياتج
ـ اختصرت كلشي
ـ اطلكج منه يلا كومي بدلي بساع
ـ هيو شبيك شو خرطت كلشي لااكوم اشك حلگك
ـ اكرمني بسكوتك
ـ رح اجي افلش وجهك
ـ لخاطر الواكفين رح اعوفك واسكتلك
ترخصت وطلعت رحت للمطبخ اجت زُمرد واخوات السند اشجان وشجن
تقربن باسني واخذن من خاطري وراحن باوعتلي زمرد وسحبتني كعدنه سئلت
ـ جدج شلون مات؟
تنهدت واني اباوعلها شأجاوب همست
ـ نسجن ومن سمع بمدة السجن ضربته سكته قلبيه ومات
ـ منو كالج؟
ـ صديقي الضابط
هزت راسها كمنه هيه دخلت للمطبخ واني ضليت افتر بالبساتين سمعت صوت صفير وراي تجاهلت سمعت
ـ اخخ الله غصن ريحان
اتلفتت اباوع هاذ اخو عشتار همست
ـ هيو شبيك
ـ اخذتي گلبي عشعشتي براسي
ـ عيييع دشوف شكلك لو حلو بيها مجال وجهك ترة ماينطلع بي للباب
سمعت زمخه السند بي تقرب لزمه من ياخته كور ايدة وركعه على وجها
ـ كو،،،د يانكس عينك على حرمتي ماكفاك السويته قبل بشجن ادبسز بالله اذا شفتك هين لو حته بالبستان ادفنك بأرضك ومحد يدري جلب ومات
هو يحجي وذاك يهز راسه لحد ماعافه ذاك راح يركض طلع لبيت بعيد عن البستان اندار يباوعلي حجه معاجبه
ـ بالله لو حلو تسمحيله يتمادى؟
ـ حرامات لوحلو
ـ كبرتي بعيني بس بعرتيها من كلتي لو حلو بيها مجال
ـ رأيك مومهم
هز ايدة عافني وراح جوة طبيت اتمشى واتبختر بمشيتي اجت زمرد على راسها صينيه بيها شنگ تريد تخبز رحت وياها للحديقه الخلفيه شغلت التنور وكفت اخبز وياها ونسولف اخر شي سئلتها
ـ اكلج ذاك البيت مال منو؟ مساع اخو عشتار راح بي
ـ بيت اهل عشتار
ـ وليش هيج بعيدين؟
ـ ام عشتار سحارة يخافون منها
ـ بيت عيالها ماتأذيهم
ـ تأذي السند
ـ ليش
ـ السند كتل عمه زوجها
شهكت وكعت الكرصه مني باوعتلها
ـ ليش؟
ـ من جان خاطب عشتار ابوها راد يعتدي على ام السند هو كام وكتله
ـ شلون كتله؟
ـ شال الطبله الكزاز نومها براسه
كملنه واني بالي شارد ضليت يومين هيج السند يسئلني اجاوبه نعسانه. دك جهازي رفعته باوعت الوتد جاوبتها
ـ ولج لحكي
كمزت حلكي نشف كل ضني احد مات
ـ شكو؟
ـ ابن منسه متعارك واهل الولد من الجنوب جايين هدادة تعالي
سديته كمت بدلت واخذت سيارة السند وطلعت لبغداد طبيت بغداد توجهت للخضراء لاهلي وصلت قبل الناس طبيت لكيتهم كلهم ملتمين حته السيد والياس وادم محمد دايدخن عمو سيف صافن طبيت سلمت ردو السلام كعدت صحت لابن منسه يطلع عمرة 17 اجه كعد مقابيلي يسولفلي ونضراتهم كلهم علينه هو مومثل امه هو حنين
ـ غياهب والله هو غلطان ممسويله شي طبيت دااشتري همه بالاسواق طبت طفله داتشتري انطته الحساب سحلها يريد يعتدي عليها اجيت دفعته اريد انقذ البنيه خطيه زغيرة كام ضربني رجعت ضربته واخذت البنيه وطلعت اركض وصلتها لاهلها واحنه على الباب سولفت لابوها ودزي عليه واسئلي
هزيت راسي متفهمه الموضوع نص ساعه واجو طبكت ثلاث سيارات نزلو كلها ولد شباب كيكي محفحفين ويطكون بالعلج البناطير للنص طبعاً بيهم بالعشر شباب هيج وثلاث زلم لا لابسين دشاديش ومشيبين دخلو للساحه الكيكي يعيطون بصوت انثوي
ـ اطلعو ادبسز وينكم عيني
ـ اووف حارة حيل اطلعو بساع
اتلفتت اباوع السيد يستغفر الولد يضحكون ويتغامزون ومحمد كاعد على اول بايه بالدرج وفاتح حلكه عليهم
طلعت الهم وطلعو الولد وراي حجيت
ـ تفضلو احجو العدكم
حجه واحد كيكي شعرة برتقالي
ـ ابنكوم ضورب ابنه وابنه تأذى وهاي كلش مامسموح بيها
ـ وهسه شتريد؟
ـ نريد نوضرب ابنكم
ـ تحترم نفسك دايس عتبة بيته
ـ لاابنكوم كولش اذة ابنه
ـ مصاريف العلاج عليه
ـ منريد فلوس علاجه
ـ لعد
تقدم وكف قريب عليه وغمز حجه
ـ نريد ليله وياج
بمجرد ماحجه هيج صفكته راشدي
ـ احترم نفسك وبعدين شأنطيك ليله ليش انته رجال؟
تقربو الولد رادو يضربو اشرتلهم لا تنحسب علينه هاي دايس بيتنه ونضرب
هاذ الكيكي ضل يصرخ
ـ اذيتو ابنه والله الا ااذيكم وبذات انتي
تقربت يمه همستله
ـ المَو رجال لا يسترجَل بگاعي .
عفته ورجعت ليورة اشرت لمحمد هو ابتسملي سوالي حركه بخشمه وتقدم
ـ يابه انطي مجال للكبار تحجي شبيك تهوبز مو ذوله زلم واكفين خل نفهم
تقدم واحد من الزلم ابو الدشداشه وضل يحجي بتموع صفنت والدشداشه؟
ـ عيني ابنه تأذة والسبب ابنكم ايشي يصير لابني انتو تخسرون
ـ اوكف ابو العيني ترة ابنكم غلطان
ـ لا ابنه ممسوي شي
ـ عندي شاهد ابو البنيه والكاميرات مال السوبر ماركت وصدك اجه الرجال وجابو تسجيلات الكاميرا وطلع الحق ابنهم الغلطان  تعذرو وراحو حجه ادم
ـ اووف محمد  شلون صيدة ذوله
ـ تلزمهم صباحي
عقجت وجهي والسيد يستغفر حجه محمد وهو يضحك ويباوع للسيد
ـ بذات انته غاسل ايدي منك
ـ شمسوي يُبا؟
ـ ماارتاحلك
ـ السند موراحه مواني
بمجرد ما جاب طاري السند محمد كلب وجهة وضل يباوعلي بشرود همس
ـ لاتحجي على السند
حجه السيد مصدوم من محمد
ـ من شوكت تحبه؟
ـ حبيته على حبي لغياهب
باوعلي السيد ودنك ومحمد صافن عليه خرب شرفك محمد فاضحني بينهم
بلشنه ننسحب جوة  اجت بنت حيدر تركض ناحيتي

يوزر انستا :_g4eq_

بارت طويل لعيونكم واعرف قصرت وياكم بس اعذروني مريضه كلش

في امان الله وحفضه

تعليق وتصويت لطفاً تشجيع لتعبي