عَوض مـِن بـَعد عـَذاب!.
#بـقَلمي_زَنـايب.
************
اجة اليوم الي اخذت الخبر الصاعقة بـ النسبة الي....
اجة آسر وڪالي انو سلوا وزوجها قرروا ياخذوني ويسافرون لـ مڪان بعيد لمده ڪَم سنه من تهدء الاوضاع!!
وقتها لـ عمري الصغير مافهمت الي يقصده آسر وڪلتله بغباء وفرحة..
_قَبَس: يعني خلاص ࢪاح يرجعوني لـ اهلي؟
ضحك آسر بـ استهزاء وڪال..
_آسر: انتِ اول المغادرين وياهم.
تلاشت الفرحه من وجهي وڪل عاده بقيت ابچي.
آسر چان يحاول يسڪتني لحد ما دخلت علينه العجوز سلوا ڪمشتني من شعري وشمرتني بالڪاع وحطت السچينه ؏َ حلڪي حچت وياي بـ اسلوب شَديد وڪالت..
_سلوا: اذا متسمعين الڪلام راح اذبحچ.
تمنيت لو اڪدر بوڪتها اشتمها بصوت عالي لڪن لساني المشوة ماراح يطلع الڪلام بشڪل صحيح ابشع انواع الغضب هوَ الغضب الصامت.
مَرت الايام بشڪل مُمل وچان آسر يطلع الصبح ويرجع بـ الليل يروح يتسول (يجدي) .
تعجبت من حال آسر وليش ماچان يشرد وهوَ يطلع ويجي بڪيفة!
ألا ان اجه هذاك اليوم وڪعد آسر يمي و استغليت الفرصه وسألتة..
_قَبَس: ليش انتَ هنا و وين اهلك ليش متروحلهم?
وطبعـًا چنت اعاني يلا اطلع الڪلمة من حلڪي.
_آسر: اسڪتي.
لڪن اني ماسكتت واصريت عليَ انو يحچي، رَد عليَ بعصبيه وڪال..
_آسر: انيي ماعنديي اهل اهلي بـ اليمنن.
_قَبَس: طَيب اذا اهلك بـ اليمن انتَ ليش هنا؟
_آسر: مااريد احچي عن شيء لتزعجيني بـ هاي الاسئله.
ماچان قصدي اجرح آسر ابدًا مجرد جان عندي فضول اعرف هوَ ليش باقي هنا بـ رضاته وهمَ منطينه مطلق الحريه يفوت ويجي ويطلع وحده!
لاحظ آسر ملامحي من اتغيرت بسبب ردة فعله ڪأنوا تضايق من طريقه ڪلامه وياي سڪتنه شويَ وبعدها ڪال آسر...
_آسر: ابويَ سلمني لـ أحد المُهربين مقابل 3 ملايين...
تنهد آسر وباع للسڪف وبعدين ڪَمل..
_آسر: احنى عائله ڪلش ڪلش فقيره وابويَ قاسي وشديد علينَه جنت اني الولد الوحيد بـ العائله والبقيه 4 بنات ابويَ ماجانت عنده القدره حتى يوفرلنه حاجاتنه الي نحتاجها ماجان يكدر يوفرلنه الاكل أو حتى مستلزمات المدرسه ولهذا السبب ماجان يخلينه نداوم وجان يجبرنه ؏َ الشغل واحنى صغار ولهذا السبب قرر يخضع لـ اسوء الحلول و يبيعني للمهربين بـ البدايه ابويَ من راحله جان يريد يطلب منه سَلف بس المُهرب رفض وعرض على ابويَ فڪره قذره يستخدمها وي العوائل الفقيره طلب من ابويَ ينطي احد من اطفاله مقابل 3 ملايين ويرسله لـ العراق يشتغل وبعد سنه يرجعه مرا ثانيه يڪون الدَين انتهى على ابويَ اضطر ابويَ انو يوافق بعد ما ضغط على نفسه وعلى امي الي جانت منهاره وتبچي ترجته واتوسلتله بس الفقر جان أشد و اختاروني لان اني الولد الوحيد بـ العائله، وبعدها هربوني وي عشرات الاطفال الي مااعرفهم اڪثر من 10 ايام صعبه وچنه خايفين ومرعوبين من دون اهلنا مَر شهر ڪله ضرب وتعنيف من المُهرب، وصلنه لـ منطقه اسمها (جده) ماجنت مصدك الي تشوفه عيوني من جمال المدينه وتطورها بس انصدمت وانهاريت من عرفت انو اني وصلت لـ عصابه تسول الي يقودها هل شايب وزوجته سلوا ومو علمود اشتغل شغل بي حظ مثل ماڪال ابويَ المهرب القذر الاستغلالي ڪالي انو راح اشتغل شغل شريف لكن خلاص طاح الفاس بـ الراس ماڪو مجال انو اتراجع اتعلمت بسرعه واشتغلت وياهم علمود اڪدر اساعد ابويَ بتسديد الديون الي عليَ وارجع لـ اهلي.
