عَوض مـِن بـَعد عـَذاب!.

part 7

عَوض مـِن بـَعد عـَذاب!.

#بـقَلمي_زَنـايب.

لاتنسون التصويت+التعليق بين الفقرات+مُتابعه للحساب✨.

**************
آسر: يا قَبَس سرقوا الشقه وحركوها و الزوجين نايمين داخلها ولڪوهم متفحمين..

اعتقد ماڪو داعي اشرحلڪُم وضعي من سمعت الخبر..

بچيت بچيت بچيت ورحت رڪض للغرفه و واصلت البچي بحرڪه ڪرهت نفسي حسيت انو اني السبب بڪل هذا.

سمعت صوت الباب وصوت الحقير ابو آسر الي يرجع ڪأنوا راجع من انتصار طلعت من الغرفه ولڪيته كاعد يم آسر..

رحت اتهجمت عليَ واني اضرب بي واگول..

_قَبَس: لييشش هيجج سويتت هاي لان ردتت اشرد واخلص منكك ليش ليشش؟؟؟!!

اجه ابو آسر وراد يضربني لان تهجمت عليَ بس آسر منعه، ابو آسر بده يڪبر وآسر صار اضخم واقوه منه فـ آسر چان يڪدرله ويڪدر يمنعه..

هل يعقل انو الشخصين الي چانوا طَيبين وياي يموتون!

لا وموتتهم بشعه واني السبب!

چنت ابچي واضرب نفسي والعنها والعن ابو آسر.

آسر چان يحاول يهدأني بس بدون فائده انهارييت..

هاي الحادثه چانت نقطه تحول ثانية بـ دماࢪ نفسيتي بعد حادثه تشوه لساني بـالبدايه من چنت عند سلوا.

مَرت الايام واني چنت ماافارك مڪاني چنت بس كاعده بـزاويه الغرفه وساڪته لا اكل ولا شرب حتى آسر على غير العاده ماچنت اطيق احچي ويا وچان واضح على آسر انو حزين بسبب هذا الشيء..

وچان يحاول يحچي وياي بكل الطرق ألا ان اتجاوبت ويا بعد صمت دام اسبوع..

فرح آسر كلش من حجيت ويا وحسيته چان مستعد يجاوب أي سؤال اسئله أله بس علمود احچي ويا..

_قَبَس: آسر ليش صارت ڪل هاي البشاعه للزوجين شنو السبب؟

جاوب آسر بحزن..

_آسر: كلتلج قَبَس ابويَ مستعد يسوي أي شغله حتلوا مو زينه بس علمود الفلوس مايهمه مدا بشاعه الامر وهل مرا چانت الضحيه الضابط وزوجته، زوجته مالها دخل بس هيَ دفعت ثمن وجودها وَي زوجها ورفضت انو تعوفه وسط التهديدات الي چان يتعرضلها الضابط والهذا السبب طلعوا اولادهم برا البلد علمود يحموهم.

سألته واني اريد الجواب بشده..

_قَبَس: زين ليش يريدون يڪتلونه هوَ غير ضابط افغاني!

_آسر: هذا احد ضباط الجيش الافغاني الي ساهموا بقتل هواي من الطالبات..

باوعتله بصمت وحرڪت ايدي بمعنا مافهمت شيء..

سوا آسر ڪلامه بشڪل مبسط وڪال..

_آسر: طالبات مجموعه من المقاتلين المتشددين دينيـًا يقاتلون الامريڪيين وڪ من الي يعاونهم وعلى راسهم رجال الشرطه و الجيش وغيرهم من الحكومه الافغانيه وهمَ تعرفوا على هويه الضابط وعلى بيته وقرروا ينتقمون لـ زملائهم الي انقتلوا بسببه وڪلفوا معارفهم انو يدورون على احد يساعدهم و وقع الاختيار على ابويَ الي استعملچ علمود ينفذ عملته الخبيثه استغل حاجه زوجه الضابط للخادمه وارسلچ الهم.