عَوض مـِن بـَعد عـَذاب!.

part 11

عَوض مـِن بـَعد عـَذاب!.

#بـقَلمي_زَنـايب

لاتنسون التصويت+التعليق بين الفقرات+متابعه للحساب🤍.

              ********************

لملمت نفسي وڪمت على مصدر الصوت الي چان طالع من الصاله وڪفت واني مصدومه من لڪيت البنت هاي منهاره وتبچي وتضرب بنفسها
وآسر چان واڪف يمها بدون مشاعر ڪأنوا جماد وڪامش بأيده مسدس وابو آسر امدد بالڪاع وڪله دَم!...

آسر ضرب طلقه على ابوه علمودي انتقامـًا الي..

صارت بيَ رعشه وصرت ارجف وڪلبي راح يطلع من مڪانه من قوة نبضاته..

بدون لا احس رحت رڪض لـ آسر واخذت منه المسدس واني اصيح عليَ واڪله ليش هيچ سويت راح يسجنوكك..

ماڪطع صوت الصياح بالصاله ألا صوت الباب وهوَ يندك، راحت زوجة ابو آسر وهيَ تبچي وفتحت الباب وچانوا رجال الشرطه اليمنيين
و وياهم الجيران الي صوت الطلقه اربڪهم وخلاهم يطلبون الشرطه..

بس المصيبه السلاح.. السلاح چان بأيدي وابو آسر امدد بالڪاع وڪله دَم وهذا الي خله رجال الشرطه يقبضون عليَ أول صابني الخوف
خوف ماحسيت بي من قبل

انصدم آسر وحاول يتدخل ويبعدهم عني وهوَ يصيح ويڪول..

_آسر: عوفوهاا اني الي كتلته واللـه اني كتلته هيَ مالها علاقه...

وما چان عندهم قرار ثاني ألا انو ياخذونه اني وآسر..

سألوا زوجة ابو آسر شنو صار وڪالت..

_زوجة ابو آسر: هُم السبب هُم الي خربوا بيتي.

اخذونه ورڪبونه بسياره الشرطه واتوجهوا بينه لـ مقر الشرطه

الي مثل ابو آسر مايستاهل ألا الموت دمر حياتي ودمر حياة ابنه آسر وحياة الضابط وزوجته الي بعمري ماراح انسه حنيتهم..

ودمر حياة بناته الـ4 الي باعهم وزوجهم غصبـًا عنهم..

چنت اتمنه الانتقال منه فعلًا بس مو بهاي الطريقه..

وصلنا لـ مرڪز الشرطه ونزله من السياره وبدوا يحققون ويانه، چنه اني وآسر نڪول شيء وبصمات المسدس تڪول شيء ثاني..

وچان هذا آخر لقاء بيني وبين آسر المسڪين لانهم حطوني بسچن وحطوا آسر بسجن ثاني وما تجمعنه ألا التهمه..

احد المتطوعين لـ حمايه الاطفال اتطوعلنا بس للأسف القضيه چانت تاخذ منحنا صعب والي زاد صعوبتها اڪثر هيَ شهاده زوجه ابو آسر شهدت ضدنه وچانت مُصره بأعترافها انو اني الي ڪتلته وانو آسر هوَ الي خطط وياي وساعدني انو اڪتله وهوَ الي انطاني السلاح..

چانت تريد تتخلص مني ومن آسر بس علمود تاخذ الورث الها، هذا الي ڪاله الي المحامي الي چان يساعدنا..