عَوض مـِن بـَعد عـَذاب!.
#بـقَلمي_زَنـايب.
لاتنسون التصويت+التعليق بين الفقرات+متابعه للحساب✨.
***************
ألا ان اجه هذاك اليوم الي لازال عالق بـ ذاڪࢪتي...
چنت واڪفه يم آسر ڪدام بيتهم الشعبي وشفنه شاحنه صغيره و بـ الصندوك مالتها اڪو 10 اطفال نصهم بيهم اعاقات مُختلفه حزنت هواي على وضعهم چانوا چنهم الواح خشبيَه صامته بس على هيئه اطفال مايبچون ولا يحچون ولا حتى يتحࢪڪون..
ڪتلوا طفولتهم وما رحموهم حتى على اعاقتهم، وصلت سياره صغيره وڪفت يم الشاحنه الي چان بيها اطفال دققت النظر عليَ بس احس شڪله مو غريب عليَ وجهه مألوف!
مافاࢪڪت عيني وجهه ألا ان حچه وصافح ابو آسر وابتسم بس ابتسامته هذيچ چانت ڪأنوا واحد ضربني على وجهي..
اتذڪرتهه استحاله انو انسى هذا الوجه...
هذا هوَ نفسه الࢪجال المصري الي چان ڪاعد وراي بـ الطياره من چنت وَي سلوا وزوجها...
الغبي الي افسد محاوله نجاتي منهم، چان هوَ الي يأمر و ينهي..
لاحظ آسر انو ماچنت بخير فسألني..
_آسر: قَبَس شبيچ!
ڪلتله بهدوء...
_قَبَس: اني شفت هذا الرجال من قَبل بأول رحله ألي وَي سلوا وزوجها چان ڪاعد بالمقعد الي وراي..
رَد آسر بصدمه وڪال...
_آسر: هذا من اشهر المُهربين من الجنسيه المصريه و يڪلوله (ابو مُصطفى) ارهابي سابق أله سوابق ڪلش هوايَ فـ قرر يشتغل بهذا المجال لان بنضره انو اسهل وبي ربح هوايَ من الفلوس وابويَ يتعامل ويا من مده طويله وهل مصري يهرب اطفال من جنسيات مختلفه لـ العراق وطبعـًا يڪون بمساعده المُهربين اليمنيين
والاخطر من هذا يا قَبَس هيَ تجارته القديمه الي عافها هيَ (بَيع الاعضاء).
سألته بصدمه وحيࢪه...
_قَبَس: اعضاء شلون يعني اعضاء؟
_آسر: موضوع طويل يا قَبَس صعب انو اتفهمي بس هوَ بأختصار سبق وشفته يحچي وَي ابويَ انو يريد اطفال بيهم اعاقات خطيره حتى يستغل عجزهم ياخذ منهم اعضائهم السليمه ويبيعها بأسعار غاليه ڪلش.
مااستوعبت الي ڪاله آسر حسيت انو اريد استفرغ احس بصدمه وخوف من ڪلامه شنو طبيعه هاي البشر معقوله عندهم ڪلوب مثلنا!
رجعت اباوع بـ ذاك المجࢪم الي ماتوقعت خلف هاي اللحيه ڪل هل اجرام و المصايب وشفته انو خلص ڪلامه وصافح ابو آسر وانطا فلوس وراح..
يشتغلون سوه وبجنسيات مختلفه على تدمير العوائل..
وبيوم من الايام دخل علينا ابو آسر وهوَ يرجف من الخوف اخذ نفس وهوَ يحچي بتردد وخايف
(ڪارثه...ڪارثه) صارت ڪدامي شيء ماخطر على بالي ابدًا...
