عَوض مـِن بـَعد عـَذاب!.

part 15

عَوض مـِن بـَعد عـَذاب!.

#بـقَلمي_زَنـايب.

لاتنسون التصويت+التعليق بين الفقرات+مُتابعة للحساب✨.

****************

انتظرت ألا ان طلعوا النساء الي چنت اشتغل وياهم من المڪان ورحت لـخاله سَميره حتى اڪللها بالموضوع وبديت احچي وياها بشڪل مُباشر..

_قَبَس: خاله حبابه اريد اروح وَي زوجج بـ ࢪحلته الجايه

استغربت من شڪلي لان چنت اتراجها وطلبت مني انوا اهدء وهيَ تشرحلي انو طلبي مُستحيل ڪملت ڪلامي وڪلتلها..

_قَبَس: لازم ارجع لـ العراق لازم ارجع لـ اهلي.

چانت تفهم شويَ من ڪلامي والنص الثاني لا، دخل علينا قاسم وچان واضح عليَ انوا سمع ڪل ڪلامنا حچه هوَ و موجه عيونه لـ مَرت عمه..

_قاسم: هاي الفڪره ماخطرت على بالنا ليش ما انسويها؟!

_سَميره: قاسم انتَ تعرف خطوره الموضوع وهيَ رحلات تهريب مو رحلات عاديه حتى ننقل قَبَس بيها..

ڪمل قاسم وڪال..

_قاسم: هيَ مُخاطره بس احنى انريد فلوس وهيَ اتريد عائلتها.

باوعلتي خاله سَميره نظرات صامته چانت نظره تشيل مشاعر متظاربه دارت وجهها وڪالت..

_سَميره: اتعودت عليچ ڪأنوا بنتي ألي ماجبتها اعرف مدا حزني الي اعيشه أذا وافق زوجي على طلبچ..

حسيت انوا اڪوا مشاعر حلوه تربطني بهاي الخاله الي ماقصرت وياي ابد صَح تعبتني بشغل البيت بس الصراحه مافرضت عليَ أي قيود بالبيت وچانت اتخليني على راحتي يعني چنت اڪدر اشرد منهم بأي لحظه بس چنت مرتاحه يمهم.

وعدني قاسم انوا راح يحاول يقنع عمه، مَرت ساعات هذاك اليوم بشڪل بطيء ومُمل وچنت طول الوقت اتخيل مشاعري أذا رفض عَم قاسم انو ياخذني ويا او اذا وافق.

اجه الصبح ومارست روتيني المعتاد وبعد ما ڪملت شغلي رحت وڪعدت يَم الخاله سَميره
واباوعلها وهيَ تستعمل مڪينه الخياطه.

دخل علينا العم فاضل و ورا قاسم باوعلي العم فاضل وبعدين باوع لـ زوجته وڪللها..

_العم فاضل: الي اتطلبه هاي البنت مُخاطره احنى ڪبار وانخاطر بـ اعمارنا..

_سَميره: ڪلتلها هذا الشيء بس هيَ مُصره اتريد ترجع لـ عائلتها.

باوعلي العم فاضل وڪال..

_العم فاضل: عندچ عنوان بيتڪُم؟

اجه قاسم قبل لا اجاوب وڪال..

_قاسم: مايهم عنوان بيتهم المهم انو انوصلها لـبلدها و لمرڪز شرطه بـ العراق وهناك قَبَس راح اتڪللهم ڪل شيء وهم يوصلونها لـ اهلها.

چان تدخل ذڪي من قاسم خله العم فاضل يسڪت و يفڪر وبدون مقدمات ڪال..

_العم فاضل: حظري نفسچ باجر بالليل انروح، سَميره جهزيها.

ماصدڪت الي سمعته ومن الفرحه رحت وشبڪته وشڪرته هواي

بده يوخرني عنه وحسيت الم بـ مڪان العمليه بس ما اهتميت المهم وافق، چانت الفرحه واضحه على وجه قاسم بس الخاله سَميره ماچانت فرحانه بهذا القرار وچان واضح عليها الحزن.

و بـ الليله الاخيره چانت الخاله سَميره ما اتفارڪني وڪالت..

_سَميره: اتمنيت طفله چنت دائمـًا اتمنه اتصير عندي طفله بس من اشوف ڪميه الالم الي يعيشوها اڪول الحمدلله.

باوعتلي وابتسمت وڪلتلي "تعالي وراي"
انطتني جنطه چان بيها عبايه سوده وشويَ ملابس و اڪل.

_سَميره: اخذي هاي الاشياء وياچ يمڪن تحتاجيها، حبيتچ هواي يا قَبَس رغم قصر المده الي عشتيها ويانه.

بچيت بس هل مرا دموع فرح وشبڪتها..

_قَبَس: انا هم احبچ.

مَر الوقت بسرعه ألا ان صارت نصف الليل ودخل علينا العم فاضل هوَ وقاسم وانا چنت جاهزه ومتحمسه..

_فاضل: قاسم راح يرافقچ يا بنت و راح اتروحون وَي الرجال الي اتفقت وياهم راح يوصلوچ لبلدچ ولأقرب مرڪز شرطه وباقي الأمور عليچ انتِ اتنقذين نفسج.

لبست عبايتي و ودعت الخاله سَميره توديع حار..

رحنه وساعدني قاسم على رڪوب السياره وڪالعاده رڪبت بـ الصندوك الخلفي الي چانوا يغطوا بـ قماش وهذا احسن شيء وچان صاعد ويانه شخص ضعيف حيل وبشرته سمراء ويباوع علينا بنظرات اتخوف..

همسلي قاسم وڪال..

_قاسم: هذا من الجنسيه الافيوبيه.

و مقدمه السياره چان اڪوا (3) السايق و ويا(2)

وانا حاظنه جنطتي وڪاعد يمي قاسم حاليـًا اعيش رحله جديده ما اتقل خطوره عن القبلهم سألت قاسم سؤال بعد ما مَر ربع ساعه من الوقت..

_قَبَس: شوڪت نوصل؟

ضحك ضحڪه قصيره وڪال..

_قاسم: ادري انوا مستعجله ؏َ الرجعه بس لسه مطولين.

وبعد ساعتين تقريبـًا وڪفت السياره وماچان عَطل أو شيء چان اتصال خرب ڪل شيء..

اجه اتصال لـ السايق يڪون هل رحله خطره ويمڪن بأي لحظه ننڪشف وعلى هذا الاساس قرروا يرجعون ألا ان يحددون موعد جديد للنقل ماچان يهمني بضاعتهم أو خططهم الي يهمني انوا ارجع لـ العراق وبس وهذا الشيء راح يخرب هسه..

باوعت لـ قاسم الي چان وجهه مليان حزن عليَ وسألته..

_قَبَس: شڪو شصار؟؟؟

حاول يهدئني بس انا انفجرت ابچي..

السايق حَرك السياره ورجعنه لـ نقطه انطلاقنه بڪل بساطه، مر الوقت بشڪل بطيء ڪلش.

قاسم چان يترجاني انوا اهدء ويڪول انوا سلامتنا اهم وانوا هاي مو النهايه وراح انڪرر هذا الشيء مرا ثانيه..

قبل الفجر بـ شويَ وصلنا وانا اجر اذيال الخيبه للبيت..

ولڪينه ڪدامنه منظر مُرعب ومفجع وڪارثه....

يتبع........

****************

رأيڪُم🙈✨.

اليوم البارت شويَ قصير
بس اهم شيء القفلة🌚🔥.