عَوض مـِن بـَعد عـَذاب!.
#بـقَلمي_زَنـايب.
لا تنسون التصويت+التعليق بين الفقرات+مُتابعه للحساب✨.
*****************
ما غادرنا المڪان وبعد عشر دقائق تقريبـًا شفت شيء خلاني انصدم حرفيـًا.....
بدوا الاطفال يطيحون بالڪاع بشڪل مُتتالي بلمح البصر وسط صدمتنا انا وآسر وبدون مُقدمات اجوا سيارتين ونزلوا منها اشخاص راحوا للأطفال وبدوا يشيلوهم بسرعه ويدخلوهم بـ صناديك السيارات وقبل لا يڪملون انطلق ابو آسر ورجعنا للبيت بس من طريق مُختلف طريق اطول وابعد..
ڪلت بعصبيه..
_قَبَس: شنو هذا الي صار شسويت بالأطفال؟؟
وابو آسر جاوبني بعصبيه ڪالعاده وبده يهدد بيَ، بديت اباوع لـ ورا يمڪن اشوف منظر يطمني بس السرعه متخليني استوعب شيء..
وما سڪتت ضليت اسئل بـ ابو آسر ألا ان بده يعصب من عنادي ومد ايده يريد يضربني بس آسر بحرڪه سريعه شمر ايد ابوه وما سمحله يضربني وانا ڪعدت مصدومه من ڪل الي ديصير..
بعد ساعه تقريبـًا وصلنا للبيت ڪعدت بالصاله وچنت اباوع لـ ابو آسر بحقد هذا الرجال ڪلبه من حجر ما يملگ رحمه چنت مستغربه شلون هيچ اب قاسي عنده ابن طَيب وحنون مثل آسر
چان يخابر من خلص مُخابره عرفنه انوا ربح بهذا الشيء الي سوا وراح يربح فلوس وطلع من البيت و قفل باب البيت حيل حتى ما اطلع وبقه آسر يمي..
آسر انطاني ماء حتى اهدء شويَ وسئلته..
_قَبَس: آسر شنو صار للأطفال؟
_آسر: حرڪه اجراميه خبيثه انوا يخطفون الاطفال و يهددون اهلهم يا أما ينطوهم مبلغ چبير من الفلوس ويرجعون الاطفال يا أما يسرقون اعضائهم مثل الي صارلچ..
بس انتِ چنتي تنتمين لـ تنظيم القاعده بس الاطفال ينتمون لـ الحوثيون..
_قَبَس: هسه شنو مصير الاطفال يعني انخطفوا بـهاي السهوله؟
_آسر: اي وماراح اتڪون المرا الاخيره.
_قَبَس: شنو تقصد مو المرا الاخيره؟
_آسر: يا قَبَس مادام البشر احياء الشر باقي.
مُرعبه اجابته و وجعني ڪلبي ؏َ الاطفال وحسيت انوا انا السبب لان انا انطيتهم الچڪليت بس آسر ڪالي ڪأنوا قرا افڪاري..
_آسر: قَبَس مو انتِ السبب لتخافين ولا تنسين انوا ابويَ جبرچ تنطيهم ومچنتي تدرين بيها شيء.
ابتسمت لان طَمني شويَ..
مَرت الايام وبديت احس بألم بمڪان العمليه طلبت من آسر انوا يڪول لـ ابوه يجيبلي دوه لـ الجرح مال العمليه حتى يخف الالم..
