عَوض مـِن بـَعد عـَذاب!.
#بـقَلمي_زَنـايب.
لاتنسون التصويت+التعليق بين الفقرات+مُتابعه للحساب ✨.
****************
وقرر انو يصارحني بشيء مُرعب.....
حچه بصوت ناصي بيني وبينه..
_قاسم: لازم نطلع من هاي المنطقه بـ التحديد بقائنا هنا خَطر.
_قَبَس: قصدك يعني الرجال راح يرجعون و يدورون علينا؟
_قاسم: مو أي رجال يا قَبَس ينتمون لـ تنظيم القاعده..
مافهمت ڪلامه بس حسيت هذا الاسم مو غَريب فـَ سألته..
_قَبَس: احس هذا الاسم مو غَريب!..
_قاسم: الي خطفونه همَ افراد ينتمون لـ تنظيم القاعده متشددين ڪلش ماعندهم رحمه وما يترددون بـ قتل أي انسان ولا يترددون يسوون أي فعل وصخ بس علمود الفلوس..
و اضاف شيء ختم بي ڪلامه..
_قاسم: يڪفي انو اخذوا جزء من اعضائنا..
_قَبَس: راح يعوفونا؟
_قاسم: ما اعتقد، هروبنا منهم اڪيد راح يسببلهم الغضب وماراح يسمحون لـ اطفال مثلنا انو يشردون ويفضحوهم فـَ راح يزيد تشددهم ؏َ الاطفال الباقين.
بعد هذا الڪلام چان عندي اختيارين يا أما ابقى بـ الشارع وانتظر المجهول أو اروح وَي قاسم نحوَ المجهول هَم..
ألا ان قررت انوا اروح وَي قاسم لان چان الاختيار الاقل خَطر..
اتوجهنا انا وقاسم لـ نقطه النقل چانت تبعد عنا تقريبـًا نصف ساعه..
ألا ان وصلنا لـ نقطه النقل واحنى تعبانين وهلڪانين بسبب السيارات والهوسه وچانت اصواتهم مُزعجه..
چان قاسم يحچي وَي السواقين وچان يدور ؏َ اقل سعر مُمڪن..
اخيࢪًا ڪدر قاسم يلڪه واحد يوصلنا بعد ما رفضونه هوايي من السواقين بسبب شڪلنا لان ماچان مرتب..
وطبعـًا مو عطف من عنده بس چان مجبور لان سيارته چانت قديمه ومحد يرڪب ويا فـَ چان هوَ اقل سعر موجود..
طَلع قاسم من جيبه چيس صغير چان ضامه ومحافظ عليَ وطلع منه فلوس..
اتسائلت بـ نفسي هوَ غير ماعنده فلوس!
سألته بعفويه وشويَ عصبيه..
_قَبَس: منين جبت هاي الفلوس غير من چنه يم المحل ڪلت ماعندك؟
ابتسم قاسم وڪال..
_قاسم: اي قبل لا ندخل المحل چان ماعندي بس من طلعنا صار عندي.
اشرتله بـ أيدي يعني شنو دتحچي!
ابتسم وهمس بيني وبينه..
_قاسم: استخدمت خفه ايدي الي اتميز بيها.
