عَوض مـِن بـَعد عـَذاب!.
#بـقَلمي_زَنـايب.
لاتنسون التصويت+التعليق بين الفقرات+متابعه لـ الحساب🤍.
**************
انهى گلامنه الحزين دخول "ابو آسر" وهوَ فرحان والسعاده ماليه وجهه ومن دون مُقدمات سجد بلگاع وهوَ يردد بفرحه (ابو الفاروق مات ابو الفاروق مات)......
مات بـ العركه الي صارت صابته طلقه بـ ࢪاسه وهذا الشيء زال نصف الخطر علينَه الحمدلله الحمدلله...
الحقيقه الي ماراح اخفيها عنگم انو اني فرحت وفرحت فرحه غريبه للمرا الاولى بـ حياتي افرح على خبࢪ موت انسان، گلت بنفسي راح افقد انسانيتي شويَ شويَ اذا ابقه عند ذوله الناس
درت وجهي ؏َ آسر الي چانت الفرحه ماليه وجهه، راح ابو آسر وجاب قطعه حديد صلبه واجه وحاول يڪسر القفل مال الجنطه الي عندي ويشوف شنو الي بداخلها....
انفتحت اخيࢪًا وطاحت اعيونه على جواز افغاني فتحه وچانت المفاچأه الي فرحتنا گلنا..
طلع هذا الجواز مالتي الوهمي ومن خبره ابو آسر گال هذا الجواز شبه حقيقي الصوره الي چانت بـ الجواز مو صورتي صوره بنت سلوا بس چانت تشبهني ، مع انو هيَ ماجانت تشبهني حيل بس انو ابو آسر عباله صدك هاي اني.
وبعد مده من تدقيقه لـ الجواز گاللنه شيء مهم يخص الجواز، يگول انو المعلومات الي حاطيها بـ الجواز تخص معلومات بنت متوفيه بس همه ماسجلوا وفاتها بشگل رسمي هناك عدهم اگو بعض العوائل يدفنون امواتهم بطرق غير رسميه ويبيعون اوراقهم وجوازاتهم علمود الفلوس يعني جوازي هذا يخص بنت ثانيه لگن الشيء الوحيد الي تغير هوَ الصوره حطوا صوره بنت سلوا ؏َ اساس اني..
والاهم انو ابو الفاروق ماوثق زواجنا رسميـًا..
سأل آسر ابو وگال..
_آسر: وهسه شنو ࢪاح نسوي!
_ابو آسر: انتَ انطم ولا اتسمعني صوتگ لتدخلنه بـ مصيبه ثانيه وترا من باجࢪ راح نبدي نشتغل.
_آسر: شغل! شنشتغل؟
باوعلي ابو آسر وگال..
_ابو آسر: بنت بعمرها يگون الطلب عليها چبير انخليها تشتغل بـ بيوت الناس..
رَد آسر على ابو وهوَ معصب..
_آسر: واللـه عرفتگ راح تستغلها گضينه طول عمرنا نشتغل شمعنا هسه تريد تشغل هاي المسگينه خدامهه!!!
_ابو آسر: لك لترفع صوتگ على ابوك يعني تريدها عايشه هنا واصرف عليها؟؟ منين اجيب الفلوس!
حاول آسر يجادل ابو ويقنعه انو ماگو داعي يشغلني وهوَ راح يشتعل بمگاني وهوَ يصرف عليَ بس ابو آسر قافل أله اشتغل..
