عَوض مـِن بـَعد عـَذاب!.
#بـقَلمي_زَنـايب.
لاتنسون التصويت+التعليق بين الفقرات+مُتابعه للحساب🤍.
****************
وياريت مانمنا چانت اسوء نومه بحياتي ڪلها....
ڪعدت من النوم واني احس نايمه ايام طويله وشميت ريحه غريبه تتسلل لـ خشمي ڪأنوا ريحه مُعقم وچنت احس بالعطش الشديد بشڪل غريب لساني چان جاف..
ماڪدرت اڪوم حسيت بثڪل ؏َ جسمي حرڪت راسي بـصعوبه وماصدڪت الي شفته...
شفت ڪل الاطفال الي بالغرفه مُمددين على قطع اسفنجيه واني من ضمنهم والابر و المغذيات متناثره بيناتنا الي چان واضح عليها انها مستخدمه واجهزه صغيره ما چنا انشوفها ألا بالمستشفيات شجابها يمنا..!
چان البعض نايم والبعض مغمضين عيونهم بس يـِونُون من الالم..
حاولت اتحرك بس حسيت بـ ألم فضيع بـ بطني حطيت ايدي على مڪان الالم علمود اخففه شويَ
اتحسست المڪان وحسيت بـ ملمس غَريب!
حاولت اڪعد ونجحت بصعوبه باوعت لـ مڪان الالم وسُعقت من ألي شفته حسيت بدوخه والعرق مله وجهي...
چان على بطني جَرح طويل ومخيط وبدون لا أحس لڪيت نفسي اصيح من الخوف وابچي واني منهاره..
شارڪني بعض الاطفال بـ البچي والي نايمين ڪعدوا من صوتي وحاول قاسم انو يهدي اعصابنا..
دخل علينا واحد من الرجال اتأڪد من سلامتنا وصاح لباقي الرجال وڪللهم الاطفال ڪعدوا وڪلهم بخير
دخلوا علينا وهمَ فرحانين واتأڪدوا من حالتنا الصحيه وجبرونا على المُسڪنات ودموعنا ما اثرت بيهم للأسف من انسانيتهم المعدومه اصلًا..
اتحسس قاسم مڪان العمليه وسڪت وبعدين حچه وهوَ مغمض عيونه بقوة من شده الالم وهوَ يڪول..
_قاسم: سووها الانذال.
سأله واحد من الاطفال وڪلنا متشوقين للأجابه
_شنو سوو بينا؟
_قاسم: نومونا وسرقوا من اجسامنا بعض الاعضاء.
مااستوعبت الي ڪاله من الصدمه واتذڪرت آسر من سولفلي على تجاره ابو مُصطفى هل يعقل احنى ضحيه هاي التجاره!!.
واتذڪرت الشخص الدب الي دخل علينا يمڪن هوَ الي سوه هاي الفعله الاجراميه..
وللأسف چان هذا السبب لـ اهتمامهم بينا طول الفتره الي راحت..
مافهموا الاطفال الي ڪاله قاسم بسبب صغر عمرهم بس شڪلهم حسوا انو هذا فعل اجرامي
مجرد التفڪير بڪلمه عمليه هوَ شيء يخوف.
هل يعقل انو هسه فقدت احد اعضائي الداخليه بهل بساطه!
اولًا فقدت عائلتي ثانيـًا فقدت طفولتي ثالثـًا فقدت وطني وهسه افقد جزء مني!.
