عَوض مـِن بـَعد عـَذاب!.
#بـقَلمي_زَنـايب.
لاتنسون التصويت+التعليق بين الفقرات+متابعه للحساب✨.
**************
بدوا يسوون عمليه صعبه واخذت منهم وقت طويلل انو يحفرون مسار من تحت هذا الشبك الحديدي وفعلًا نجحوا بهذا الشيء وطلبوا من الاطفال انو يزحفون من هذا الطريق....
وسويت اني هم مثلهم وانجرحت ايدينه من الاحجار الچانت موجوده واتوسخت ملابسنه اڪثر من ما چانت عليَ..
وابو مُصطفى والي ويا راحو وسلموا العلاليك الخضر الچانت بـ الشاحنه مدري المن..
بوڪتها ماچنت مصدڪه نفسي حسيت بشعور غريب ڪأنوا بيَ دوخه وهل مشاعر تصير بيگ من يصير شيء انتَ اتحبه أو تتمناه ماتوقعت انو يصير.
بوعدها قسمونا لـ مجموعتين ڪل مجموعه بـ سياࢪه، مُستحيل انسى تفاصيل معاملتهم القاسيه ويانه
چنه بـالنسبه الهم مُجࢪد ارقام بدون هَويات، چانوا ڪُل الاطفال يمنيين ألا اني عراقيه بس محد چان يعرف لان اني اصلًا مااحچي بسبب الساني وحتى جوازي الافغاني ماچان وياي.
چانت معاملتهم ويانه ڪلش قاسيه ويدفعونه ويصيحون علينَه حتى انخاف منهم وحتى چانوا يضربونه بس اني ماچنت اخليهم يمدون ايدهم عليَ، آسر دائمـًا ينصحني انو مااخلي احد يمد ايده عليَ او يتجاوز عليَ..
چانوا الاطفال يخافون ڪلش وينفذون الي يطلبو منهم بدون تردد چان منظر محزن ڪلش مايستحقون الاطفال يعيشون هيچ عيشه
وما اتهنوا بطفولتهم..
من حسن حَظي چنت ڪاعده يم مجموعه ڪلها بنات وچانت ڪاعده يمي البنت الحلوه الي ضمتلي الخبزه، حسيت بوقتها انو هيَ دتحس
بـ الامان وياي سألتني بـبرائه وڪالت..
_وين ࢪاح نࢪوح!
حزنت عليها وڪسࢪت ڪلبي لان عمرها چان ما يتجاوز لـ8 سنوات حسيتها تحمل قصه مؤلمه او أنها مخطوفه مثلي أو اهلها باعوها مثل آسر، للأسف ماچنت اڪدࢪ ألا انو اچذب عليها..
رديت عليها بعد ما ابتسمتلها وحطيت ايدي ؏َ راسها..
_قَبَس: راح نروح لـمڪان حـلو لاتخافين..
ابتسمت شڪلها فهمتني وماچنت متوقعه راح تفهمني بسبب لساني المحࢪوگ..
حطت راسها ؏َ متني حتى تنام واني مامنعتها اڪيد..
قبل لا نمشي صار شيء ماچنه حاسبيله حساب وافجعهم ڪلهم أله اني اسعدني..
شافونه مجموعه شرطه عراقيين وبسرعه مُفاجأه رڪبوا السواقين السيارات وانطلقوا بس چان الهروب الاسهل لـ شاحنه ابو مُصطفى القذر ڪدر يشرد شفته من الجامه وڪدر يشرد لان رجال الشرطه چانوا قليلين وچانوا موجودين خلف الشبك الحديدي يعني چانوا داخل حدود العراق فـ ضلوا ورانه وچانوا يمشون ورانه بسرعه ڪأنوا مشهد فيلم..
