بسم الله الرحمن الرحيم
الغريب(الثقب الاسود)
بقلمي: زينب مهيمن
لا تنسون التصويت والتفاعل بين
الفقرات عيناي
❄️❄️❄️
فتحت باب السطح صار كدامي كرار طافر على سطحنا ضل صافن عليه متلبك أيده يحتار
وين يوديها
ضي: شمتاني اصرخ؟ اكعد ابجي؟
كرار: اا..الطيره حطت عليكم واجيت اخذها
زلكت رجلي و طحت
ضي: جا الطيرة وين؟
رفعت واحد من حواجبي وهو تسلق الحايط
وقبل لا يعبر جاوبني
كرار: طيرتها
كمز لبيتهم واني هزيت ايدي شبيه هذا؟
اخذت الملاعيب ونزلت جوه مالكيت الولد
بس مرت ابوي واكفه يم نغم تطبخ
ضي: مرت ابوي كعدي أنتِ تعبانه هسه
اني وعمه نخلص الشغل
مودة: كولي خاله لو مودة
ضي: موده منو؟ هاي امج رادت تجيها
بس اجت بمكانها معكره
نغم: ههه ضي تحب تتشاقه هيج ضي عمه
مو من اول يوم شقه مايصير
حاولت اطمطم الموضوع خزرتني واني
ولا همني
ضي: نغم تعاي نطلع نلعب دعابل بره
عافت نغم غيث بالحجله وطلعنا بره نلعب
للعصر طلعو ولد مرت ابوي وهذا جنرال
صار يصيح علينا
جنرال: طبن جوهههه
ضي: دمشي لك شعليك؟
جنرال: طبي واني من يجي عمي اكله عليج
ماتستحين طالعه بره؟
نغم: خلينا المستحه لامك عجوز وتزوجت أبويه
دفعها جنرال على الطابوكه وصارت نغم تصرخ
وتبجي كومتها من الكاع اريد اكضها ماتقبل
نغم: اخخخخ ايديييي
ملاك: شبيج نغم عفيه شبيج؟
سيف: كومي نغم كومي
تقرب علينا جنرال كومها اباوع عليه يرجف
وشفته صار لونها ابيض
جنرال: نغمم... باعي والله مادفعتج حيللل
نغم: ايدييي يمهههه
جاسر: اروح أصيح امها
راح جاسر جوه وطلعت عمتي هي ومرت
ابوي يشوفنها عمتي كامت تبجي عليها
مودة: امشي ناخذها للدكتور
طبت لبست عبايتها وراحت هي وعمتي
بقينا احنه بالبيت اباوعله اريد اكوم اموته
وكلت غيث شويه نومته صار المغرب اجه
ابوي من شافه جنرال احتار وين يضم روحه
أنت تقرأ
الغريب (الثقب الاسود)
Romanceبين جنة ونار ، بين ورده وصبار يولد الحب كترياق لروح بجسدين دقت القلوب تعلن عن شعور جديد ياخذكم لعالم خيالي ويسألكم هل اصبح هذا المكان ملك لشخص ام استأجار؟
