بسم الله الرحمن الرحيم
الغريب (الثقب الاسود)
بقلمي: زينب مهيمن
لا تنسون التصويت والتفاعل
بين الفقرات عيناي علقوا لطفاً
❄️❄️❄️
ضي: مايستاهل واحد مثله تنزلين دمعه من
عينج
لُجين: ياواحد؟
ضي: ختلات السطوح وحبيبي
لُجين: سدي الموضوع لا تكملين فهمت
ضي: شعجبج بيه؟ جسوري هم أحلى منه
لُجين: نعمى على عيني الحب اعمى
ضي: مو مبرر أنتِ حبيتي واحد غلط
لو متزوجه من زمان جان هسه ابنج بطولي
لُجين: من طولج أنتِ
ضي: دمشي بحلات طولي انتِ؟
نغم: كافي شكد تناكرتن؟ عمه اريد جرك
لُجين: تعالن نشتري
اخذتنا للمحل اخذت جرك وصمون كهربائي
لُجين: ضي عوفي ولد مودة لا تتحارشين
بيهم
ضي: هسه شمسويتلهم اني؟ كاتلتهم صالختهم؟
لُجين: لا هو هذا الناقص لج عيب هم ولد
وأنتِ بنيه شبيج طايحه بيهم مشاكل؟
ضي: جنرال ولد ماختلفنا بس جسوري
يراد واحد ينزعه يتأكد ههههه
ضربتني على راسي دخلنا للبيت شفتها
لامه ولدها مسويتلهم كيكه
لُجين: عاشت ايدج ريحة الكيك واصله
براس الشارع
راحت هي ذبت صايتها ونغم كعدت يمهم
تريد تاكل ضربتها مودة على أيدها
مودة: لا تمدين ايدج هاي مالتهم
كامت نغم كعدت يمي وجها صار احمر
تكابر حتى لا تبجي انطيت غيث ملهيه وكمت
عليها
ضي: مالتهممم منين اجت مالتهممم؟ البيت
بيت ابوي والأكل من فلوسه لو نسيتي
مودة خاتوننننن؟
جنرال: تعايرينا شنوووو؟
ضي: شلون ما تحسبها احسبهاااا يجي ابوي
واني أعرف شكلهههه
أنت تقرأ
الغريب (الثقب الاسود)
Romanceبين جنة ونار ، بين ورده وصبار يولد الحب كترياق لروح بجسدين دقت القلوب تعلن عن شعور جديد ياخذكم لعالم خيالي ويسألكم هل اصبح هذا المكان ملك لشخص ام استأجار؟
