بسم الله الرحمن الرحيم
الغريب(الثقب الاسود)
بقلمي: زينب مهيمن
لا تنسون التصويت والتفاعل بين
الفقرات عيناي علقوا لطفاً
❄️❄️❄️
لُجين
صعدت بالسيارة اقره ادعيه واطك اصابيعي
- قلقتيني، يالله تعاي
فتحلي الباب ساعدني انزل ودخلنا للبيت
- رجعني للبيت
- شنو؟
- رجعني ماريد اتزوج
- حبيبتي شرعاً وقانونياً أنتِ مرتي بعد
يا ماتردين؟
- ماتريد هي مو بكيفججج تعاي رحمه
لربج افردي وجهج
حاولت ابتسم بس ماكدرت احس متشنجه
وماكدر، دخلنا للغرفة روحي طلعت من جسمي
من شفت ترتيب الغرفة والورد بالكاع
- هذا أسير الحيوان خلا ورد تحبيه؟
- اي
ضغطت على البدله مانعه نفسي من البجي
نزع الستره والرباط فتح اول دكمتين من
القميص
- أخذي راحتج كلبي احطلنا غده واجيج
راح واني كعدت على الجرباية محتاره،
اخاف ارفضه واتعرض لنفس القرف الاول،
بس اني اريد حتى اخلص وخايفة شلون؟
- هااا مابدلتي؟
دخل شايل صينيه بيها تمن ولحم
- لُجين لا تتقيدين حلالج اني كومي عيني
بدلي لا يبرد الاكل، تردين اساعدج؟
هزيت رأسي لا وطلعت اركض وصلني صوت
ضحكته دخلت للحمام نزعت البدله كوه
تصارعت وياها مصارعه حره، غسلت وجهي
وانتبهت ملابسي ماكوووو، امداج لُجين
ايهاب: لُجين هاي ملابسج
هذا واحد خوش مربيه يدك عليه الباب،
هاي لو ضي تدخل جفت أخذتهم منه شفته
داير وجه لبست بسرعه وطلعت
- تأكلين؟ ميت من الجوع عوفي مستحاج
على صفحه وشاركيني
- لا مااستحي
- ههههه كعدي عيني كعدي
أنت تقرأ
الغريب (الثقب الاسود)
Romanceبين جنة ونار ، بين ورده وصبار يولد الحب كترياق لروح بجسدين دقت القلوب تعلن عن شعور جديد ياخذكم لعالم خيالي ويسألكم هل اصبح هذا المكان ملك لشخص ام استأجار؟
