بسم الله الرحمن الرحيم
الغريب(الثقب الاسود)
بقلمي: زينب مهيمن
لا تنسون التصويت والتفاعل بين
الفقرات عيناي علقوا لطفاً
❄️❄️❄️
لُجين
صدمتي بموت اخوي بكف و وجود مره
كدامي حالياً دكلي هي امي بكف ثاني
لُجين: ماعندي ام اني يتيمه
بدرية: لا يمه اني امج وام موسى الله يرحمه
لُجين: خاله جاي تعزين تفضلي كعدي
بين مايصبون الغده
حاولت اخلي نبرة صوتي ثابته يا ناس
هاي امي مو المفروض هي تستقبل العالم
بفاتحة ابنها؟ زين ليش صار العكس وهي
اجتي خطار لفاتحة ابنها؟
كعدت بمكاني راسي بالكاع ماريد ارفعه
ضي: عمه هاي ام ابوي؟
لُجين: لا عمه مره غريبة جاي تعزينا كومي
شوفي أسير يحطون غده هسه؟
ضي: لا كال يصلون يالله
رفعت راسي للمره أو امي البنات يلي وياها
بيهن كبار وبيهن بعمر ضي اذا مو اصغر
احتاريت ذولي اخواني لو شنو؟
بدرية: جا مرت موسى هاجر وين؟
مودة: اني مرته هاجر ميته
ضي خزرتها والمره نصدمت من كلام مودة
بدرية: شوكت توفت؟
ضي: صار هواي تعرفين امي؟
بدرية: شفتها قبل زواجها اني اختاريتها
لموسى الله يرحمه
ضي: عمه كومي هاي المره راح اخنكها
بدرية: تعاي ابوسنج بيبي
ضي: عندي حساسيه من البوس ماحبه
عقجت وجها وذني والوياها يمكن خواتي
لُجين: شلون وصلج خبر وفاته؟
بدرية: يا يمه ما كاطعه بيكم اني انتو كطعتو
بيه من ادك على اخوج حتى التليفون ما
يرفعه عليه
ضي: اي مو ابوي جان يكره الجذب
لُجين: كومي ضي شوفي اخوج وين؟
بس لا طلع بالشارع
أنت تقرأ
الغريب (الثقب الاسود)
Romanceبين جنة ونار ، بين ورده وصبار يولد الحب كترياق لروح بجسدين دقت القلوب تعلن عن شعور جديد ياخذكم لعالم خيالي ويسألكم هل اصبح هذا المكان ملك لشخص ام استأجار؟
