بسم الله الرحمن الرحيم
الغريب(الثقب الاسود)
بقلمي: زينب مهيمن
لا تنسون التصويت والتفاعل بين
الفقرات عيناي علقوا لطفاً
❄️❄️❄️
قناة التلغرام lfoz_5
هواي منكم دايلوم لُجين ويوكف ويه ايهاب،
زين سألتو لُجين شجانت تحس؟ ليش لازم هي
بسرعه تتخطى زواجها وتحبه؟ احنه ابلد يقدس
الرجل ويظلم المره مابالكم وهي عاشت هل شي؟
ضي
- لا خطيه لا تسويها والله مو قصدي
رفض يباوعلي وصب كل تركيزه على مُجاب،
يبجي واني ابجي عليه
- شلون نكسرت؟ مكان مو كلش عالي، خاف
خاف غلطان
- اااخ بويه باعي نظرته إليه
رحت اسحل روحي سحل بالطين كعدت يمه،
مُجاب عيونه مليانه دموع مثلنا ويصهل
بخفوت، مسح أسير على ركبته انتفض الخيل
متوجع من أيده
- شلون أسويها كليلي شلونننن؟
- اني السبب الله ياخذني، خلي لا تكتله
يطيب والله
كسر رجل الخيل يعني موته بس أنتِ راح تسويها
- مااا شعليه اني اصير قاتله انتَ اكتله
باوعلي لزم ايدي حيل وفتحها حط المسدس
وجه على مُجاب، حاولت اوخر من أيده
بس ضغط على ايدي حيل، التفت لمُجاب
ومسح دمعه وكعت من عينه
- اسف ماحافظت عليك اسف
صار وراي واني معترضه ماريد الوث ايدي
- قوي كلبج ضي، موته ارحم اله يالله واحد
ثنين ثلاث
اردفها بسرعة واطلق النار برمشة عين استقرت
برأسه، نزل أيده طاح المسدس مني
- امشي يالله
أخذ المسدس من الأرض يرفض يباوع للخيل،
سحب ايدي يمشيني وراه عيني على مُجاب،
وهو يركض بيه مو يمشي، صوت انفاسه
عالي وصدره يهتز
وكف بينا بنص الشارع يهز برأسه لا، ابتعدت
خايفه منه لا يكتلني اني هم، ربي ما عليه
ماردت يصير هيج والله، أنتجه على ركبته
ياخذ نفس بصوت عالي
أنت تقرأ
الغريب (الثقب الاسود)
Romanceبين جنة ونار ، بين ورده وصبار يولد الحب كترياق لروح بجسدين دقت القلوب تعلن عن شعور جديد ياخذكم لعالم خيالي ويسألكم هل اصبح هذا المكان ملك لشخص ام استأجار؟
