بسم الله الرحمن الرحيم
الغريب(الثقب الاسود)
بقلمي: زينب مهيمن
لا تنسون التصويت والتفاعل بين
الفقرات عيناي علقوا لطفاً
❄️❄️❄️
بنات سؤال
يعني ليش تفاعلكم هيج؟ يعني والله
من احجي دكولون هواي لحيتي بهل
موضوع، ومن ما احجي تقرون وترحون
كانو ولا شي كدامكم، وياكم حق انو
يلي الدايصير بالواتباد اوفر بس مو لهل
درجه تكطعن
لُجين
خلصت تجهيز نفسي وطلعت وره البنات،
ماريد اروح بس ماكدر اكسر بخاطر ضي، هل
بنيه تحملت فوك طاقتها هواي، من نعبر
مكان احس اختنك أكثر، اريد ارجع للبيت
ضغطت على نفسي احاول انسى الصار،
انتبهت للمراية يلي بصف الباب عين عمو
ايهاب عليه، نزلت رأسي ماحب احط عيني
بعينه يحسسني وحدة ضعيفة
رفعت عيوني شويه شفته يمسح على جفن
عينه الاسفل، ليش هيج يسوي؟ تغاضيت عن
الموضوع وحضرنا العرس، كعدت يم بنات
ثنين وسط الهوسه ومن كامن ماعرف
عبايتي وين طارت؟
مثل المضيعه روحها جنت ادور عليها، حسيت
روحي بلا قطعة تسترني بلاها، وقفتني
وحده من النسوان تسأل
- أنتِ من أهل العريس؟ مو من اقاربنا
- اي خالة
- جا خوش مثل مانطيناكم مره ناخذ منكم
أنتو هم هههههه
بلعت ريكي وهزيت رأسي بس رحت ادور
على ضي حتى نروح، رجعت للبيت اجر
خيبات الامل وراي، مر سنة جنها ذلك اليوم
من سمعت أبغض حلال الله وادمرت حياتي
دخلت للبيت اني ونغم انريد نبدل
- صيحي غيث لا ينام بملابسه
- هسه أبدله اني
هزيت راسي ماشي بدلت فستاني بدشداشه
نغم: البيت هدوء بلا مودةةةة
اندك الباب اخذت شالي وطلعت شفت باب
الاستقبال مسدود، تنهدت مخنوكه اخاف
على ضي حتى لو أسير زين اخاف عليها،
فتحت الباب باوعلي عمو ايهاب رافع حاجبه
- لا تبجين لا تبجين نجيبلج عباية، انطي
هاي لأسير
اخذتها منه علبة مغلفة هزيت راسي ماشي
- لونين، الكحل من عيونج نازل
أنت تقرأ
الغريب (الثقب الاسود)
Romansaبين جنة ونار ، بين ورده وصبار يولد الحب كترياق لروح بجسدين دقت القلوب تعلن عن شعور جديد ياخذكم لعالم خيالي ويسألكم هل اصبح هذا المكان ملك لشخص ام استأجار؟
