بسم الله الرحمن الرحيم
الغريب (الثقب الاسود)
بقلمي: زينب مهيمن
لا تنسون التصويت والتفاعل بين
الفقرات عيناي
❄️❄️❄️
قناة التليغرام lfoz_5
{ضي}
جنرال: هلا خالي شلونك؟
مد أيده يسلم على أسير بس عينه عليه
يحجي كلمه والثانية يمتمت بيها
- هلا خالي وليدي السبع كبران صاير شطولك؟
جاي تهتم بنفسك امك اخوانك؟
باوعلي جنرال باستغراب وحمحم
- اي خالي جاي ادبرها دراسه وشغل
- ابني السبع ماينخاف عليك سويت مثل
ماوصيتك؟
- اي الحمدلله رجعت لدراستي
- شلت حمل ابوك وانتَ بعدك صغير من
أكلك تحتاجني دكلي كفيت و وفيت ليش؟
- خالي كبرت بعد مو مال سوالف المزعطه
غير أشيل حمل امي
- بعد خالك فخور بيك وعلي
جنرال صار يبلعم وكوه ينطق نزل رأسه
خايف وكال
- خالي اني اعتذر منك جان لازم اجي لبيتك
واتاسف
أسير: على شنو اسفك جنرال؟
طخت بعقلي يحجي بسالفة نغم واني
ماكتله لأسير بعدني، باوعلي جنرال انوب
رجع يسولف ويه أسير
جنرال: موضوع نغم
- شبيها نغم؟
ضي: ابن اختك يراسل اختي على الفيس
ويحرضها ضدي
نطت عيونه من العصبيه وجنرال ما عرف
شلون يضم روحه؟ ما عباله اني ما كلت
لأسير لحد هسه وهو وحده جفص، لزمه أسير
من جتفه ضغط عليه عبالك يريد يدخله بضلوعه
- امشي بره ماريد اتعارك وياك هناااااا
امشيي ياسبعييي
نزل جنرال رأسه مستحي من فعلته الشنيعه
وفعلاً لازم يستحي، فوك ماغلط يحرضها عليه
يكللها معليج باختج
أنت تقرأ
الغريب (الثقب الاسود)
Romanceبين جنة ونار ، بين ورده وصبار يولد الحب كترياق لروح بجسدين دقت القلوب تعلن عن شعور جديد ياخذكم لعالم خيالي ويسألكم هل اصبح هذا المكان ملك لشخص ام استأجار؟
