بسم الله الرحمن الرحيم
الغريب(الثقب الاسود)
بقلمي: زينب مهيمن
لا تنسون التصويت والتفاعل بين
الفقرات عيناي علقوا لطفاً
❄️❄️❄️
ضي
- اي عادي
- شنو العادي؟
- مو تريد نتزوج؟ عادي
- والله أنتِ فد وحده... خليني ساكت اللهم
اني صائم
- ماعرفتك عيني
- ضي اذا اكلج ماريد ننفصل، ونصير زوج
و زوجته طول حياتنا وحتى بعد مماتنا تقبلين؟
التزمت الصمت ماعرف شجاوب؟ لحد هسه
اشوفه اخو مودة، ذلك الرجال يلي يكلي
خالي، صديق ابوي أسير
- صمتج مو بوكته اريدج اني ضي
ايهاب: داخل لبيتجججج؟
التفتت للباب اشوف شكو؟ انتبهت عمه واكفه
كدام عمو ايهاب تصيح، كمت فتحت الباب
وطلعت وراي أسير
لُجين
خلصت ترتيب الغرفة باوعت لأغراض مودة،
شعجب مااجتي؟ غريب والله
نغم: عمههه غيث جوعان
- تعال ياروح عمتك اسويلك عميه
غيث: عمم اليد ايي احت
- ليش هيج السانك ثكيل؟ وماتحجي عدل هاااا؟
أخذته للمطبخ اسويله اكل باوعت من الجام
ايهاب واكف يأكل بنص الحوش، هذا صدك
يحجي؟ شكو يفتر مايكول البيت اله ناسه،
فوكاها فاطرررر
عفت غيث بالكاع وطلعت
- شجابك؟
- رجليه جابتني
- وهاي رجلك كللها خلي تطلع، اكو نسوان
بالبيت يفترن براحتهن
رفعلي حاجبه منزعج من كلامي، شرب من
الببسي وشمره بالحاوية
- مادخلت للبيت بعدني، بس أنتِ كولي
عندج مشكله وياي
- اي والله عندي وماريد اشوف خلقتك، تفضل
اطلع بره بلا مطرود
أنت تقرأ
الغريب (الثقب الاسود)
Romanceبين جنة ونار ، بين ورده وصبار يولد الحب كترياق لروح بجسدين دقت القلوب تعلن عن شعور جديد ياخذكم لعالم خيالي ويسألكم هل اصبح هذا المكان ملك لشخص ام استأجار؟
