الغريب (الثقب الاسود)

part 34

بسم الله الرحمن الرحيم

الغريب(الثقب الاسود)
بقلمي: زينب مهيمن

لا تنسون التصويت والتفاعل بين
الفقرات عيناي علقوا لطفاً

❄️❄️❄️

قناة التليغرام lfoz_5
البارحه مانزلت لان ذكرى استشهاد النبي
(ص) واني بيوم الاستشهادات ماانزل
بلغت بالتليغرام

نزلت من السيارة وعفتهم حتى الجنطه ما
نزلتها، فتحت الباب من السيم ودخلت
شفت عمتي واكفه تمسح الزجاج لابسه
دشداشة لون برتقالي قصيره،

- عمههههه

عافت الوصله من أيدها مستغربه وجودي
- شبيج عمه عيوني؟

ارتميت بحضنها ابجي اريد احجي ماكدر
كوه اجر بالنفس
- عمه..باعني..اختار..اختار أمه

- بس باعيلي منو هو؟
وخرت من حضنها امسح دموعي بخشونه
حسيت خدي تشخط، تباوعلي عمه بخوف

- ليش هيج حظي؟

ايهاب: لُجين البنات جايات يرتاحن
غيث ركض عليها دفعني وهي شالته
دخلنا جوه وهي مافاهمه

لُجين: غير تفهمونييي صايره مثل ابو
صابر لا احل ولا اربط

ايهاب: فوزية محاجيه ضي وماقبل أسير

- أسير مايسويها مايقبل لدموع ضي مو
انوب هو يحاجيها

ضي: اختار امه، طردني عمه طردني

- جوز ساعة شيطان راعي وضعه شويه
ياحبيبتي تقبلين ابنج الربيتي وتعبتي عليه
ينطي بيج؟

- بس ماسويتلها شي هي دخلت علينا
ماحسيتها غير فوك رأسي

باستني عمه برأسي تباوع لعمو تستنجد بيه
ايهاب: أسير يعوف الدنيا علمودج ضي بس
هي هم أمه، واني ما قصرت وياه وكلته المقسوم

- مااريده بعد مااريدهههه

- مو حل هذا عمو ضي مو حل، هي أمه
وأنتِ مرته وكل أنفاسه

- جا خلي يموت بدون أنفاسه حرك كلبي
عمه... لو..لو تشوفين شلون يباوعلييي

- ميخالف عمه اهدي وتصرفي اعرفج
اقوى من هيج

- مو قوية اني هو باك قوتي مني كالي
اقوى من وجودج يمي تالي ضعفني

ايهاب: اروح اسحلج ياه