بسم الله الرحمن الرحيم
الغريب(الثقب الاسود)
بقلمي: زينب مهيمن
لا تنسون التصويت والتفاعل بين
الفقرات عيناي علقوا لطفاً
❄️❄️❄️
لُجين
خلصت شغل البيت وكعدت احس بملل، اخذت
تليفوني دخلت على الفيس اشوف العالم
شنو ناشره؟ هاي تحجي على رجلها وهاي كاتبة
رجلي سر سعادتي، كل وحده بروفايلها عبارة
عن صورة ورد بنفسجي
طلعت من الفيس مالي خلقه، شغلت التلفزيون
كونان احلى بهواي من الفيس، ضي راحت
تجيب ملابسنا من الخياطه
نغم: ادري بس احنه نلبس ملابس العيد
وره العيد شنو هاي؟
- الخياطه من الاول كالت مالحك، والملابس
تلبس بس بالعيد؟
- اريد اكص شعري
- كصي كومي سبحي حتى اكصه الج
خلت أصابعها على حلكها سوت صوت بوسه
- احبج عماتووو
ضحكة عليها لزمت غيث الاعب بيه، شويه
وطلعت مخليه منشفه على شعرها، منزله رأسها
والماي بالكاع
- مو كتلج اسبحيييي؟
- الصبح سبحت اطلابهه، هسه أبدل واجي
تكصيه
طلعت ملابس نزعت كدامي تبدل بلا ماتستحي
- شوكت تصيرين مثل ضي؟ مو كايلتلج الملابس
ماتنزع كدام احد؟
- أنتِ عماتو حبيبتي يالله هاج كلبي أنتِ
انطتني المشط والمكص خلت المنشفه على
ضهرها وكعدت
- كصي هواي شكد ماتكدرين كصي
- بس التعبان حرامات اكص هواي
- شنو تعبان وين جان بالشغلللل؟
- الساني ضي الدلاله هم صاير عندج
اندك الباب كامت هي تركض قبلي
- خلوني اكصه انوب تعالو والله اليوم إلا اكصه
انتظرت لما اجتي شفتها متردده
- عمه اكو مره بالباب كالت صيحي واحد
من اهلج
أنت تقرأ
الغريب (الثقب الاسود)
Romanceبين جنة ونار ، بين ورده وصبار يولد الحب كترياق لروح بجسدين دقت القلوب تعلن عن شعور جديد ياخذكم لعالم خيالي ويسألكم هل اصبح هذا المكان ملك لشخص ام استأجار؟
